يابن عاقل وش حصل وش صار في جوف الوزاره=صار مابين المدير وبين فراشه صداقه
الرشاوي كاثره والمرتشي صدر قراره=واصبح الفراش في جوف الوزاره له علاقه

يابن مشيب خابرن في روسكم طنخ ونعاره=لايهمونك يابن شيبان راعين الحماقه
الحقيقه ما عبث في سد مارب غير فاره=مار حنا مانبى يصير فالصف انشقاقه

والله انّا ماندور منصبٍ عند الإداره=والمدير اللي يحب المدح مانبغا نفاقه
كاسبين الطيب والمعروف باليمنى شطاره=مانحب الا رفيقٍ مايحب الا الرفاقه

الله الله حي رجلن ماتنازل عن وقاره=في دروب المرجله ماقد تراخى عظم ساقه
والله ونعمين وانا اللي مقامه فالصداره=كم من اشنابٍ ليا طالت حلقناها حلاقه

المشاركة الأصلية كتبت بواسطة الرشيدي (المشاركة 953909) الله الله صحت السنتكم

المشاركة الأصلية كتبت بواسطة براك السلمي (المشاركة 953948) صحت السنتكم وبيض الله وجيهكمِ

ماعليكم زود لكن عندنا بشت الاماره=والمسيحي فالكنيسه والعراقي في عراقه
يابن عاقل شاور الخيره وصل الاستخاره=يمكن تضيّق على الارهاب ثم تحصر نطاقه

الاماره بشتها عند الامير بجوف داره=الحرامي ما يجيها لو طمر من عبر طاقه
مشكلتنا ياولد فاللي يجي خلف الستاره=ما يواجه ياولد مشيب ولا عنده طلاقه

المشاركة الأصلية كتبت بواسطة شاعر شعبي (المشاركة 953989) الله الله ياسلاام يالشيباني ويابن عاقل مبدعين واصلوا لاهنتوا تقبلوني متابع

البهيم بهيم والا الحر تكفيه الاشاره=وان خلطت المر جوف الحلو مايخلف مذاقه
ماذبحنا فالبدو غير التطور والحضاره=والتطور والحضاره عند يابان العراقه