|
هروب تركي 2000!!!!!
السلام عليكم ورحمه الله وبركاته لقد تعجبت كثيرا عندما قرأت هذه الجملة وهي: ((هرووووب تركي الفــــ2000ــــين)) انه كما يعلم الجميع شاعرا كبيرا ومعروف وصاحب جماهير جارفة وأقدم شعراً من سفر الدغيلبي وأكثر منه شعراً وأقوى منه شعراً فكيف يهرب؟؟؟ (فكان من الأفضل لو قيل رفض مقابلته لشيء بين الشاعرين لانعرفه) (وتعجبت مرة أخرى عندما قيل) غياب شعراء هذيل وكما تعلمون إن قبيلة هذيل يوجد بها عدد كثير من الشعراء ليس شخصين أو ثلاثة أو حتى مائه وهي من أنجبت عمالقة شعر المحاورة أمثال حاسن المطرفي وعبدالله المسعودي وطلق السويهري وعبدالله المطرفي والموجودين على الساحة الآن وهم كثر (وتعجبت أكثر) عندما قال :قام شاعر هذلي لا اعرف اسمه وذكر بيتا لسفر ولم يذكر الرد والشاعر الذي قام هو سالم بن شعيل المطرفي الهذلي وهو مدعو للحفل وكل متابعي الساحة الشعرية في الخليج يعرفونه حيث بدا بطرق المعنى بالبيت الذي يقول : العتيبي يختفي عن عيوني لاتراة****يندرق مابين بيض الجبال وسودها وله من المشاركات في الصحافة الشعبية القنوات الفضائية حيث له مايقارب الخمسة وعشرون عاما في مجال شعر المحاورة والنظم والحداء وغيره من أنواع الشعر النبطي. ونذكر له بعض من الأبيات مع كبار شعرا المحاورة 1/مع مستور العصيمي يالعصيمي قوم رد السؤال من الجواب***وانصح العتبان وإلا تضيع حقوقها 2/مع صياف الحربي الجزيرة يالسحيمي نحتميها ونعمرها***وأنت يادكتور قبل العام ماعندك شهادة 3/مع الزلامي الزلامي مجتهد في الصلاة و الصيام***والأمور الثانية مجتهد فيها بعد 4/مع ملفي المورقي ملفي المورقي صرح وصدر قرار***والحقيقة مسبب في البلد مشكلة 5/محمد السناني يامحمد يالسناني لاتجيب ولاتودي***بعد دار الوقت فوقك دورة بعد دورة 6/مع إبراهيم الشيخي اخلصوا في عملكم والهمام الهمام***واتركوا باقي الأخبار فاطن لها 6/ مع تركي 2000 أنت لاتحسب انك صرت صعب وعسير***مستعد أتحكم فيك بأناملي وله كثير والكثير وهذه ما أريد أوضحه لكم وهو قليل من كثير ولكم مني كل التقدير والاحترام وسلام |
مرحبا يالهذلي وبعدها قول آآآآآمين
الله يرحم عبدالله وويطول بعمر عبدالله وسفر الدغيلبي أقوى شعراً من تركي هذا إذا أنت تفهم الشعر وسفر يذكرني بمطلق الثبيتي الله يرحمه قيادي ويمشي الملعبه على كيفه وتبا الصراحه أنت تتعجب!! وأنا متعجب من موضوعك هذا كله!!!! |
والله ونعم في هذيل وشعارها ..
لكن اتمنى انك تعطينا محاورات كامله لنفس الشاعر لنحكم على شاعريته .. لاهنت وبأنتظارك ... |
شكرا على المداخله ولكن انت تعجب ونحن كذلك نتعجب بل ونندهش احيانا ؟!!!
انا من متابعي المحاوره لا اعرف هذا الشاعر فلم تحكم علي مسبقا ان جميع من يتابعون هذا الفن يعرفون هذا الشاعر ؟ لا انفي شاعريته ولا انتقص شعره ولكن لا اعرفه وانت حكمت على بعرفه لذلك لا تتعجب وحدك !!!!! |
ونعم بالشاعر تركي الميزاني ومحد ينكر شاعريته وقوة جماهيريته .. وبالنسبه لـ سفر الدغيلبي في الاونه الاخيره له اسم قوي وشاعر معنى جداً .. وسفر اللي مميزه انه لا يندرج تحت التهكم وشتم القبائل بعكس شعراء المحاوره اللي بسنه .. وهو مما اعطى له حب الجماهير وكسبهم لصالحه من جميع القبائل .. وبالنسبه للشاعر الهذلي ونعم الشاعر ومن المقتطفات اللي ذكرتها فهو شاعر جيد ومن مشواره الشعري ارى انه يبدو كبير في السن .. ولكن بوجهة نظري ان موهبة قبيلة هذيل وموهبة شعر المحاوره الان هو الشاعر حامد القارحي شاعر مدهش فعلاً .. وهذيل من روس العرب وماهي غريبه تواجد شعراء عظام منه امثال المسعودي والخالدي والقائمه تطول .. وماينقص القبائل والرجال الا شخص ناقص |
كان الافضل الرد على نفس الموضوع قبل اغلاقه وعدم فتح موضوع اخر نحن لا نسمي الشاعر الذي لم يحضر الحفله هارب بل نسمي من يحضر للميدان ويهرب مع الابواب الخلفيه يا اخي نعلم كل شي حامد القارحي كان في بيته ولم يكن معزوم في جده كما قيل الامر ان لم يدعي بمقابل مادي فقال ان حضرة شفتوني وان لم احضر ليس لكم علي ملامه وفعلا لم يحضر للحفل اما تركي جاء الى باب الحفل وهرب ولولا ملفي لما خرجت كاميرات مكتب الجنادريه من القاعه بعد الحفل اما من ناحية ان تركي اقوى من سفر فهذه وجهة نظرك ونحترمها اما شاعركم المذكور اعلاه فاول مره اسمع به اما تعداد الابيات ومقابلته مع شعراء فطاحله فكم من شاعر قابل عمالقة الشعراء وهو (ما فالحمض أحد ) نتمنى ان تاتي لنا بمحاورات هذا الشاعر وخصوصا مع من ذكرتهم وجئت بابياته معهم لنحكم وكل شخص يقول وجهة نظره |
الشاعر الهذلي غير معروف
|
سلام بعد غيبه جات غصبا عني , وإلا من يقابل الوجيه الطيبة هذه ويغيب عنها 00
بأدخل فالموضوع على طول وبدون لف ودوران , وأتمنى تتقبلون صراحتي بكل صدر رحب , فالشفافية مطلوبة دايم 00 ولا راح أتكلم من فراغ فقد كنت حاضر الملعبة من أول بيت حتى آخر بيت 00 بالنسبه لموضوع تركي : عادي إنه مايقابل سفر , ومن حقه 00 ومن حق سفر كمان مايلعب معه , هذه مافيها شيء وتحصل بين كثير من الشعراء 00 لكن تركي الله يهديه بعد ماوصل للريجيل , ماهي زينه يعود , ماهي زينه في حقه أول شيء , وماهي زينه في حق الريجيل اللي عزموه , ودايم يعزمونه في كثير من حفلاتهم 00 ياخي بعد ماحضرت إلعب مع اللي تبا , ولا تلعب مع سفر , ما أحد غاصبك ومو شرط تلعب معاه , وكان المفروض يجلس ويلعب ولا يلعب مع سفر , عادي وتحصل في أكبر العائلات وكان هناك من شعار هذيل ثلاثة , وهم الشاعر العلم الكبير حمود بن سوداء , شاعر معروف من قبل نولد وماأحد ينكره , وجاء بينه وبين ملفي طاروق في أول اللعب على مستوى 00والثاني سالم بن شعيل , سأتطرق له لاحقا 00 أما الثالث هو سلطان حمود بن سوداء , إبن الشاعر حمود بن سوداء , من الشعار الشباب ولعب طاروق مع ملفي 00 أما بالنسبه ل0000000000 عندما قال :قام شاعر هذلي لا اعرف اسمه وذكر بيتا لسفر ولم يذكر الرد والشاعر الذي قام هو سالم بن شعيل المطرفي الهذلي وهو مدعو للحفل وكل متابعي الساحة الشعرية في الخليج يعرفونه حيث بدا بطرق المعنى ياخوي ياهذلي , سالم بن شعيل لوكان معروف على مستوى الخليج , يمدي الناس عرفته على الأقل على مستوى المملكة , فما بالك إنه شاعر غير معروف على مستوى الغربية على الأقل , ولو أقولكم بأنه حتى في مكة نفسها مدينة الشاعر , هناك بعض الناس من متابعي شعر المحاورة لايعرف سالم إبن شعيل 00 ياخوي الناس تتابع مثلك , ولا يعرفونه بعدين بسألكم سؤال 00 لو كان سالم شاعر قديم ولعب مع كبار الشعار اللي ذكرهم مع إني أشك في ذلك , ليش الناس ماتعرفه لحد الآن , هذا يدل على أيش ؟ ليش الناس عرفت اللي أصغر منه سن وعلى مستوى جميع القبايل , مثل , سفر الدغيلبي , وتركي الميزاني , وسلطان المنصوري , ووصل العطياني , ومحمد العازمي , وفلاح المورقي , وسلطان الجلاوي , ومعتق العياضي , وبخيت السناني , وعبدالله العلاوة اللي قاطع له كم سنه , والقائمه تطول 00وبغض النظر عن مستوياتهم , أنا أقول إن الجمهور يعرفهم 00 ليش هذولي كلهم يعرفونهم الناس , وسالم بن شعيل ما أحد يعرفه ؟ ولا حظ إني ماقولت الزلامي ومستور وحبيب وصياف ومطلق وشليويح ومنيف ومحمد السناني إلخ 000 وبشكل أوضح : لو تقولهم حامد القارحي شاعر معروف , يقولولك أكيد , طيب ليش الناس يعرفون حامد القارحي ومايعرفون سالم , مع إن حامد شاعر أصغر من سالم وكلهم من هذيل 00 ياخووي لا تعطي عقلك غيرك 00 عرفنا , عبدالله المسعودي ( الأسطورة ) , وعرفنا صالح بن رويجح المطرفي , وحمود بن سوداء , وحاسن المطرفي , وعبدالله بن حامد المطرفي , وعمر الخالدي ومحمد المسعودي والقائمة تطول 00 ليش هذولي كلهم عرفوهم الناس , وسالم ما أحد يعرفه 00 الجواب بإختصار , لأنه شاعر غير معروف أصلا , والمعروف مايحتاج أحد يعرف الجمهور عليه ؟ 00 ياجماعة الخير خذو تقييم مختصر عن سالم بن شعيل من واحد حضر له أكثر من ملعبه , وكلها عند هذيل , وماعمري شفته في ملعبة ماهي لهذيل 00 ليش الناس مايعزمونه , وما يعزمه إلا هذيل , ربما لأنه شاعر كبير وفذ ربما 00 سالم بن شعيل : أبيات ركيكة , حضور ضعيف , إرتباك واضح , صوت ( مقربع ) , والشعر في وادي وهو يغني في وادي ثاني 00 وسبحان الله , بعض الشعار له قبول عند الجمهور من الله , وتلقاه ينحب بسرعة , يعني تقول هذه الشاعر له قبول 00 وفيه شاعر من يوم مايقوم ما أحد يتقبله لو إنه أول مرة يشوفه , ورب الكعبة إن سالم بن شعيل من النوع الثاني 00 والهذلي يجيب أبياته مع مستور والزلامي مع إني ماسمعتها , بس لا يلطش لنا بيت ويرميه عندنا ويروح , نباه يجيب محاورة كاملة , وصح إنه بدع القاف مع سفر , بس الكلام مو على البدع الكلام لامشى الطاروق وش يصير بعدها , هنا تبان الشاعرية 00 وأنا من وجهة نظري بأن سفر حاسه ذاك الليلة , وخلي الهذلي يجيب المحاورة وإحكموا بأنفسكم 00 الشاعر سالم رجل له إحترامه وتقديره , وأنا أتكلم عن الشعر فقط , ولا أذم الأشخاص حتى لا تفهموني غلط 00 آسف للإطالة , , تحياتي أخوكم سلطان الأشراف |
انا كنت حاضر الحفلة في مكة وكانت عند المساعيد من هذيل
ولم ارى تركي في الملعبة ومن يقول انة حضر وهرب فعليه يثبت كلامه ومن اين مصدره بعض الاشطر حفظتها من محاورت سفر مع الشاعر الشاب الهذلي لأ ن فياها مطب سفر الدغيلبي يالهذيلي عزمت هذيل والماجوب شاه ==================== انت مثل الريح تمشي على كل اتجاه |
اقتباس:
انا لا اعلم عن هرب تركي من عدمه وان رفض اللعب مع سفر اوغيره من حقه لكن كلمة ان تركي اقدم واقوى واكثر شعر من سفر فهذا يدل على عدم معرفتك بشعر المحاورة |
كلاً يجر النار لقرصه
على مايقولون الحضر . تركي والدغيلبي مستواهم متقارب , يتقنون اللعب الواضح , إما المعاني العميقة والبيوت الجزلة يفتح الله . إما تفسيري للحادثة فإن الشللية معروفة من قديم في ساحة شعر المحاورة , وكانت هناك قوا ئم سوداء , وشعراء لايقابلون بعضهم , ويشترطون عدم حضور فلان وفلان , ويعقدون نوع من الاتفاق بعزيمة بعضهم عند اي حفلة لقبيلة شاعر منهم , ولو عزم شاعر منهم مع غيرهم يزعلون منه شلته ويعلمون انه خرق الاتفاق . تركي مسوي اتفاقية مع ملفي المورقي وفهد العازمي مع عتيبه يعني تبون يالمطران شعراء من عتيبة عندي ملفي وفهد العازمي والا مافيه شعراء غيرهم من عتيبة , ومسوين اتفاق مع هذيل وشاعرهم القارحي , هؤلاء الشعراء الأربعة مسوين تحالف , واذا عزم ملفي المورقي أو فهد العازمي عند عتبان قالوا ماعندنا ياراع الحفلة الا تركي 2000 تبغونه والا مافيه شعراء مطران , ومثلهم القارحي اذا عزم عند هذيل يعزم زملاه من مطير وعتيبه . في حالة يسمحون بشعراء من خارج تحالفهم بشرط ان لايكونوا ضمن القوائم السوداء , يعني شعراء مقبولين منهم , أعتقد أنهم لايمانعون بحضور مستور من عتيبه وكذلك محمد السناني من جهينه وابن عتقان من سليم والمسعودي من هذيل , وزيد من مطير , وغيرهم الكثير ......الخ . وهذا الأمر كان معروف سابقاً ويذكرنا بتحالفات مستور وحبيب وصياف , ومثلها بين العير وابن شايق والمورقي ...................الخ . الدغيلبي الربع مسوينه في القائمة السوداء قد يكون نوع من التنافسية بين شعراء عتيبه أو عدم رضاء من بعض شعراء التحالف . وكما فهمت من الموضوع أن تركي 2000 ذكر لصاحب الحفل أنه لايقبل حضور الدغيلبي ربما لم يصرح , واعتقد انه حدد أنه لايقبل الا حضور المورقي من عتيبه , وعدم حضور القارحي قد يكون بسبب علمه بإن صاحب الحفلة عزم الدغيلبي . وكم هي بغيضة هذه الشلليلة وكم ظلمت شعراء مبدعين جداً ولايقارنون بمن يحاربهم بمثل هذه الأساليب , وبالطبع لا اقصد الدغيلبي حتى لو كان محارب فإنه يجد في قناة الساحة منبر دائم للظهور . |
من حق تركي يرفض اللعب مع سفر ومن حق أي شاعر يرفض اللعب مع أي شاعر آخر بس بعد مايوصل للحفل ويدري أن خصيمه موجود ويمشي هذي شينة بحقه وأنا لا أقصد تركي بعينه لأن لم ياتي أحد يثبت حضور تركي للحفل وظهوره من الحفل .
أما من ناحية مستوى الشاعرين أنا أرى تركي أفضل من سفر في التدفق الشعري وأفضل في تركيب البيت وانتقائه للألفاظ أما سفر أغلب بيوته من ظاهرها (مفخفخه) أما الأثنين من ناحية اللعب على المعاني العميقه وقوة الحجه والخصمه كلهم حول بعض على قول المثل ( ياقرب سعيد من مبارك ) وجهة نظر . |
اقتباس:
يا اخ عبدالله تركي حضر الى باب القاعه كلام مثبوت وطبعا مثل ما قلت هذي شينه ولا لها داعي مثل ما ان القارحي لم يكن معزوم في جده ولا هم يحزنون |
من رأيي حذف الموضوع
|
وتعقيب اخير لو تتبعنا مثل هذه الحوادث سنتعب .
لأنأغلب الشعراء يرفضون مقابلة المرحوم خليف ابن دواس ( لاداعي للتبرير ) لأننا ممكن نفسرها جبن وخوف عن الللقاء بل هو الصحيح . وكذلك حبيب وهو شاعر مميز يرفض مقابلة ابن شايق فهل هنا نقول خوف وجبن ام نجد لها تبرير آخر , وكذلك يرفض مقابلة الرياحي . والسناني والرياحي والدغيلبي والهاجري وغيرهم يرفضون مقابلة الشاعر المميز سوار الذهب , فبماذا نفسر تلك الامور . يااخوان لاتقولون جاء للحفل وراح , لأن رفض اللقاء حتى والشاعر موجود تحسب أيضاً , وحتى أكبر منها أن يطلبك الشاعر وترفض القيام للرد عليه , وما أكثر ماتحدث . أنا لا أدافع عن احد لكن أقول قليل من الانصاف يالربع . والأمر فقط شليلية ومحاربة شعراء لبعضهم وأنتم تعلمون مابين المورقي والدغيلبي , وكذلك مابين الدغيلبي وحبيب , هي حرب خفية وشلل تدار من تحت الطاولة , ربما بسبب استغلال قنوات فضائية معينة , والمستفيد في الأخير من يسيطر على اغلب الحفلات . ويقال أن المورقي داعية له امه , ووفق كثيراً في هذا التحالف واستفاد من جماهيرية تركي 2000 , والله هو الرازق ولانحسد احد , والرياحي قبله رغم ان الرياحي من أكبر شعراء الرد , لكن الجماهيرية شئ آخر , وقد استفاد ايضاً من تواجده مع تركي 2000 . |
مسـألة هروب تركي ممكن ان تكون صحيحة وهذي الصراحـة شينـه بحقه لكن بصراحة هروبه خوف من سفر هذي محد يصدقهـا .. ! ! اعتقد ان المسـألة كان فيها سوء تفاهم بين اهل الحفل وتركي يمكن تركي اشترط عليهم مايجيبون سفر ( وهذي اعتقد كل الشعار يسوونها مع بعض ولاهي غريبة ) وجاء تركي ولقاء سفر و زعل الرجال من صاحب الحفل وطلع معبرا عن غضبه وارجع اقول هذا مهو مبرر لتركي انه يطلع بالشكل هذا |
اشغلتونا بتركي 2000
الرياحي هو الوحيد اللي له الفضل بعد الله في خروج تركي 2000 وهذا كلام تركي 2000 في القناه وصدقوني ما احد مستفيد من تركي 2000 الا المورقي ما احد ينكر ان تركي شاعر لاكن سفر الدغيلبي اقوى منه بكثير كل واحد له وجة نظر وصاحب الموضوع يبغى يعلمكم عن سالم ابن شعيل اللي اول مره اسمع عنه وانه شاعر .. والخ والظاهر انه صاحب الموضوع تورط وأساء له |
صح منطوقك يابوفايح وتراك تنفخ بقربه مشقوقه
|
هلا بك يالهذلي
واذا ممكن تعطيني رقم التصويت للشاعر / سالم بن شعيل المطرفي الهذلي لكي نرشحه بعد الحملة الدعائية اللي وضعتها للشاعر / سالم بن شعيل المطرفي الهذلي بعدين لازم ننقش ابيات الشاعر / سالم بن شعيل المطرفي الهذلي على جدار هذيل لاجل الاجيال الهذليه لاتنسى الشاعر / سالم بن شعيل المطرفي الهذلي لكن احذروا ان يقدسوا الشاعر / سالم بن شعيل المطرفي الهذلي ( يازين النسخ واللصق ) مثل الاجيال الحالية اللي قدست المسعودي رحمه الله |
يالمطرفي انت كاتب الموضوع عشان تسوي دعاية لشعاركم
اللي ما احد يعرفهم.. الا انت ولا همك تركي ولا سفر,, لكن ترى الشاعر اذا هو قوووي بيطلع غصب عني وعنك،، وبننتظر الايام الجاية يطلعون شعارك او لا:d |
السلام عليكم ورحمة الله
ولله انا ارى ان الاثنين سفـر الدغيـلبي وتركي الميزاني في كل محاوره يرقون فوووق ولاحد ينكر هذا الـشي وسفر الله يهديه حضر محاورة حرووب في حفر الباطن ولعب حربي اول مرهـ يدخل المحاوره واول مره يلعب في الميدان وقام سـفر الدغيـلبي له وكسر مجاديفهـ وارتبك الحربي وققف عن الطاروق وزعل القرقاح على سـفر ولعب معه وكان المعنا على الحـربي وكانه يقول لـه هذا توه في البدايه ليـه تسوي كذـا فيهـ وراح القرقاح للحربي وقام يكلمه |
تركي الفين شاعر بمعنا الكلمه ومتمكن من ادوات الشعر وشاعر جماهيري من الدرجه الاولي
نظم محاورات اكثر حضور شاعر الخليج الاول وطلع مثل الصاروخ لحد يقول طلعه فلان وفلتان ماطلعه غير اذراعه اكبر شعراء الخليج ماوصلوا للي وصله تركي خصوصا بعمره والمغتره ثلاث سنوات متتاليه لدرجة ان كبار الشعراء صارت اقلوبهم سودا عليه ولاتحذف الا الشجره المثمره وسفر الدغيلبي 13 سنه يلعب ماظهر غير فالثلاث سنوات الاخيره ولا يقارن في تركي تركي افضل بكثير والخيل باثمانها ومركاضها |
والله ونعم في هذيل وشعارها ..
تقبلوا خالص تحياتي |
اقتباس:
أنا أستغرب أن البعض يعتقد أن من يلعب في المغتره خلاص تربع على عرش الشعر!! تركي ألفين ماطلعه غير ملفي المورقي وهذا شي معروف لكن بعد ما ترك ملفي المورقي تركي هوى نجم تركي ألفين وعندكم مكاتب الشعراء إسألوهم تركي ماأقام في الصيفيه الماضيه إلا حفلتين فقط وهذا دليل على تدني جماهيريته |
اقتباس:
ملفي ونعم فيه شاعر لكن لو يقدر يطلّع احد كان طلع نفسه ماشتهر ملفي الا بعد ماطاف 45 سنه والسبب معروف ومحلي واول ثلاث سنوات لتركي الفين كلها ويا الرياحي الله يرحمه وملفي عرف من اين تؤكل الكتف وراح ويا تركي وهو قالها بنفسه ماعرفت الغناه لين رحت مع تركي والحين تقول ان ملفي طلعه حدث العاقل بما يعقل مايصير انت كلامك صح والناس والواقع غلط طيب لو اقولك ان حبيب محارب من قبل الشعراء الكبار وبالاخص قبيلة وسبب ظهور حبيب كان من قبل مطير وبالاخص فيحان القعياني وخليف الهجله الله يرحمه وكانت الحفله الاولي لحبيب عند الصعبه من مطير واجبروا الشعار الكبار باللعب معه واولهم صياف الحربي واثبت وجوده حبيب العازمي ويستاهل ابوفيصل هل تصدق هذا الكلام مع انه حقيقي طبعا لا والحين تقول ملفي طلع حبيب من يصدقها ياخي ملفي من سنة اربع وثمانين ميلادي وهو يلعب ماشتهر غير في سنة 2003 بدا ظهوره يكثر بسبب تحالفه مع تركي والان تحط الفضل لبو وافي اذكر الله |
اقتباس:
قولت الرجال شي على لسانه اثبت انه قايله ولا اعتذر من الرجال انا والله مايهمني لاتركي ولاملفي ولاحد منهم يدري عنا لكن ياصاهود تقويل الناس بشي على السنتهم هذي نميمة وكذبة الا انك اثبت الشي هذا |
أجل ملفي هو اللي طلع تركي 2000 !! بصراحه شئ غريب
|
[size=4]إضافة معلومه:
ابحثوا في اليوتوب لمحاورة تركي وعمره 14 سنه مع حبيب العازمي ولعب حبيب مجامله مع تركي والله العظيم شفت المحاوره تركي مايدري عنها كل بيت لازم يقول ياحبيب في بدايته والجمهور كنهم في مسرحيه ضحك على تركي يعني بالمختصر الفضل لحبيب يوم عطى تركي وجه من ناحيه أخرى والله ياعتيبه سفر الدغليبي إنه من ضمن الخمسه الكبار من شعار عتيبه ويعجبني فيه قوة شخصيته ماينهز فالملعبه يجندل الفرسان بالسيف الحدب والشعراء جميعم يحسبون له الف حساب وهو أقوى من تركي بكثير والدليل هروب تركي طيب لو تركي مايبغى يلعب مع سفر يحضر الملعبه ولا يلعب مع سفر ولاكن الخوف من سفر يطلبه قدام الجمهور وسفر يسويها وأنا معجب بسفر يذكرني بالشعراء القدامى .................................................. .................................................. ................ .................................................. .................................................. ......................................... .................................................. .......... نتمنى ان لاتخرج الردود عن صلب الموضوع المطروح |
اقتباس:
والنميمه ماني راعيها ولاسعيت فيها والكذب لهله ولا هو لي انت اذا كنت متابع لفن المحاوره تعرف في قرارة نفسك ان هذا لكلام صحيح تابع محاورة سفر وياملفي حفلة سعدون حماد لعتيبي عو مجلس الامه تابع محاورة الغاط رشيد وملفي وكان حاضرها تركي تابع محاورة حبيب وملفي في مزاين الهيلا ===يوم يقول حبيب --- يطيح الشداد ولايطيح المطيه وتابع محاورة سفر وغازي الميموني فالحفر نفس الموضوع اللي سالتني عنه وتلقا الجواب او اسئل اي واحد قريب منهم ويعلمك حتي العتبان يقولون الكلام هذا وعتّبانين علي ملفي في الموضوع |
مشكله فتح صاحب الموضوع هالموضوع وماعلق عليه وكم اتمنى انه مايكون داخل باسم ثاني غير اللي في المنتدى بس حتى يفتح هالموضوع
0 كثر الكلام بدون فائده وكل من جاء قام يمجد حتى شعار مايعرف لهم ابيات قويه وبعضهم |
يالربع اتصلوا على سفر وعطونا العلم منه
|
سفر شاعر جزل ويلعب على المعاني وتركي 2000 شاعر صوت وموال فقط لاغير
|
اقتباس:
وبالنسبة لجميع القبايل يتناقلون كلام ملفي على قولك فهذي اتركها للعقل والمنطق ولان اباحثك فيها ;) |
ياصاهود خلك حول المعقول
ملفي كان عسكري ويلعب المحاوره على نطاق محدود ولاتفرغ لها مثله الآن لكن الحقيقه أن تركي ماعرفه الجمهور غير بلعبه مع ملفي وصدق أخونا البريماني يوم قال تركي شاعر صوت وهذا هو الصحيح وللمعلوميه فإن تركي سرق له كم بيت من كم شاعر فالمحاوره ومن يتابع محاوراته يعرف ذالك واللي يقول إن تركي شاعر معنى يتابع محاوراته مع مستور العصيمي ويشوف كيف مستور يمشيها على تركي بهون وسيله وتركي والله ماجاب خبرها مثل قول مستور : ياتركي الفين نبا ندق في دلتك مسمار...... (وعذروني لأني ماني حافظ البيت) ومشت على تركي ماجاب خبرها وغيرها وغيرها كثير لكن الذاكره لاتسعفني |
يالربع أن لست معجب لا بسفر ولابتركي 2000 .
أجد مستواهم عادي جداً . والكلام الذي نقول عن ملفي والرياحي ومزاملتهم لتركي 2000 بقصد الاستفادة المادية وفعلاً كان هذا القرار هو الذي فتح لهم أبواب الغنى . تركي عليه جماهيرية جارفة وغير معقولة ولازالت في وهجهها , ولم يحدث أن وصل اليها شاعر لاقديم ولاحديث , أقصد اهتمام الناس والشباب والعزايم تحصل جدوله فل وكذلك باسعار هي الأعلى بكثير من بقية الشعراء , وكانت مزاملة المورقي والرياحي وفهد العازمي والقارحي وغيرهم من الشعراء هي القرار الذكي منهم , وأكرر هنا نحن لانتحدث عن المستويات بل عن الاستفادة من جماهيرية تركي 2000 لأن مزاملته يعني أن جدول زملائه سيكون فل . وأعود الى قصة تركي 2000 وسفر في حفل هذيل واكرر أنها شلليلة ومحاربة شعراء لبعضهم , وهي أمور معتادة , لكن بغض الكثير هنا لتركي جعلهم يصطادون حتى الأمور العادية , فأينهم عن سفر عندما رفض قبل خمس شهور اللعب مع الشاعر الكبير سوار الذهب لماذا لم نشاهد مثل هذه المواضيع من مطير , اقول لأن الثقة أكبر ولأنهم لايرون سفر شاعر يستحق الاهتمام سواء تصرفاته أو شعره . |
اقتباس:
ياأخ شمروخ لانختلف تركي شاعر جماهيري لكن ليس العجب في من يلقي العجب في من يتلقى أكثر جماهير تركي صغار سن وأكثرهم يبحثون عن السب والشتم والموال أما قولك إن سفر مايلعب سوار الذهب أنا أقول يحق له ذالك لأن سفر لاينزل بالمحاوره للمهاترات والكلام الغير لائق ومن يتابع محاورات سفر يجد كلامي صحيح |
اقتباس:
على يمناك السمن انشهد ان هذا الكلام الصحيح بعيييييد عن التعنصر والتعصب الاعمى ولكن المعلومه الجديده ((المضحكه)) اللي استفدتها ان تركي ما لعب هذ الصيف الا حفلتين :o هههه الله يستر اجل كم لعب ملفي :eek: لك تحياتي وللعقلاء |
اقتباس:
أجل اللي يعزم تركي كل صيف اكثر من 70 حفلة , غير بقية السنة التي تقارب هذا العدد , كلهم من الشباب الصغار . يااخي شاءنا أم أبينا جماهيرية تركي أوضح من ان توضح . إما تبريرك لرفض الدغيلبي للقاء سوار الذهب , هنا نأتي لمربط الفرس , ونعود للتبرير والأعذار , ويمكن أن يندرج نفس كلامك عن سفر برفضه لقاء سوار الذهب , مثلما يندرج على رفض تركي لقاء الدغيلبي . ورغم ان سوار الذهب لايقارن ابداً بالشاعرين , لكن بما أن الحالة واحدة وهي رفض اللقاء . وللمعلومية لقاءات تركي مع الدغيلبي كثيرة جداً يمكن معها معرفة مستوى الشاعرين المتقارب , ولكن الدغيلبي لم يقابل سوار الذهب ابداً ,سوار الذهب شاعر حقيقي وصعب جداً على غير المتمكن ولايهاجم الا الشعراء الضعفاء , فهل يعتقد الدغيلبي أن سوار الذهب سيهاجمه عند لقائه . |
ياشمروخ
فيه فرق بين السب ومواجهة الشاعر بالحقيقه؟؟ بعد الأحداث اللي حصلت على تركي يخاف من سفر لأن قوة دفاع تركي أقل مستوى من قوة هجوم سفر وتركي إذا أحرجوه الشعار رجع يمتدح مطير ويقول أنا من اللي يفعلون كذا ويفعلون كذا حتى يظهر بالمظهر المرغوب عند قبيلته وينشغلون بمدحه لهم عن عجزه في الرد أما قولتك إن تركي يعزم لأكثر من 70 حفله هذا في السابق لكن بعد ماأفترق هو وملفي شف وش صار ملفي يعزم في كل مكان وتركي لم يعزم إلا لحفلتين فقط في الصيفيه الماضيه وهذا ليس بكلامي وإنما كلام مكاتب الشعراء رح إسألهم |
السلام عليكم ورحمه الله ..
ياأخوآآن هذا نقاش وكل واحد يطرح وجهة نظره . على الجميع تقبلها .. بس ماتاصل لدرجه الاستهزاء بوجهات النظر الاخرى .. اللي يبي يستهزي لا يشارك من اساس في النقااش . وحبيت اوضح نقطه بسيطه .. أول شي .. سفر وتركي كلهم شعراء .. والمشكله ليست في عدم لعب تركي مع سفر .. المشكله في خروج تركي من الحفل . فاللي ابي اعرفه ,. ليش تربطون بين موضوع عدم لعب سفر مع عبدالله الميزاني .. وموضوع خروج تركي من الحفل يوم عرف بوجود سفر .. |
| الساعة الآن »08:15 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd