يأبو فرح وأنا أدري إنك شاعر الوزن الثقيل = وإتسير والدرب إيسره ماهو شبيها ً لأيمنه
يا صاحبي من بعد ماجيتك وأنا عابر سبيل = الله يستر لاتمشي شئ ما ندري عنـــــه

يامرحبا بالشاعر الي ماندورله بديل = لوكان فالدار السناوي شفته يسوق ضعنه
ياصاحبي دامك حضرت وجيت مطوي الصميل = خلك على وضح النقا حتى تجيك البينه

كمّل معي يالين نور الصبح يطلع فالطويل = أما أترك الكذب أتركه ولا أعلن الصدق أعلنه
سولفت لك عن سالفة موضوعنا وآخر مديل = فالجحر يا رجّال دسّ إلّك ولد عم إعدنه

انا معك ياصاحبي والحمل من فوقك يميل = وانته عميل الملعنه لكن تجيك الملعنه
مالله ماجمل صاحبي لاكن انا بفعل جميل = حتى ينزل عينه ويعرف وشنهو معدنه

أنا دليل ٍ مايضيّع درب وأعرف الدليل = العلّم بيّن , مير قبل أقول صح الألسنه
والله ما أدوّر عليك الدرب يالشيخ الجليل = والجرح يؤجر صاحبه لاضاق منّه وأحزنه

انته دليله مير حطيت القدم في درب سيل = والي سواتك لازم يدور جبل ثم يزبنه
مهما تدور مابه الا الطيب والعلم الجزيل = وابشرك دوم الردي نسمع علومه طنطنه

عانك تثاقلها بعد ما جاك صبح وراح ليل = والدين باقي لين هالحينه ما سددت إثمنه
حتيش لو إنك في وسط الملعبه ياهنّ فيل = ماكل من غنّا على طاروق يبدع فـ ألحنه

والله مالد النظر ياهيه فالعلم الهزيل = لكن نصيحه كل هرج تقوله احفر وادفنه
فهمتها ياصاحبي ولاّ نزيد الكيل كيل = حتى الطريق الملتوي اتجنب وتسمح منه

أنا أشهد إنّي مالحقني سوّ في ظلّ ظليل = آخذ مايغنيني من الأسواق والشرّ أركنه
منته مجنّب عنّها بإرضاك جمره فالشليل = لكّن سير الملعبه تصريف ؟ بالطيب أدهنه

تشهد لنفسك وانت وقت الجد يبغالك كفيل = الشيخ يبغا هن حتى يسمع لهرجة هنه
انته سوات الذره الي حظها حر المليل = يامشين الحظ الردي ياصحبنا يامشينه