ياراعي الجدعا عسى ماشر ياذيب الحماد = من يوم حظك وقّعك بين الحويطات وبلي
جملك من قبل السنه يامر على اعلان الجهاد = مير السنه خليتني والحمل من فوق جملي

الذيب في رزقه سعى في صبح والافي هجاد= والحمد لله حظنا طول الليالي معتلي
ياصاحبي حنا معك نقمع فلول الاضطهاد= ياويل من يبغى يوقف في طريق الوايلي

السالفه والمشكله بين الفتيله والزناد = والعالم الله نستعي بالخير والمخرج ملي
حسبي على اللي يزرع الفتنه مع ملوك البلاد = ياللي تشقون القرب حنا مميحة الدلي

قبلك ياكثر اللي سعوا للصلح من بين العباد= لكن قلوب الناس فيها الشر يطبخ ويغلي
العالم اللي مايعرفون البياض من السواد =لو هو بكيفي كان اذبّحهم مثل ذبح الطلي

اللي يشجع نادي الاهلي سوا والاتحاد = هذا على قول الجماعه لاعليك ولاعلي
يااصحابنا اللي في محرّم مالحقو آخر جماد = حنا على مذهب .. سواء الشافعي والحنبلي

في مذهب الشيعه ترى (التقيه) قضية اعتقاد=لو ينسبون القول كله لابن ابو طالب علي
الخامني والموسوي اثر بهم احمد نجاد= ماهو بداري .. لين ماصارت جحيم ٍ تصطلي