يابو فلاح انا شفتك تنوش الطيبين يديك = وهذي يالعضياني على غير تمشيها
تبا تحمي ظهور الناس من سيفي ومن يحميك = ليا دارت رحاها نار تحرق رجل واطيها

ألا يابو لمار الشكّ دايم مستقرٍ فيك =تشيل أكبر حجاره ثم على راسك تدربيها
قبل تهلك تعوّذ من بليس ابليس لا يغويك=ترى تبّاعة الشيطان فالنيران يرميها

تحب التكتكه ياصاحبي ماتعرف التكتيك = ولكن خلّها لاصحابها مانته براعيها
ليا شبيت نارك جوف نارك صاحبك يرميك = سواة الصيده اللي فوق جمر النار نشويها

يا ليت الله يوم إنّه عطا أهل المعرفه معطيك=و ناس الله محرمها و ناس الله معطيها
تقوله و انت فوق النار مشبوبه تحت رجليك=لكنّك صيح يمّ صحيبك النشمي يطفّيها

شربت امن البحر يابو بطن لكن وش يرويك = كبود الناس في تالي الزمن وش عاد يرويها
انا بعطيك لين ارضيك والنشمي يبا يعميك = ذكرت اشخاص في وقت اللقا تعجز تجاريها

مدام الشرّ قدامك ما احد لامك و أنا قافيك=تراك الشاعر اللي فالمواقف رايحٍ فيها
عسى في مقبل الايّام يلقون العرب طاريك=رياجيل الوفا و الطيب معروفه باساميها