اللي على كيفه يجي والا على كيفه يروح = إن راح في حفظ الولي وان جاء هلا واهلآ هلا.
ماني على قربه شفي والا على بعده شفوح = الله خلقني ماعترض من صد من كل الملا.
عندي قناعه والقناعه كنز يبقى مايروح = كنزٍ على طول الزمن يبقى ونبلا مابلا
لاهل الغلا عندي غلا والقلب للغالي نصوح = وانا عميل اهل الوفا واهل الوفا لي عملا.
الطيب لاهل الطيب واهل الطيب بانين الصروح = واهل الصروح العاليه محدآ جهلهم فالملا.
ياللي مع الوافي وفي ولزلته دايم دموح = قدرك رفيع ومعتلي بين النشاما فالعلا.
اليااعتذر لك صاحبك من غلطته خلك سموح = ماجاك يطلبك السموحه غير من قدر وغلا
ولربعك الادنين خلك مثل دكتور الجروح = واعلم ترا مابه على وجه البسيطه من سلا
ولستر بلوى الناس خلك دايمآ عندك طموح = لاتفرح إبلوى البشر والصبح تبلا بالبلا
ياللي تبيح بسر غيرك وش كسبت من المدوح= مكسبك وشهو من علومٍ مالها قدر وحلا
اصحيبك اللي باح لك سره بسره لاتبوح = السر بين ثنين وليا جالهم ثالث جلا
اليا درا الثالث درا غيره وراح لكل روح = هذا كلامٍ قاله لتال الرجال الأولا.

المشاركة الأصلية كتبت بواسطة السيف شاماني (المشاركة 960017) الأخ / ســـــــــــــــــــعود العصيـــــــــــــــــــــــــــــــمي صح لسانــــــــــــــــــــــــــــــــــــك مدد مالها عـــــــــــــــــــــــــــــــدد هذا هو الشعر ولا فــــــــــــــــــــــــــــــــلا تقبل تحيــــــــــــــــــــــاتي وسجــــــــــــــــل أعجـــــــــــــــــــــــــــــــــــــــــــــــ ــــــــــــــــــــــــــــــابي

المشاركة الأصلية كتبت بواسطة سلطان ابن حامد (المشاركة 960023) ابو طايل صح لسانك ولاهنت ابدعت وامتعت والشهاده فيك مجروحه .. يعلم الله تقديري لك ،،

المشاركة الأصلية كتبت بواسطة ابن سرحان الثبيتي (المشاركة 960087) ياللي مع الوافي وفـي ولزلتـه دايـم دمـوح قدرك رفيع ومعتلـي بيـن النشامـا فالعـلا. اليااعتذر لك صاحبك من غلطته خلك سمـوح ماجاك يطلبك السموحه غير من قـدر وغـلا لله درك يابو طايل معنى جزل وابيات راااائعة بجد سجل اعجابي الشديد بما كتبت

المشاركة الأصلية كتبت بواسطة محمد غازي النخيش (المشاركة 960429) الله واكبر عليك يابو طايل صح لسانك ابداع غير مستعرب من شرواك

المشاركة الأصلية كتبت بواسطة سعود البرقاوي (المشاركة 960434) لله درك يابطل على هالنص الواقعي يخونني التعبير في هالمواقف ابو طايل سر وعين الله ترعاك صح لسانك صح لسانك صح لسانك وعزالله قلت اللي في خواطرنا تحياتي

المشاركة الأصلية كتبت بواسطة حاكم الغنامي (المشاركة 960570) الطيب لاهل الطيب واهل الطيب بانين الصروح واهل الصروح العاليه محدآ جهلهـم فالمـلا. الله الله كـــــــــــــــــــــــــــــــــلام كبير صح لسانكــ يابو طايل وخمس نجوووووووووووم

المشاركة الأصلية كتبت بواسطة هايل العتيبـــي (المشاركة 960669) مهما قلنا . فلا نستطيع التعبير عن اعجابنا بماقدمت يابو طايل .. صح لسانك مدد مدد . اعجابي مسجّل من زمان :) ..

المشاركة الأصلية كتبت بواسطة مسبار 11 (المشاركة 960681) الأخ/ سعود العصيمي صح إلسانك وعلا شأنك جميلا انت وجميل ما كتبت تقبل مروري ودمت بود مسباار 11