سلا م عليكم

سلام للشعار تسليم الاسلام =للي يبا المحراف والي شهدنا
كلن يشد الحيل والدرب قدام=والشاعر المطنوخ يقلط بعدنا

يامرحبا ومعاوض ابموت صدام=كل الحيام اتنش لآمن وردنا
اسهيل يبدي و الجدي دوم بالشام=ماينجهل يالله تحفظ بلدنا

الك البقا يلي ترحب وعزام=وليا زرعنا يالعتيبي حصدنا
باسم الله الرحمن ونحث الاقدام=ماهمنا فالقوم حاسد حسدنا

ماني عتيبي و الوعد ركز الاعلام=انا اقحطاني وانت حسبة ولدنا
ارفع عيونك و اكتب ابيض الاقلام=وامسح دموع العين واحفظ وعدنا

قحطان أهل مده رياجيل وحشام=وحنى هل الميقاف محد(ن)جحدنا
هو راعي الففتين فالجو حوام=لا تحسبن الي هجدكم هجدنا

سبحان من سخر مع البدو الانعام=تضوي و تسرح و الله اللي حمدنا
الفعل قدم العين ماني بمنظام=كم واحد(ن) مملوك قبلك فقدنا

ماطاوعوك الكفر عباد الاصنام=يومك تمد الكف وتقول زدنا
راحت ميات سنين والشيخ ماشام=والرايه الخضرا عليها عمدنا

قبل سنه شفنا مره تلبس احرام=من خلفها تسعين حاجج وجدنا
ماعاد باقي عندكم دين و اسلام=ياللي مع الغازي نكثتوا عهدنا

قلتو صلاح الدين ضالم وجزام=مسطر التاريخ فالشرق الدنا
كان العرب ياصاحبي راحو أقسام=ياالله دخيلك لا تضيع جهدنا

لا فاتك المندي فلا اتفوت الاعظام=لاتهدم الخيمه وتقلع وتدنا
حنا العرب و الا انت تسند على حام=جدك ولا تقعد معي في مهدنا