باب وتقفل والبلى باقي لكم عشرين باب = يالله دخيلك لاتواخذني بكلمه من فمي
اما رضى والا زعل والقلب صابونه عتاب = دوك الرساله واظحه بسمي وتوقيع اقلمي

مدري تدوٌر للاجر ولا تدور للخراب = مادمت لاهالحين في وسط المشاعر محرمي
هذي رساله خطها مكتوب بجناح الغراب = والنيه الزينه تراها من طبوع المسلمي

لبستك البشت الحساوي مار فسخت الثياب = يالادمي وش فيك تبغاها كذا يالادمي
العام الاول ياوسيع العرف واسمك فالكتاب = واليوم تحت الارض يارجال ماعندك سمي

ماضمنك ياشيخ العرب لو سقت لي عوج الرقاب = الي يجي دون الهدف يحتاط لا شاف الرمي
حنا على طول الزمن ياصاحبي فوق السحاب = والي كلاه الدود ذكره حيً والله يرحمي

لاوالله الا عودت ياصاحبي مثل السراب = اما يذكون اغنمك والا يذكون اغنمي
ربعك كفو وانته ترا مابين ضرس وبين ناب = وانا اعرف ان السيف ياراع المعرفه صيرمي

لن روحت ياصاحبي قلنا عساها للذهاب = اهم حاجه ياطويل العمر راسك يسلمي
والنعم فيكم مار هذا الرجل له عندي حساب = بعطيه لين افرغ الي في رصاص المحزمي

لولا الخطا ياصاحبي ماكان قدمناالصواب = وانا بري منكم ودمك مختلف يالمكرمي
ماتاب فرهودي واخو مره من الشرهات تاب = يالله تقديني قبل لااقوم وتزل اقدمي