الليله المعنى ماهو قابلٍ ليات تحليل=بعيد من تحليل خبلٍ تفاكيره غبيه
اربع سنينٍ وانت فشداد ريمه بارد الحيل=والناس تبغى منك لكنك عزومك رديه

الله يامبعد علومٍ ورى روس الرياجيل = وحنا نجيها فالصباح ونجيها فالعشيه !!
لولا ذنوب الخلق عن دارهم ماجنب السيل = لله شان بخلقة وحكمةٍ ماهي خفيه !!

المشاركة الأصلية كتبت بواسطة سلطان الجـذع (المشاركة 944347) ... وعليكم السلام ومساء النور ... الله يامبعد علومٍ ورى روس الرياجيل = وحنا نجيها فالصباح ونجيها فالعشيه !! لولا ذنوب الخلق عن دارهم ماجنب السيل = لله شان بخلقة وحكمةٍ ماهي خفيه !!

مال للسوالف طعم ياكود مابين الحلاحيل=وان جيت ردينا زيارتك لك جيه بجيه
اليا متى والناس ترفع نظرها يمة سهيل=وسهيل من دونه نجومٍ غطت نوره عليه

لايلحقك ياصاحبي ريب في بعض المراسيل = خلك معي حاضر وموجود في صلب القضية !!
ياللي عيونك للدلال وتعدت الفناجيل = المشكلة فيدينك العوج والا في يدّيه !!

الشك ما يلحق ياسلطان ذربين الرياجيل=وانته بعد خلك معي فالليال السرمديه
ياصاحبي هي تعتبر كلها ضمن المعاميل=ماضاع لك شيٍ بهذي ولاضاع لي شيه

علمك قديم وفكرك المنحرف يحتاج تعديل = أقول مابك شئ وتقول العيب فيه ّ !!
عمامتك جايه من مطير وثيابك من هذيل = والختم والبشت الحساوي من الروقة هديه !!

المشاركة الأصلية كتبت بواسطة سلطان الجـذع (المشاركة 944406) ... الله الله :) علمك قديم وفكرك المنحرف يحتاج تعديل = أقول مابك شئ وتقول العيب فيه ّ !! عمامتك جايه من مطير وثيابك من هذيل = والختم والبشت الحساوي من الروقة هديه !!

هذا النوايا السود في ضامرك سوت بهاذيل=خلتك تكسر شطر بيتك وهذيه خطيه
ان كان راحت للقبايل وماجاء من مداخيل=لا والله الا يالجذع رحت في هذي ضحيه

العاقل اللي يابن عاقل يعرف العدل والميل = وانته كثيرك لو تكلفت فعيوني بليه!!
عطيتك الموجز وضعيّت في باقي التفاصيل = لا وخسارة معك ضيعّت من وقتي شويه !!

عزالله اني الجذع مكرمك بالبن والهيل=لاوخساره عقب ما جاك سوق الشاذليه
لا والله الا جاك تحريض من بعض المهابيل=وهذا جزاء من سوّلت نفسه بغدرة خويه

اللي عرفته عنك معسر وقاصر باع وبخيل = كل الشكر والعفو !! نفسي عن امثالك غنيّه !!
ليا طلع دمك من المختبر شفت التحاليل = وحطيت في علباك من ميسمي عشرين كيه !!

لو الردي حاول يعذرب رجالٍ توفي الكيل=ما يلحق النجم السماوي تراب الجرهديه
من شان ربعٍ للمطاليق منزلهم مداهيل=تراك ياسطان عتقٍ لمعبود البريه

المشاركة الأصلية كتبت بواسطة سعود البرقاوي (المشاركة 944434) ياسلام ياسلام وطاروق يسوى مية طاروق لله دركم شعراء وعلى مستوى متابع والصف مع ابن عاقل