لو طلبنا من سعود الإفادة وش يقول = غــــيـــر أنا مالي دخل كلمته ويعيدها
لو يحمل فوق جيشه ثقيلات الحمول = وقفت به مامشت لو نقض في قيدها

مايقول الا سلامتك ياراع الخيول = لاتظلي كل غلطة تمر تصيدها
كان خيال الاصيلة على حسب الاصول= وش يبا في عقدةٍ زايدٍ تعقيدها

يا ابن برقا مدخلي مع طريقٍ للدخول = كلـــمــةٍ ماتنفعك جوز من ترديدها
من فعايلنا نقضنا الـــصــعيبه بالفعول = ودنا بعض الــعـــرب بالحياه تبيدها

مدخلك مع باب فرعي مقفل بالقفول = أكثر البيبان لاعاد تاقف حيدها
هب ياهذا الولد من شجاعته ،، مهبول = مار عنده مشكلة يلزمه تحديدها

لا وصلنا الباب قفله مـــن الهيبه يـــزول = والعرب نعرف مدى ضعفها من جيدها
مشكلتنا في صحيبٍ له لسان معسول = ضمة الحرفين تجبر عـــلـى تشديدها

المصيبة واقعة والخطر عيا يزول = يالعل ام الكباير يموت وليدها
مشكلتك انك ماتلقى مع العالم قبول = واشتراكاتك بطل و انتهي تجديدها