ياابولمار قرب والعلوم علوم= علومك صاير ٍ فيها ومافيها
مع الويلان حظك ياعساه يقوم= ليا منا مشينا الطرق تمشيها

يابن وايل ترى بعض العلوم اسهوم = علوم الدنفسه مانته براعيها
بعد ضيّعت عمرك في لذيذ النوم = معك وش لون ناخذها ونعطيها

يا ماشاء الله مشيت بدربنا المرسوم= لو انك من قبل يومين مغديها
تقوله وانت في ظل العرب محكوم= ولا لك قسم باولها وتاليها

ليا وفّيتها مانته بها ملزوم = لكنك لاتكحلها وتعميها
مع اهل العرف نعرف قسمك المقسوم = رجال المعرفه تعرف باساميها

انا ماني ملحقك العتب واللوم= بلشت بوزنها والا معانيها
ما دام انا نطحنا الفرس ويا الروم= صغار الناس مانسمع حكاويها

عسى مانته من اللي قلتلك مصدوم = حقيقه باينه فيكم مواريها
الك مده تلّصق من كبار القوم = تسير القافله وانته تباريها

من اول نعرف المعطى من المحروم= الك مده مع العالم تدربيها
هذا وصف الذي يبسط يدينه دوم= ونفسه بين بايعها وشاريها

وحنّا نعرف الفايز من المهزوم = هزايمك الكثيره كيف نحصيها
نصيحه لاتبيح بسرّك المكتوم = ونكشفها بعد ماكنت مخفيها