من هجوس ٍ نواياها سليمه ياسلامي عدد برق المخايل = وابن وايل على المرقاب بادي من هجوس ٍ نواياها سليمه
غاب زولك عن حضور العزيمه وضعكم ماعرفنا كيف قايل = كيف بعت المراجل والمبادي غاب زولك عن حضور العزيمه

من هجوس عزايمها عظيمه 000 مرحبا مرحبا والراس طايل = ابن عاصم كعام للمعادي 000 له هجوسٍ عزايمها عظيمه.
حاضر وغايب ابعز وشيمه 000ولي ربعٍ تكمل بالفعايل =وانت وين انت في كلمتك غادي000حاضر وغايب بعزٍ وشيمه.

البقا وانت لك كف ٍ كريمه مير شحّت على بعض القبايل = إلك زادك وانا ماضاع زادي والبقا وانت لك كف ٍ كريمه
احسب ٍ انك من طيور ٍ عديمه مير ضيعتها بعز القوايل = ذا السنه مختلف طير الهدادي احسب انه من طيور ٍ عديمه

صار لي ظرف والدعوى وليمه 000والعذرمنك ياراع الجمايل= وابشر بطيب ومسك وطيب كادي000 صار لي ظرف والدعوي وليمه
مانت لاقي على مثلي خريمه 000 صاحبك من متعبة الاصايل = اسمع العلم ياراع الجوادي 000 مانت لاقي على مثلي خريمه.

بيني وبينكم صحبه قديمه مير قصر الصداقه صار مايل = ماحصل منّكم ماهو بعادي بيني وبينكم صحبه قديمه
طافك المزن واستدركت ديمه وانت فاهم مرامي يابن طايل = اعلنوها على كل الروادي طافه المزن واستدرك بديمه