أفرحي ياديرة الجود والمجد التليد=أفرحي وأستبشري وأنثري كل الورود
افرحي يامهبط الوحي يالعز المديد=وأشعمي ضوء الفرح ماورى الاحزان فود
أفرحي ياشامخة وألبسي ثوبن جديد=وأعلني عن فرحتك واطعني صمت الركود
وأمطري ياغيمة الوسم وأروي كل بيد=وأحضني ورد النفل والخزاما يانفود
وألعبي يابنت مادام هذا اليوم عيد=ألعبي لعب الفرح وألبسي تاج وعقود
وياهجوس الشعر عانق سماء جزل القصيد=وأشبع أذواق البشر وأقنص الريم الشرود
ويازمن من وقتنا اليوم لايوم الوعيد=اظهر الفرحة بعد جالها وسطك وجود
لاتذكرنا المآسي تحقق مانريد=ليلة السبت انمحى الدمع من كل الخدود
عاد عنوان الكرم وارتفع صوت النشيد=عاد ابو كل اليتاما عمى عين الحسود
عاد مصقول الفخر وأطلعت خضر الجريد=عاد زيزوم الوفاء والسماء برق ورعود
عاد سلطان السعد والوطن كله سعيد=كل شعب المملكة للولي خرّوا سجود
كلهم مدّوا دعاء الشكر للحي المجيد=وكل شاعر وده بما عطاه الله يجود
المشاعر طاغية والقريّب والبعيد=في وفاء سلطان كلن عن الجزلة يذود
وش نقول من التراحيب والا وش نعيد=الفرح خيّم بعد عاد ولد إبن سعود
ياهلا يامرحبا يالفريد إبن الفريد=ياهلا بإسم الوطن والكتايب والجنود
ياهلا مليون يامنبع الراي السديد=يالاسد ولد الاسد ولد شقران الاسود
ياشبيه الغيث فالجود والفعل الاكيد=ياملاذ الطيب والصيت ياشوق العنود
يارحيم القلب فاللين يالراس العنيد=فالوغاء لاشبت النار من روس الزنود
ياعزيز الجاه يامغني الحال الزهيد=ياكريمن لاعطى يضفي الجود ويسود
ياولي العهد خيرك على الامة يزيد=كل مازاد الزمن عمر! مداتك تزود
ياهلابك والمدايح بذكرك تستفيد=والشعر لاقام بإسمك رقى العليا سنود
انت مزبن من جرع لوعة الحزن الشديد=وانت عزوة من رفع هامته على الحدود
وانت هداج العطاء وانت سيد كل سيد=يافخر شبه الجزيرة لك الطالة مهود
نحمد الله يوم ردك لنا وأنت الوحيد=الوحيد ألي ترى ماطمعنا أنك تعود
الفرح سلامتك والوطن عزه مديد=في ذراكم ياهل الجود ياعيال السعود

صح لسانك شاعرنا وأنت مبدع شهادة حق.

المشاركة الأصلية كتبت بواسطة ولدعساف (المشاركة 959781) صح لسانك شاعرنا وأنت مبدع شهادة حق.

المشاركة الأصلية كتبت بواسطة بناخي الايداء (المشاركة 959991) نحمدالله على سلامة سلطان الخير وعودته الى ارض الوطن سالم معافي ابراهيم الزراقي صح لسانك على القصيده الجزله تحيتي

المشاركة الأصلية كتبت بواسطة عبدالله بن صلهام (المشاركة 960729) ابراهيم الزراقي صح لسانك يابن العم قصيده وطنيه وافيه عبرت فيها بأسم الجميع بكل اقتدار تحياتي

المشاركة الأصلية كتبت بواسطة سيف عنزه (المشاركة 962032) صح لسانك وبيض الله وجهك

المشاركة الأصلية كتبت بواسطة سعود الجعفري العنزي (المشاركة 962061) نحمدالله على سلامة سلطان الخير وعودته الى ارض الوطن سالم ابراهيم الزراقي صح لسانك ولاهنت تحياتي