زان بدع البيوت وزان طرق القوافي = دام عــيــد ابن مرضي فاول الجيش عـدا
حل واحد يناسـب للنفوس الضعافي = شـــد فوق الــــركايب وأدبـل الشد شدا

صاحبي بين خلق الله شجيع وسنافي=خابره والمواقف كل ضدٍ بضدا
العشيه تسج الرجل سعي وطوافي=شايفك وأنت بالسكين وتحد حدا

خابرك مـاتشيل مـــن الحمول الخفافي = الــثـــقيله عـــلــيــكـــم والقريب مبدا
شان جو العرب والوقت يسفي بسافي= يـقــــبـــل اللي بقى لا قالوا انه تعدا

من بنى عشته والسيل يلطم ياكافي=وش تحرا يجيب وش تحرا يودا
وأنت شيخٍ عليك الثوب بالستر ظافي=لاتجنب وحنّا معك طوقٍ وسدا

العرب ترتجي ياعيد دوم العوافي = مـــــادروا يــــوم لا بـــد البنايه تهدا
خايفٍ بعد هاذا يحـصل الأختلافي = الــبـــلاوي تساق وخصمنا يستمدا

لاتشاور عدوك بين بردٍ ودافي=أضرب القاله اللي كذبها ورث جدا
مايخاف الشجيع ويكسب الحق وافي=وأنت عند العرب بالطيب دايم تقدا

أنتظر بالليالي كــل فــعـــلٍ يشافي = والخبر ياصلك والعلم لازم يردا
مانخاف ولا شلنا هم راعي اللحافي= فعلنا بينٍ للقوم فـي كـــل حدا