|
تركي 2000 والهروب من سفر الدغيلبي
الاسبوع الماضي كان هناك حفله عند قبيلة المساعيد من هذيل في مكه وكان الشعراء المدعوين سفر الدغيلبي وملفي المورقي وتركي 2000 وحامد القارحي ومحمد المسعودي حسب ما وصلني وكان تركي مدعو للحفل ولكنه وضع شروط ان لن ياتي الا مع شعراء معينين وعندما حضر فوجئ بوجود سفر الدغيلبي فرفض اللعب وخرج من الحفل ترى ماهي الاسباب ؟؟؟ وهذا نص الخبر من جريدة المدينه
|
وازيدك من الشعر بيت حفل النخشه النفعه في الاحساء اللي كان فيه تركي و فهد العازمي ومحمد النخيش
قال تركي لاهل الحفل والله لو يجي سفر واشوفه بشغل موتري وبمشي وفعلا ماجاء سفر ودارت محاوره بين محمد غازي النخيش وتركي الفين عن نفس هذا الموضوع وحاول هنا يفعل نفس الحركه مع هذيل لكن والد العريس فطين اخذ حلاله من قبل ان يهرب تركي الى هالدرجه يخاف من سفر |
مشكور يأبو فايح حضرت الحفل , , ,
الشعراء ملفي المورقي وسفر الدغليبي وشاعر مطرفي قديم لااعرف اسمه وشاعر هذيل أخر وجلست مع مجموعة من أصدقاي من قبيلة هذيل وأخبروني بأن تركي لايواجه سفر ومحتمل غيابه والأهم من ذالك غياب شعراء هذيل وهم القارحي والمسعودي مماسبب غضب القبيله وضغط سفر وملفي على موضوع غياب الشعراء ومن ضمن بيوت سفر للشاعر هذيلي ( لاتعزمون ألف رجال والمأجوب شاه ) وكذالك بيت ملفي للشاعر المطرفي : ليا منها جبت ولد والولد ضاع=ترى أفضل لها لوكان عاشت عقيمه طبعاً هذا الذي أتذكره من المحاورات |
أولا : تركي الميزاني........ وليس شاعر محاورة والشعراء الكبار يعرفون ذلك لكن خلفه قبيلة والنعم
فيها والشعراء يطردون خلف الفلوس مهما كان وغصب عليهم يجاملون تركي من أجل عزائم قبيلته ثانيا:: تركي استغل خلاف فيصل الرياحي وحبيب واستغله الرياحي وملفي وكما قال المثل مصائب قوم عند قوم فوائد ثالا::: بعد وفاة الرياحي خفت نجم تركي وسيذهب ، لأن حبيب .................................................. ............. طنش تركي حتى قناة المرقاب ماعاد له وجود فيها سلطان الهاجري مل المحاورة مستور مايرحم تركي ولا يجامله ملفي مل من تركي ويعرف أن تركي ينزل مستواه الشعري لكن القريشات فمتى ما اهتزت الميزانية عاد لتركي سفر نفس مستور ولا يرحم تركي من بعد محاورة القهوجي وقصور العليا لذا صار يتهرب منه تركي فلا تستغربون هالتصرفات من تركي |
سفر شاعر قوي ولا يجامل وبعدين فيه احداث كثيره صارت على تركي ومن يوم صارت مالعب مع سفر !! لماذا ؟ لانه يدري ان سفر راح يتحدث ويناقشه في ماجراله من.... اما عن محاورتهم السابقه في مكه وصلتني الرساله كتالي: تركي الميزاني - سفر الدغيلبي ملفي المورقي- حامد القارحي محمد المسعودي وعند الساعه العاشره مساء وصلتني رساله تعديل : الشاعر سفر الدغيلبي غير مشارك في حفلة التميز بمكه سؤالي / مامعنى هذه الرساله : هل لتقليل من جماهيرية الشاعر سفر .... وووو الا اخره او لكي ينكرون هروب تركي والهارب هو سفر ملاحظه : صاحب جوال اماسي - مطيري وهو دائمآ يبرز تركي الميزاني واكثر رساءله لصالح تركي |
لا جديد هي العادة مع كل الآسف وللآسف تركي 2000 له تشرطات ليس له أحقية بها !! شاعر وش المانع تقابل لك شاعر آخر صحيح حصلت مثل هالحادثة بالظبط في حفل زواج : بهاج بن مطلق النخيش في الأحساء حيث رفض تركي اللعب مع سفر وقال إذا حضر سفر أنا أعتذر يقول الشاعر / محمد غازي النخيش علامك تفند بين جمع الحلاحيل ** ترى هاذي العاده علاكم فشيله طبعا ً تقريبا ً من بعد محاورة الرياض ( أن لم تكن ذئب كلت الذيابه ) ما لعبو كثير وخاصة من بعد سالفة تركي المشهورة لأن تركي يتوقع ويؤمن أن سفر لن يرحمه في هذا الموضوع أحترامي لك أبو فايح ;) |
مقابل 22 الف ريال
^ مع احترامي كثر منها : ) انا اقول يحق لـ تركي بغض النظر عن شاعريّته التشّرط على كيفه .. إذا وجد من يلبّي طلباته .. الشرهه هنا على أصحاب الحفلات .. يعني قلّوا شعّار المحاوره ؟؟ ولكن !!! |
اقتباس:
انا وياك مليون بالميه الموضوع بين تركي والمكتب لاتدخلون سفر فالموضوع وكلامك يابوحامد ماعليه اغبار وليش تسمونه هروب ليش ماتقولون مايرغب اللعب معه ولاتنسون ان تركي لعب وياه اكثر 20 ملعبه ولاغداله شي يالربع مطلق وشليويح ومستور اسئلو الشيبان اللي عاصروهم مايرغبون اللعب ويا الزلامي هل هم ماهم شعراء او الزلامي ماهو شاعر طبعا لا وتركي ماستفاد من الشعراء بالعكس الشعراء يستفيدون منه وظهوره كان اسرع من الصاروخ واختصر سنوات عديده تموت الناس وتحيا ماوصلو اللي وصله تركي ومشاركة فالمغتره ثلاث سنوات متتاليه تثبت شاعريته |
لا هنت يا ابو فايح على النقل
ودوم التوفيق |
اقتباس:
أكثر ملاعب رشيد مع من ذكرت .. حتى إنّه كوّن ثنائيّه مع شليويح أثناء تواجده فالكويت .. لاهنت |
|
اقتباس:
الأخ صاهود يعرف الجميع أن سفر الدغيلبي كشف تركي ألفين على حقيقته في عدة محاورات. ولو سألناك من أقوى شاعريه تركي ألفين أو سوار الذهب؟ أكيد سوار الذهب لكن صوته لم يخدمه وتركي شاعر فقير من المعنى لكن صوته أوصله للجماهير وعلى قولة سفر الدغيلبي(ترا الشعر من عقب جا تركي ألفين إنحدر*قدام صفه يظرب المرواس والساري سرا) ولا كل من شارك في المغتره نجح كشاعر |
سفر الدغليبي شاعر محاوره رائع ولايحب المجاملة والمداهنه وهذا سبب رفض تركي 2000 اللعب معه لانه فيه أمور وأحادث حصلت عليه سوف يقومون الشعراء باستخدامها أذا أستوجب الامر الى ذلك عكس بعض الشعراء اللي يجاملون مع تركي
تركي خدمه صوت أكثر من جزالت شعره أنا ماقول مهوب شاعر ولكن فيه شعراء في قبيلته أفضل منه بكثير بالمستوى . |
انا اقول الشاعر اللي يتشرط ما هوب شاعر الشاعر ينزل الميدان مهم كان فيه
|
أنا أشوفها عادي ومن حقه يرفض ماهو أول واحد يمتنع عن شاعر حتى الزلامي أمتنع عن بن جرشان في الحفله اللي جات على الساحه اللي فيها المعنى والزلامي كان فيها بن جرشان ومطلق وبن جرشان طلب الزلامي الزلامي رفض اللعب معه وقام مطلق بالنيابه عنه
|
اقتباس:
|
اقتباس:
وراح للسعوديه وابتدا مشواره فالمحاوره |
السلام على الجميع
الرجال تعد لها وماعليها وهذا من كمال المروءة والشهامة . سفر بنفسه رفض اللعب مع سوار الذهب في حفلة بني الحارث قبل خمس شهور في الرياض والأمر معروف . كلها نفس المعنى فمن الانصاف عد ذلك في وقته او التغاضي عن هذه الحادثة الأخيرة . وقد نجد مبررات لسفر في تصرفه في حفلة بني الحارث مثلما نجد لتركي في حفلة هذيل . ولكم جزيل الشكر . |
شكرآآآآ لك اخوي على الموضوع
وكلهم شعراء وماهما صار كلن له ضروفه وكلن يبي ياخذ نصيبه مهما كان . |
سلم لي على سفر الدغيلبيي
وأن كان تقدر سلم على سوار الذهب مشكووووووووووووووور صاحب الموضوع |
هههههههههههههه شر البلية مايضحكـ
الشرهه على اصحاب الحفلات اللي يرضخون لشروط امثال تركي الميزاني الساحه مليئه بالشعراء واغلبهم افضل من تركي الميزاني اما من ناحية انه عادي ان الشاعر مايلعب مع اي شاعر لاي سبب اوكيه يبقى فالحفله لكن مايلعب معه ماحد راح يجبره لان الشعراء واجد اما يهررررررررب من الحفله هذي ماسواها غير تركي وتسجلّه اول شاعر يهرب من الحفله خوفاً من خصمه :d تحياتي :) |
تركي الميزاني كثرت مطماته وصار من جرف لدحديره |
اجل دوريات وزحمه وهروب كلها علشان سفر
يوووووووووووووووووووووه اثر سفر مهستر في بعض العرب عيب على الشاعر مايحترم معازيبه الريجيل جايبنه 22 الف ودافعين اكثر من ميه الف والرجال بكل بروده لا مابي العب |
اقتباس:
وما محاورته مع القرقاح والطامه اللي جابها ببعيد وانا ما الوم الشعار يوم مايلعبون معه |
اقتباس:
كلام عاري من الصحة ومردود عليك كيف تستشهد بالباطل !! والمصيبة انك تسوقه كدليل , دور ترقيع ثاني لموديل 2000 المجال مفتوح اجتهد له , لكن لا تقترب من الاعلام وتفبرك القصص وكان اللي قدامك من كوكب ثاني وماهم دارين عما يدور حولهم من البجاحة الادعاء بوجود الشمس ليلاً ....... مثل عربي |
الاخوان جميعا شرفتونا الاخ شمروخ اولا سفر لم يطلب سوار الذهب وسوار الذهب لم يطلب تركي ليس هناك مجال للمقارنه بين المحاورتين ؟؟ فلم يكون هناك رفض من احدهم او هروب !!!! اما الاخ العزيز صاهود ممكن ماكانوا يحبون اللعب معه سنحاول ان نصدقك ولكنهم ان وجدوه في حفل ما لا يهربون بل يقابلونه جهرا والعين ترا . |
ابوفايح طيع شوري حنا صارت بيننا رفقه ومعرفه
والدين النصيحه الان لما جبت هالموضوع وانت تدري ان اغلب المشاهدين مايدانون تركي وش استفدت ماستفدت شي كذا عضو سبوه او اسخروا منه وكله في ميزان حسناته ياخذ من حسناتهم وياخذون من سيئاته والدال علي الخير كافاعله والدال علي الشر كافاعله خل غيرك ينزل هالمواضيع هاذي ماهي لك طعني يابوفايح مايسرك غير عملك انا ادري انك ماتسب وحافظ نفسك لكن اتركها طعني وانت ابكيفك |
hgshgti ;gih td l,q,u iv,f jv;d lk ptgi i`dg hghsf,u ................................................وين اصلاً الوعد . ووين اصلاً الشيمه اللي تخلي الواحد مايجحد بجماعه دعته . وشلون لو كانوا هم من جهة خندف . ليه ياتركي؟
|
[align=center]
اقتباس:
وطعني ياصاهود وخل عنك الدفاع عن تركي الفين . ليه يامطير مابتبحثون شاعر غيره يمثلكم . ليه ؟ |
تركي 2000 الشعر شمال وهو جنوب وبيت تركي ورد سفر علاه الي يدل على انه مبتدىء في لعب على معنى ودل على ذكاء سفر يوم قال تركي لسفر
مهنتك معروفه ليا قدم لك البـن الخضـر...........لكن أبا خذلي معك مرواس والساري سـرا ورد سفر صح الشعر من عقب ماجا تركي ألفين اندمر............قدّام صفّه يضرب المرواس والساري سـرا عزالله انه سفر صادق اغلب محاورات تركي الي يلعبها على معنى يدوج فيها شعر تركي 2000 كما قاله سفر أنا تراي لمثلك او شـرواك علّـه فالنحـر............كم شاعرن تحت قدمي إنداس والساري سرا مالك شعر غار المهازى والمخازى والعير.....ماأنت ابلها لادقّت الأجراس والساري سرا ايضا كلنا يعرف قصة تركي الفين وسفر الدغيلبي بعد ما انقطعو عن العب فتره على موال الحلاو الي تمصه ارجعو في الحفله الشهيره وبعدها في حفل مطران بالكويت وحضرت الحفله وتركي طلب سفر في موال ومن ظمن مواويل تركي قال نقز علاك الي ليا رصك بربع دقايق يفقدك نصك انته ياوجه بليس وش خصك فكان الرد الصاعق من سفر يذكر تركي 2000 في ملعبىة الحلاو الي تمصه قال سفر اثرك ذكرة الدرس والحصه قد قلت لك هلعلم والقصه تجيك رصه من بعد رصه ايضا في نفس الحفل اتى شاب مطيري يريد مقابة سفر الدغيلبي وطلب سفر وقال الشاب المطيري قم ياسفر لاتسافر للسعوديه نبا نسفرك في رحله علاجيه والله ماتفلت من قضبة ايديه وكان رد سفر الدغيلبي علاه ياوقت ياوقت منك الله يكافينا خربت الشعر الاصلي في ليالينا حتى صغار الاجاويد اطمعو فينا وبعدها لعب الشاب معه موال اخر غير هذا واشر لسفر انه يكتفي في الموةالين الي لعبهم مع سفر وبدعها حاس سفر تركي 2000 وبعدها اصحاب الحفل عطو طفل من اطفالهم المكروفون وسفر متجه لسيارته وطفل يتوعد سفر ويقول والله يالعتيبي لتيجك لكمه والجماهير تضحك وسفر متجه لسيارته والله ثم والله انه المنظر ذا قدام عيني بعد ما اعجز شعار مطير تركي الميزاني وسعود العبدلي وشاعر شاب اتو بالطفل ليشتم سفر والحادثه في الكويت حفل مطران في منطقة الرحاب |
تنكرة المحاورة وشعرها بسبب شعراء الماده والنفاق والكذب والعياذ بالله الا من رحم الله وتعدهم على الاصابع. وكل سنه تلقى أثنين لفين على بعض ؟؟ وليا عزمته قال من قبيلي وجاك التشرط الشاعر هذا ماالعب معه وهو قبل شهر كان معه!!! ويتشرط على خلق الله عطوني الشاعر فلان وحولوا المبلغ في الحساب .... ودلوخنا مافيه الا تنفيذ للشروط . مثل اللي دافع 22 الف في شاعر وجايب معه ثلاث شعراء يعني بالكثير 50000 الف وتخيل هاالمبلغ في ساعتين وراميها ؟؟ في النهايه وحلالة من لمهم في لوري وعلى الشريط الحدودي :) تحياتي يابو فايح |
][®][^][®][السلام عليكم ورحمة الله وبركاته
ياخي من حق تركي يرفض لانه شرط مسبق وهذي ليست اول مره من الشعراء سبق في حفل عتبان كان معزوم حبيب ومستور فعند الحضور وجدوا ملفي المورقي فرفضوا العب معه وغادروا الحفله واحرجوا صاحب الحفلة فلم يتبقاء سوء ملفي والغيت الحفلة ..... ((عبدالله العير مالسبب في هروب الشعراءمنه )) كل له وجه نظر حبيب والرياحي خليف ابن دواس والشعراء ابن شايق زمان ممكن وجهت الشاعر عدم السب والنزول وبعض الشعراء لايرحم في ذلك كلن له وجهة نظر الزلامي يمتنع عن خليف ابن دواس الرياحي الله يرحمه عن سوار الذهب زيد ابن سلمي عن سلطان الشيباني حبيب ومستور عن ملفي المورقي سبق مطلق وخليف ابن دواس شي عاااااااادي لكن شباب اليوم عنده تضخيم الامور ابتعدوووووووووا عن العنصريه جميعاً اخوان ومسلمين وسعوديين ((قل الحق ولو على نفسك)) شبل مطير][®][^][®][ |
اقتباس:
بأختصــــــــــــــار تركـــي الميزاني لاتقارنــــه بهؤلا الشعراء الكبار لانه ليس شاعر بحجم الشعراء الكبار وهروبه من سفر ..... بالعربــــي خوفآ منه ! واذا ماقتنعت .... ماهو ضروري !!! |
ابو فايح لاهنت
لــكـن اعتقد ما من وراء هذي المواضيع فايده ابدااااااا .................................................. ....... يا جماعه نبغى نرتقي شوي ونبتعد عن العصبيّات الاحظ اكثر من عضو يشارك بأكثر من رد ونفس الكلام والسبب حقد على تركي ياخي لو لم يصل تركي للنجوميّة لما تكلّمنا فيه وقلنا وش جديده وسمعت وش سوا بفلان ووش سوابه فلان من شعر واخر شئ يطلع واحد يقول ماهو بشاعر !!!!!! الكبير والصغير والشايب والغليّم يعرفون تركي 2000 وانا اجزم ان نصف من شاركنا لو ان عنده حفل اول ما يفكّر فيه تركي طلعة الشاعر اذا ما كانت زي طلعة تركي احسن له يستريح وبعدين كثيييييير من الشعراء القدامى والمعاصرين ما يتقابلون مع شعراء مهما كانوا لماذا تهرّب حبيب من ابن شايق تقولون سفر ما يجامل كذلك ابن شايق ما يجامل ابدا وغيرهم وغيرهم ودّي |
اقتباس:
........................................... لا وكل هالرد على شان تقول ابن شايق وتمدحه وهو ماغير عندي لا غلطان اما تركي شاعر علم على المبزره اللي توه طالع بالساحه وحافظ الابيات من ثلاث ايام |
اقتباس:
انا اشهد انك صادق يا ابن رووق تركي شعره ما يتعداى الوراعين والمستشعرين يحسبنه شاعر .......... .......... |
انحراف الموضوع عن مساره يجبرنا على اغلاقه الحادثه غريبه أن يحضر شاعر للملعبه وعندما يعلم بوجود خصمه يترك الحفل ويمشي كنا نريد معرفة الاسباب ولكن لم يظهر من الردود اي شي يوحي بذلك . |
| الساعة الآن »04:28 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd
