يالاد وين الشاعر اللي فاقده وقت طويل= اله ثلاث شهور (عنه الطير ماجاب الخبر)
من عيّن محمد رشيد اللي منول كل لليل=يبين مثل النور(عنه الطير ماجاب الخبر)

عساك ماتفقد من الغالين غالي يالأصيل = يالشاعر المشهور ( عنك الطير ماجاب الخبر )
سولف وابا سولف وميزان المعاني لايميل = بعدوصلك الدور ( عنك الطير ماجاب الخبر)

الشاعر اللي كان في وقته من الوزن الثقيل=بعده وريث الكور(عنه الطير ماجاب الخبر)
حنا ليامنا مشينا نعبر الدرب الطويل=واللي يلف يدور(عنه الطير ماجاب الخبر)

اهل الفعول اتورّث الامجاد من جيل ٍ لجيل = واللي يقول الزور ( عنه الطير ماجاب الخبر )
عبدالله الاصعر مخيّم عام في ديرة هذيل =لو الديار ادهور ( عنه الطير ماجاب الخبر )

انا ماذمك نجم لكنه ماجى مثل سهيل=وليا لحقك قصور (عنك الطير ماجاب الخبر)
بعض الدير والله ماجيها ياعساها ماتسيل=تهرج بدون شعور (عنك الطير ماجاب الخبر)

اسهيل في وقته لكن الجدي مامثله مثيل = منه الدمي اتفور ( عنك الطير ماجاب الخبر )
عندي عليك اشهود يالاصعر واضا عندي دليل = ياقايد البابور ( عنك الطير ماجاب الخبر )

الله يبارك فيك يامحمد تعشق المستحيل=والميت المقبور (عنه الطير ماجاب الخبر)
انته صحيح اتعرف الاصعر في يده سيف صقيل=واللي معه باكور (عنه الطير ماجاب الخبر)

حنا ليا منا عطينا مانمد ألك القليل = لانك ولد مخبور ( عنك الطير ماجاب الخبر )
احيان منت احليل والا احيان يالاصعر حليل = مستور يامستور ( عنك الطير ماجاب الخبر )

تبا الحقيقه والله انّك شاعر ولانت بخيل=لو بالكرم مذكور (عنك الطير ماجاب الخبر)
الي مع الشعار وقفه واعرف بحور الخليل=يامطلق المشهور(عنك الطير ماجاب الخبر)