في منتدى الهيلا هل الميقاف والحد السنين = سلام تسليمة وفا من هاجسن يبرالها
السوق بيع ومشترى واللي يبى العرض الثمين = يدخل ويفرق سومت اجنيهاتها واريالها

يامرحبابك يالبشيري رحب ومن العايدين = في منتدى الهيلا ترحٌب بالرجال رجالها
حنا ترانا مانضحي غير بالكبش السمين = مانطرق السكين للي ديسها لعيالها

دام البقا بك يالمرحب من يسار ومن يمين = دام البقا وام الكباير فسخت سروالها
بسم الله الرحمن يوم العلم الاول وين وين = ماتدري انته في جنوب الدار والا اشمالها؟؟

يالله دخيلك كان راحت مثل ذيل ابا الحصين = بعض السوالف شرهة الي فالمجالس قالها
حنا ليا حان الطلب جينا سوات الفاتحين = مانرجع إلا لين ناخذ خيلها وجمالها

يالله دخيلك كان ماتعرف علوم العارفين = والا الجزيره دوب ماشوش علاك ارسالها
العافيه زينه ودوك العلم والقاسي يلين = حنا عرفنا لحيتك ياصاحبي واسبالها

يالبشري الي تلطم خدودك علشان الحسين = مجاك غير الي يحلٌ من العقود حبالها
اليا قريت الفاتحه خلك وراي تقول آمين = مادامك الي ماحفظت قصارها وطوالها

لاوالله الا قمت تكسر يدك ياعبدالمعين = لاكن انا باقول والعقده على حلالها
ان كان ماتدري ترانا ياعميلي مسلمين = والا العلوم الثانيه تسعى ولا نسعالها

يدٌي سليمه مار عينك كأنها من غير عين = ماسقت غير الدله الي ينشرب فنجالها
يالصاحب الي في كلامه شيء شين وشي زين = ترا الوعد يابو سعد فالمقبلات ليالها