| ابن صنهوت |
17-Nov-2009 01:51 AM |
ما عشت في حروة هل الصد ياسعود,,
بسم الله الرجمن الرحيم اليكم هذه الابيات اتمنى ان تنال على اعجابكم
ما عشت في حروة هل الصد ياسعود=الله كفيل لي وانا من عبيده
ما كتب لي فاللوح ياسعود موجود=الله ولا من النفوس النكيده
لكن بعض الناس ياسعود مقرود=والله يكافينا الوجيه القريده
يشيل له حمل وهو منه مضهود=نوخ ولا شال الحمول المكيده
برك حلال القوم فالريع مشدود=بحمل على شرواه يطرح بديده
يدق صدره قبل يومين ياسعود=يقول انا راع العلوم المجيده
واليوم غاب وخاب ما عنه منشود=ما باقي الا اعلن عنه فالجريده
مدري يحسب النعم في يده مولود=والا يحسب الطيب لقمة عصيده
الطيب حيد نايف شامخ الطود=ماكل من هازه حصل ما يريده
صعب على الرديان يا منبع الجود=ما يقدره غير العزوم الشديده
الطايله تصعب على اللاش وتكود=لوبرق بنفسه تراها تكيده
ناس يبون الطيب من غير مجهود=وناس يبونه بالعلوم الزهيده
لكن تجارب وقت نلقى بها فود=دنيا تجارب والتجارب مفيده
عبره لنا والوقت حاوي ومردود=والشمس لا بانت تميع جليده
وسلامتكم |
