ياراعي الصفراء عليك الدور والدنيا تدور=مار الفرس مانته براعيهاولاركابها
حنا ترانا خابرينك من قديمات العصور=ونعرف منهو صادق العربان من كذابها

المشاركة الأصلية كتبت بواسطة نايف بن ملحق الثعلي (المشاركة 942103) ياراعي الصفراء عليك الدور والدنيا تدور=مار الفرس مانته براعيهاولاركابها حنا ترانا خابرينك من قديمات العصور=ونعرف منهو صادق العربان من كذابها

انا تراني يبن ملحق من طويلين الشبور = اهل المهار السرّد يوم النار من شبابها !!
وانا احمد الله يبن ملحق ما تكلمنا بزور = والكلمه القشرى تعوّد فوق روس اصحابها !!

اصبر علي صكات بقعاء دايم الروقي صبور=واحرص علي نفسك عساها ماتثور اعصابها
عمرك وصل عشربن عام وزايد فيك الغرور=بعض الاسامي خلها بالله وش تبغابها

الواحد اللي لحتمى الميقاف دمه ما يفور = لا جا مجاله ما تكرّم لحيته واشنابها !!
بعض الاسامي قدرها مرفوع في وسط الصدور = وبعض الاسامي والله اني ما حسبت احسابها !!

ياطير دوبنه ضفالك ريش وابلشت الطيور=وطيور ماشاء الله تجيب الصيد في مخلابها
يابن الحلال احسب حسابك لا تلف ولاتدور=خابرك لقمه للذياب الي تحد انيابها

يا صاح انا كنت احسبنّه ما يجي منكم قصور = وكنت احسب الاقراب دايم ما تسب اقرابها !!
انا يبن ملحق سوات العظم في وسط النحور = مار انتبه والحرب لن قامت تراك اسبابها !!

ياراعي الصفراء عسي مانته بحفار القبور=الله يبارك في الرجال الي تعز انسابها
تبا الحقيقه مالكم غير السلاح الي يثور=ياهل الديار الي حصانيها سوات اذيابها

اسمع يبن ملحق عسى ربي يعديك الشرور = سليت سيف الحرب يوم سيوفكم بجرابها !!
بكره تبا تاكل ذياب الضلع من لحم الجزور = ولا هيب محتاجه لفزعة من تهز اذنابها !!

يالاجودي فيك البلا والله يعلم بالامور=والاوله من حضنا لاكن لاتشقابها
ماعندنا غير الرماح الي نفجبها النحور=بعض السوالف ما وراها خير قفل بابها

لو كنت صادق كان شفنا لك يبن ملحق حضور = يوم العرب للمعركه قامت تحث ركابها !!
من يوم شفت البوم يا نايف مشرّه فالصقور = ايقنت بنه حان للخامه تفك اطنابها !!