|
لقيت بالعتبان خمسة عذاريب
هذه القصه تهم كل اعتيبي لمافيها من العلم الطيب اسعموها واحكموا
ومناسبتها هي : كـــان الـجـنـدي ثــامـر بـــن فــلاح الـشـمري فــي دوره عـسـكريه مـسـؤولـهـا الــمـقـدم تـريـحـيب الـعـتـيبي . وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى. وعــاد بـعـد ان تـمـت دوره زمـلائـه وتـمـكن مــن الـتـخرج مـعـهم فأرسل والده فـــلاح بـــن شـامـان الـشـمري هــذه الـقـصيده : سلام مني للمقدم تريحيب &&& أعداد ما خط القلم بيد كتاب وعداد ما غنوا هل الفطر الشيب &&& بأرض خليه ما بها غير الاعشاب وأعداد ما ذعذع نسيم الهباهيب &&& وأعداد ما سجيت رجلي للأقراب ماهي غربية منك يا كاسب الطيب &&& حلياك من نجم تبين ولا غاب شريف ما يدخل على ساسك العيب&&& من يفعل الحسنا بالاجواد ما خاب لقيت بالعتبان خمسة عذاريب &&& الطيب والنخوه وتقدير الاجنـاب دون الخوي يا طون حر اللواهيب &&& وأن حدت الدنيا يفكون الاشناب فـرد عـلـيـه الـشـاعـر المقدم : تـريـحـيب بـن سـويـلم الـعـتيبي قـائـلاً :- حي الكتاب اللي من الشمري جيب &&& أقولها بالصدق ماني بكذاب يا مرحبا عد النجوم المراقيب &&& ترحيب مشتاق ليا شاف الاحباب بكتاب ابن شامان رجل المواجيب &&& فيه الجواهر بين صايغ وحساب بنيت له بأقصى ضميري دواليب &&& هذا الرصيد الي كنزته وراء الباب من شأن ثامر يرخصن المطاليب &&& جوينا الطيب له الحق غصاب خوينا ننصاب مثله ليا صيب &&& نمرض معه ونطيب مثله ليا طاب يا عل ما يفتق على مثله الجيب &&& والله يجيره من صواديف الاسباب ( ارجو ان تحور على رضاكم ) وتقبلوا تحياتي منقول |
مشكووور اخوي الدلبحي
قصه رائعه لا عدمناك يبن العم تحياتي .. |
ياهلا وغلا
حيالله الرد وراعيه مشكور على مرورك يابن العم |
خالي الدلبحي .... http://www.otaibah.net/m/images/icons/icon7.gif مسيك بالخير والرضا والعافية طال عمرك ... ماقصرت على طرح هالابيات الرائعه والجزلة وهذا ليش بغريب على قبيلتنا ... ودمت لنا يا أستاذنا ... http://www.otaibah.net/m/images/icons/icon7.gif |
مسيت بالخير وطولت العمر
حياك ومشكور على الرد تقبل تحياتي |
مرحبا ولــــــــــــــد عمي والله ماقصرت ياطيب يالسويدي --------- وسلم على مشعان صنيتان ؟
|
ابرك الايام يوم تواجدك ومشاركتك
يعطيك العافيه سلامك وصل |
الدلحبي اشكرك على هذي الا بيات وهذا مو شي غريب على عتيبه وشكرن يا ولد العم
وعلى طاري اعيال اصنيتان لا يكونون الي بالخفجي وارجو الرد يا ولد العم انا ولد عمك @العـــــصيمي......من الكويت@ |
هلا وغلا
يالعصيمي يسعدني مرورك اما بالنسبه لعيال اصنيتان فهم في الخفجي صحيح وتقبل تحياتي |
الاخوه اعضاء موقع عتيبه المحترمين
السلام عليكم ورحمه الله وبركاته تنويه خاص قبيله عتيبه تستاهل الكثير والكثيرمن القصيد وعتيبه فيها رجال والف نعم فيهم اصحاب مواقف رجوليه في ساحات المرجله ومواقف الرجال وهذه القيصده هي ماقلت ضمن عده قصائد في رجال من عتيبه قلتها بهم وهم لهم مواقف مشهوده اما بالنسبه للقصيده المذكوره هنا هي فعلا مثل ماذكرتوا لكن فيه شي واحد لازم تعرفونه ان الموضوع فيه التباس وهو ان القصيده ليست لفلاح شامان وفلاح اخ عزيز والنعم فيه ولكن ليس شاعر وانا اللي قلت القصيده وهي مدونه عندي في ديواني الثريا ومسجله عندي من ساعه الحادث وانا استغربت من ناس قالوا لي انهم حصلوها في عده مواقع لذلك حبيت اوضح دون الخوي ياطون حد اللواهيب وان صكت الدنيا يفكون الانشاب يشوفون عطبين القلوب المصاويب ان صاح منكوبن من الوقت منصاب برباعهم يلقى معزه وترحيب عند الوزا يبدي على الربع الاقراب هذا وفى ياكاسبين المواجيب لاني براجيكم ولاني بطلاب علي المحيا واي استفسار انا حاضر |
الفداغي
اول شي الله يحييك في منتدى اعتيبه الهيلا ويشرفنا تواجدك اما بالنسبه لردك على العين والراس وانتظر مكالمه مني تحيااااااااااااااااااااااااااااتي |
00
الدلبحي مساك الله بالخير انت والفداغي القصيدة مشهوره بأسم والد الشمري ولانعلم عن قائلها ولكن اللي حبيت افيدكم فيه ان المقدم هو الشاعر المعروف / تراحيب بن سويلم العازمي العتيبي وهناك قريب له بمنتدانا وهو السويلم بأمكانك مراسلته واخذ الخبر منه تحيااااااتي |
مشكور الدلبحي على السالفه , وعتيبه مشهوره بلفزعات والطيب
|
الاخ خلف مرزوق
مسيت بالخير ساكلم السويلم واتاكد من الموضوع تحياااااااااااااااااااااااااااتي |
غبيوي الثقبه
نورت الصفحه تحيااااااااااااااااااااااااااااااتي |
|
ابن دريميح
وجهك ابيض وعلمك غانم تحياااااااااااااااااااااااتي |
تسلم يالدلبحي
ما احلا هالعذاريب اللي تليق بعتيبه .. عذاريب عتيبه كلها طيب . تحيااااتي |
النمر الروقي
هلا وسهلا دايم وفعول اعتابه تبيض الوجه تحيااااااااااااااااااااااااااتي |
الاخ الدلبحي اسعد الله اوقاتك بكل خير ومسرات
اسمحلي ادلي بدلو في هذا الموضوع الذي صار فيه جدال وكلام كثير داخل الموقع وخارج الموقع اول شي قبيلة عتيبه قبيله عريقة الاصل والمنشاء ولها من المفاخر مايعادل رصيد بنوك العالم ولايلحقنا الشك في طيب رجال عتيبه ومواقفهم مع الرجال اما من ناحية القصيده والشاعر انا عرفتها عن طريق الشاعر علي المحيا والشاعر على المحيا له قصائد كثير في عتيبه وهو من الناس المعجبين بفعال عتيبه ورجالها وله قصائد مو جوده عندي يمدح بها عتيبه وقصيدته المشهوره (عـــــــــــــــــــــــذاريب) يقول علي المحيا وعلي شاعر ليس بحاجه اخذ حقوق الغير فهو شاعر متمكن وشاعر له وزنه بين الشعراء اما من ناحية شامان بن فلاح انا شخصياً ما اعرفه ونعم فيه وشمرحلالهم واحد لكن هذه للئمانه الادبيه انها لعلي المحيا ولكم جزيل الشكر والتقدير |
..
. الطيب ليس غريب على اهل المواجيب.. .. والسناعيس يحبون عتيبه والعتبان يبادلونهم نفس المشاعر .. وكمايقولون اذا اكرمت الكريم ملكته .. .. ورد المعروف من شيم الرجال .. اسجل احترامي للقبيلتين... ولكل .. القبايل .. والله لايهينك يابو حمود على موضوعك ... اخوكم .. . |
مشكووور اخوي الدلبحي
قصه رائعه لا عدمناك يبن العم تحياتي وتقديرى لك |
علوش الشمري
ونعم فيك وفي شمر كلها قبيله عريقه وكفو للعلم الغانم والشاعر علي المحيا ونعم الرجل قصيده جزله من جزل ومشكور على تعليقك الاخ مرزوق تسلم على مرورك الاخ غشام نجد لاهنت ياغالي تحياااااااااااااااااااااااااااتي |
الأخ الدلبحي
بيض الله وجهك وقصيدة الشمري أرسلها فلاح بن شامان الشمري والد الجندي ثامر على عمي المقدم تريحيب بن سويلم العتيبي ورد عليها كما ذكرت ياغالينا الدلبحي أخوي علوش الشمري والله ونعم بقبيلة شمر والقصيده قصتها صحيحة كما ذكرها أخوي الدلبحي ومن فلاح بن شامان الشمري سواً كان الشاعر هو أو علي المحيا كلهم ونعم ومن قبيله عزيزه نكن لهم كل الحب والتقدير هذا للتوضيح ولكم تحياااااتي |
السويلم
عسى عمرك طويل ماقصرت على التوضيح وهذا اللي بغيناه تحياااااااااااااااااااااااااااااتي |
أنقل لكم رساله
|
...
. شكرا لك ........ والغريب ليه الشمامره مختلفين..!!! لماذا هذا الالتبااااس..؟ لايمكن القصيده يسويها اثنين وتنسب لهم في وقت واحد .. .. الا اذا كان المحيا .. مسويها على لسان شامان فهذا محتمل .. ... الزبده نبي الكلمه النهائيه من القائل ؟؟؟ والى الان ماتوصلنا له. .. .. |
السلام عليكم ورحمة الله وبركاته
اخواني انا قلت لكم اطلعوا على ديوان الثريا وانتم تعرفون صاحب القصيده |
الأخ الفداغي
عليكم السلام ورحمة الله وبركاته هذه القصه والقصيده ورد القصيدة أورد تريحيب بن سويلم قصتها وما عرفه عنها ونقول ونعم بقبيلة شمر بأكملها ولك تحيااااتي |
| الساعة الآن »09:11 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd
