يا سعود اشوفك تحاوز من بعيد ال بعيد = تشكي من العله اللي عندي اطبابها
سيفي معي من حديد وسيفك انته جريد = ومن خاف من علتة(ن) موته من اسبابها

لاشفتني قدم وجهك امش فالدرب سيد = النار ماشبها الا زند شبابها.
ماسيفك ابسيف ابو طالب ولاانت الرشيد = الله يعز اللحى اللي تحمى اشنابها.

نارك رماده ومن مبطي ولابه جديد = وقدمي سوات البضاعه عند جلابها
انته كما ام القرين تحرث حد(ن) حديد = قدام عيد الضحيه بتضحابها

انا كما الموت الاحمر في حبال الوريد =ارضاك مني على السكين وانصابها.
اتخاصم اللي يخاصم كل خصمٍ عنيد = ياراع الحجة اللي ضايع كتابها

انته ضعيف جهد ما معك باس(ن) شديد = وتعد نفسك من اللي يحسب حسابها
العبد يا سعود اله فالوقت حاكم وسيد = لكن فيك القديمي زان مضرابها

جندي خفارة وتضحك لك برتبة عميد =حنا صقور الجزيرة وانته اغرابها.
من سابق الوقت عايش لك بوقتٍ زهيد = هيبتك مهما تكون سعود ماهابها.

طبعك هذا يالعصيمي مير ما تستفيد = حمامة الغار ترجي رحمة عقابها
من سابق الوقت في يدينك سلاسل وقيد = وحالتك لولاي خلق الله تهزابها

مانته بهايد يالين اعطيك حتى تهيد = مالي بكلمتك حاجة وانته أولابها.
والله ماودي بها ما بين مزيد وزيد = لكن غلطتك ياسلطان وادرابها.

طمعان تضحك عليه وانت رجل(ن) بليد = مير السما فوق راسك طاح مشهابها
انته سببها بعد غيت بيت القصيد = ومن يخبط الارض فوقه يطلع ترابها

المشاركة الأصلية كتبت بواسطة النشمي (المشاركة 942969) طيب طيب طاروق حماسي ووجودكم في المنتدى له اهميه وميزه خاصه وانتم شعار جزلين وصحت السنتكم

لله دركم

سلطان دحيم
ابو طايل



صحت قلوبكم طاااااروق حماسي

اشعيل ماهوب ياسلطان مثل الهريد = انته يمينك قصيرة ماتعشابها.؟
لازدت فالكيل مالك غير فوقك نزيد = وانكان قفلتها مانفتح ابوااابها.!!

سلطان بن دحيم=

ياسعود اشوفك تحاوز من بعيد ال بعيد=تشكي من العله اللـي عنـدي اطبابهـا
سيفي معي من حديد وسيفك انته جريد=ومن خاف من علتة(ن) موته من اسبابها

سعود العصيمي=

لاشفتني قدم وجهك امش فالدرب سيـد=النـار ماشبهـا الا زنــد شبابـهـا.
ماسيفك ابسيف ابو طالب ولاانت الرشيد=الله يعز اللحى اللـي تحمـى اشنابهـا.

سلطان بن دحيم =

نارك رماده ومن مبطي ولابه جديـد=وقدمي سوات البضاعه عند جلابهـا
انته كما ام القرين تحرث حد(ن) حديد=قـدام عيـد الضحيـه بتضحابـهـا

سعود العصيمي=

انا كما الموت الاحمر في حبال الوريد =إرضاك مني على السكين وانصابها.
اتخاصم اللي يخاصم كل خصمٍ عنيد = ياراع الحجة اللي ضايع كتابها

سلطان بن دحيم =

انته ضعيف جهد ما معك باس(ن) شديد=وتعد نفسك من اللي يحسـب حسابهـا
العبد يا سعود اله فالوقت حاكم وسيـد=لكـن فيـك القديمـي زان مضرابهـا

سعود العصيمي=

جندي خفارة وتضحك لك برتبة عميد=حنا صقور الجزيرة وانتـه اغرابهـا.
من سابق الوقت عايش لك بوقتٍ زهيد=هيبتك مهما تكـون سعـود ماهابهـا.

سلطان بن دحيم=

طبعك هذا يالعصيمي مير مـا تستفيـد=حمامة الغار ترجـي رحمـة عقابهـا
من سابق الوقت في يدينك سلاسل وقيد=وحالتـك لـولاي خلـق الله تهزابهـا

سعود العصيمي=

مانته بهايد يالين اعطيك حتى تهيد=مالي بكلمتك حاجة وانته أولابهـا.
والله ماودي بها ما بين مزيد وزيد=لكن غلطتك ياسلطـان وادرابهـا.

سلطان بن دحيم =

طمعان تضحك عليه وانت رجل(ن) بليد=مير السما فوق راسك طـاح مشهابهـا
انته سببها بعـد غيـت بيـت القصيـد=ومن يخبط الارض فوقه يطلع ترابهـا

سعود العصيمي=

اشعيل ماهوب ياسلطان مثل الهريد=انته يمينك قصيـرة ماتعشابهـا.؟
لازدت فالكيل مالك غير فوقك نزيد=وانكان قفلتها مانفتح ابوااابهـا.!!