بعد العياد وقول مبروك وقول مبروك = اهدي سلامي والتحيه اهدي تحيه
نصرف من اعلى عملة بنوك صرفن من بنوك=ونطيح في عمله رديه عمله رديه

يا مرحبا والباب مفكوك الباب مفكوك=من عقب ذكيت الضحيه عيد الضحيه
أحفظ فلوسك داخل البوك ياحامل البوك=ومن بدل النيه بنيه يبلش بنيه

دام البقا ياواطي الشوك معدي على الشوك = والباب له فتحه سويه فتحه سويه
تبغاالحياه اللي على لوك اللي على لوك = شدة طميه بالعشيه راحة عشيه

ترى الغزو بالطايرة هوك ماتعرف الهوك=الطايرة تحمل شضيه ترمي شضيه
دام الهوى غازيك مشروك باالسلك مشروك=مسرجك يا ضهر العبيه ضهر العبيه

شفت القصر يملكه صعلوك راعي وصعلوك = والوضع في حاله رثيه وضعن رثيه
وشفت الديار تصك بصكوك دار(ن) ومصكوك = ياحيف يارجال الحميه رجال الحميه

اقول خل العلم مدكوك بطيب مدكوك=لا تجزي الحسنه بسيه حسنه بسيه
لو تحتمي بخوك وابوك اخوك وابوك=مضهرك من بين البريه يابن البريه

لا والله راحو صبح ثم جوك صبح ثم جوك = وانته على وضعك وزيه وضعك وزيه
ربعك على خبرك بدون شكوك لاتطري شكوك = واقضب رسن راس المطيه راس المطيه

حنى معك وتقول لاموك ماقول لاموك=خلك مواصل بالسريه قود السريه
المعركه من دون يرموك بالحيد يرموك=المعضله سارت قويه طبعن قويه