تعال يالبرقاوي = ما دام ذيبك عاوي
مدري وش انته ناوي = والليل ساري ساري
سلطان لو سبيته = تراك ما هميته
اللي يظلك بيته = والليل ساري ساري

جيتك وانا لي حاجة باعطيك لين الصاجة = مثلك نحب احراجة والليل ساري ساري
سلطان هذا عله فيه البلا والخله = ياللي تعرفه قله والليل ساري ساري

ودك ولا تقدرها , والناس اناخابرها = تحت امري ادبرها , والليل ساري ساري
سلطان هذا عمك , تراه شايل همك = تحت الكفاله ضمك والليل ساري ساري

دمعتك لاتذرفها ماتقدر تصرفها = قد قلت لك طرفها والليل ساري ساري
تسمعوا يا اخواني في صاحبي سلطاني=آثره طويل لساني والليل ساري ساري

الدمع مغرق عينك ,, وتكفكفه بيدينك = يا صاحبي يا زقينك والليل ساري ساري
يميني اطول منه ,, لكن جر الونه = الي عليك المنه والليل ساري ساري

اطلب سعد ومناحي يعطونك المسباحي =البرق فوقك لاحي والليل ساري ساري
الناس فيها ناقد والناس فيها حاقد = ليتك محلك راقد والليل ساري ساري

انا اطلب الله وحده ,, وسعود لا يا وجده = بذراع ماله نجده والليل ساري ساري
انته تمنا شوفي ,, وتعرف وش معروفي = مني ذبحك ةالخوفي والليل ساري ساري

يالربع هذا غادي يسبح بسيل الوادي = جانا الخبر فالرادي والليل ساري ساري
ياخوك ويش ابغى بك مانيب ضمن اصحابك=لكن ربي جابك والليل ساري ساري

سعود وده وده ,, يا خذ قضيا جده = سيفه دقمنا حده والليل ساري ساري
يا سعود لو تكابر ,, انا تراني خابر = لجل الفوايد صابر والليل ساري ساري

سعود فيك مورى ياللي نشوفك برى =لو تخطي وتتجرى والليل ساري ساري
أكلتها في زقمك حتى تكسّر طقمك =بالله كم هو رقمك والليل ساري ساري