ياسلام الله سلام ٍ وافق الطرق الحماسي = شد حيلك يامحمد بالقريبه والبعيده
امنعوك من السفر وانته جوازك دبلوماسي = والخطا منك عجزت تكمّل بيوت القصيده

المشاركة الأصلية كتبت بواسطة النشمي (المشاركة 943825) عقاب انت مبدع وصح لسااااااااااااااااااااانك وننتظر محمد وصح لسااااااااااااااااانه لون لنا علىه بعض المشاريه ههههههههههههههه

مرحبا من راسي اللي فالمواقف ضلع راسي = بالخوي الوافي اللي من هل الاريا السديده
السياسه خلها ياعقاب للرجل السياسي = مير لن غنيت معنا كمّل ابيات النشيده

المشاركة الأصلية كتبت بواسطة سعود البرقاوي (المشاركة 943826) تسجيل حضور والصف صفك ياعقاب والليل يامحمد الليل قبل نسحب الجواز الدبلماسي

البقا وان كان وانك ضمن سلسلة الرواسي = مالقينا موقعك وسط المجله والجريده
كيف تشمت بي وانا محشوم فالقصر الرياسي = الله انه ينصر اهل الدين واصحاب العقيده

المشاركة الأصلية كتبت بواسطة العازمي (المشاركة 943827) امنعوك من السفر وانته جوازك دبلوماسي والخطا منك عجزت تكمّل بيوت القصيـده ياسلام على بيت القصيده حبك وسبك ياعقاب لن يقل عنه رد ابن رشيد صحت السنتكم

المشاركة الأصلية كتبت بواسطة المقدام (المشاركة 943840) عقاب .. وابن رشيد صحت السنتكم .. ومتابع لكم .. ودام سعود معك ياعقاب انا في صف أبن رشيد / / / واصلوا

المشاركة الأصلية كتبت بواسطة محمد شبيب السبيعي (المشاركة 943842) ياسلام ياسلام ياعقاب فعلااااااااا مبدع ومحترف صح لسانك وصح لسان ابو رشيد على الرد الدبلوماسي بيض الله وجيهكم وانا اااا ماسك صف الدبلوماسي ولا يهون عقاب

المشاركة الأصلية كتبت بواسطة عيد بن مرضي (المشاركة 943846) ياوجه الله ويادافع البلاء ماااااااااااااااشااااااااااااااااااء الله عليكم والله العظيم بدع ورد يكفيك عن قصيده وااااااصلووووا يالنشامى ومنكم نتعلم

حاول انك تفتكرني يمكن انك كنت ناسي = وان نسيت انشد مطير وحرب وسبيع وعبيده
والله اني مانويت اكثر علاك من المآسي = وان ذبحتك عقب هذا اليوم ماتحسب فقيده

مالقينا لك فعل ثابت مع اصحاب الكراسي = فالمناويخ القديمه والمناويخ الجديده
نعرف اللي ضاع عمره بالشقا وكد التكاسي = ونعرف اللي فاض كل البنك من قوة رصيده

ويش اباقول الك غير انّي على الاخصام قاسي = والكلام اللي نقوله يبن وايل مانعيده
انتها الدفع الرباعي وابتدى الدفع السداسي = والبعير اشعيل لاهالحين محد ٍ فكّ قيده !

لو محمد في كلامه حطّم الرقم القياسي = كيف تجهل حضرموت اللي سكن وسط الحديده !!
انت لامن ضقت حطيت الذهب جنب النحاسي = مير علمك ماتثبّت والبشر ماهي بليده

المشاركة الأصلية كتبت بواسطة عقاب العنزي (المشاركة 943887) الله الله مالقينا لك فعل ثابت مع اصحاب الكراسي = فالمناويخ القديمه والمناويخ الجديده نعرف اللي ضاع عمره بالشقا وكد التكاسي = ونعرف اللي فاض كل البنك من قوة رصيده

انت لو انّك تطيح اتطيح فالارض امتواسي = لو راسك من حجر وضلوع صدرك من حديده
مادخل راسي عماس ولادخل عيني نعاسي = لين اسجل في سجلات الزمن جمله مفيده

يالعتيبي دام ماعندك خبر عن قوّ باسي = لاتوّرد هرجة ٍ تلحقك شرهات ونقيده
لو بكيفي يامحمد كان اهديت إلك فاسي = ودي النوماس لك لاجت محاصيل الحصيده

ان بغيت الصدق من كثر الحكي دوّخت راسي = من علومك يالمغني ماش شي ٍ نستفيده
وش تبا فالفاس / خلّ الفاس للغصن اليباسي = وانت راع السيف / وش مكسبك من عود وحديده !!