ياسلام الله سلامن ماخسر رجلن يقوله=لاوصل للمسلمين ومن تبرى منة خايب
ياسلام الله على ألي مدحهم محدن ينولة=غيرهم والعرف ياخذه الولد من راس شايب
ياسلام الله على درع الوطن واعظم زحولة=الجيوش الي فعايلهم تطمن كل هايب
ياسلام الله عليهم وإن بقت عندي مقولة=ثانية بقولها والشعر ماشابه شوايب
الوطن والعرض والذود وميادين البطولة=ماحماها غير أهلها يوم دقلات الحرايب
يوم كلن سارجن في صحصح البيدا خيولة=والحرار السود تطويها مدابيح الركايب
من قديم الوقت والدنيا لها صولة وجولة=والمغازي والحروب عن النشاما ماتغايب
من قبل ينخى كليب الزير يوم اقفت حلولة=لاتصالح خل نارك فالعدا تشتب شبايب
ومن قبل يرسل ولي العرش للامة رسولة=ويتحدى صفوة عيال آدم سهوم الصعايب
ومن قبل يرفع على الاوتاد للمجد ودخولة=بيرق إبن سعود ويموت الجهل تحت النصايب
خلقت الدنيا على الهيجاء وكلن من قبولة=والمراجل ماتضيع وكل جرحن له طبايب
هو صحيح الوقت الاول راح والروحة عجولة=لكن العادات لو راحت من السبع العجايب
لو تغير وقتنا وأمست مواقيفة خجولة=ما تغير صملة الرجال حلال النشايب
كل وقت وكل حرب وكل ماقف له فحولة=والثوابت ماتزحزحها العواصف والهبايب
ياجيوش المملكة دام الوغا دقت طبولة=لاتهابون المنايا كل موت وله سبايب
الرجل لن عاش والا مات ماتجحد فعولة=والشهادة في سبيل الله من ربي وهايب
واااهني الي قضى نحبة شهيد ولجل دولة=دولتن قامت على الاسلام ماهي مال سايب
قادها عبدالعزيز وهي مثل ريمن جفولة=ورث جَدِة ماخذاها من ورى العالم نهايب
واعتزوا بعده عياله والامان ارخى سدولة=الملوك الي على البيدا يسدون النوايب
شامخة في عزهم تنعم مع الوقت وفصولة=بالامن والدين والرفعة وفعل الخيرطايب
ياجنو الدار يا كل الفخر عرضه وطولة=داركم فارقابكم عهدة ولافيها غرايب
انتم أهل الطيب والنخوة وكلن له حمولة=والثرى الي ظمكم صفوا على حده كتايب
علموا من يحسب الهيجاء مثل لعب الطفولة=علموه انا هل الفزعات واسقوه المصايب
واصمدوا في وجهه ألي ماعرف قدر الرجولة=لو عرف قدرالرجولة ماتخبى فالزرايب
ياهل اليمنى الطويلة دراكم لحدن يطولة=فيكم الهقوة وسهم الموت فالعدوان صايب
شبو النيران في دخان وافنوا من رقوله=واتركوهم عبرتن للوقت وارووهم غلايب
خلو العدوان من قوة هل العوجا ذهولة=والله الي يعطي الجنة وعظم الكفر عايب
قلتها وانا سعودي والسعودي عند قوله=والوطن حمله قوي والموت من شانة وهايب

ياجيوش المملكـة دام الوغـا دقـت طبولـة=لاتهابون المنايـا كـل مـوت ولـه سبايـب
الرجل لن عاش والا مـات ماتجحـد فعولـة=والشهادة في سبيـل الله مـن ربـي وهايـب

صح لسانك على هذا الابداع
قصيدة جزله من شاعر مبدع

صح لسانك يالزراقي ولا تحرمنا من قصيدك تقبل مروري.

المشاركة الأصلية كتبت بواسطة جهز العطاوي (المشاركة 957481) قصيدهـ في قمة الروووووعه صح لسانك يا ابراهيم وبيض الله وجهك والوطن غالي ويستاهل منا ذلك لاهنت

المشاركة الأصلية كتبت بواسطة بناخي الايداء (المشاركة 957486) ياجيوش المملكـة دام الوغـا دقـت طبولـة=لاتهابون المنايـا كـل مـوت ولـه سبايـب الرجل لن عاش والا مـات ماتجحـد فعولـة=والشهادة في سبيـل الله مـن ربـي وهايـب الله الله الله صح لساااااااااااااااااااااااانك ابراهيم الزراقي لله درك ابداااااااااااااااااااااااااع اتمني انك تنزل القصيده في صحيفة جازان نيوز تحيتي

المشاركة الأصلية كتبت بواسطة سعود البرقاوي (المشاركة 957642) قلتها وانا سعودي والسعـودي عنـد قولـه والوطن حمله قوي والموت من شانة وهايب أمر لايختلف عليه اثنين بلا شك ابراهيم الزراقي لافض فوك على هذا النص المتدفق بالوطنية الصادقة تحياتي سعود البرقاوي

المشاركة الأصلية كتبت بواسطة شريف3 (المشاركة 957659) صح الساااااااااااانك يالزراقي شاعر مبدع الله يوفقك إن شالله

المشاركة الأصلية كتبت بواسطة معلا إبراهيم الأسعدي (المشاركة 957661) لو تغير وقتنـا وأمسـت مواقيفـة خجولـة=ما تغيـر صملـة الرجـال حـلال النشايـب إبراهيم الزراقي صح السانك ياولد العم دائم ً مبدع ولاهو غريب الطيب من منبع الطيب تقبل تحياااااااااااتي