يالسعيدي تري بيني وبينك حساب=ادخل المعركه من ضمن فرسانها
قدمك الموت الاحمر والخطر لاتهاب=من بغي المرجله يتعب علي شانها

ليش تكذب عليّه ياعزيز الجناب = انت لاجبت دعوى جيب ضمّانها !!
انت ياذيب تعوي مار تنصى ذياب = كل وزنه نقررها بميزانها !!

تعرف عتيبه الهيلا تحل الصعاب=عزوتن طيبها من طيب جدانها
انت ياطير مدري صقر ولا غراب=ماتطير الطيور الا بجنحانها

والله ونعم بعتيبه حماة الزهاب = ناس تهرج كثير وتفتل اشنابها !!
انت تال الشهر ينزل عليك الشهاب = دايم ام الخلا تلحسك بلسانها !!

انت خابرك لقمه بين ضرس وناب=جره الحضرمي معروف دكانها
بابن الاجواد ميز في الخطا والصواب=وحفظ الحبه الي فوق نيشانها

تذكر ابن فطيس ؟ وكوبجه ؟ والقطاب ؟ = بيت ذكرني الحرّه وشيهانها !!
امل بطنك من الما لين تروى شراب = لين تظهر عروق البطن والوانها !!

يالسعيدي حضور هذيل مثل الغياب=والرساله عساك تعرف عنوانها
كل حجه تراها واضحه في الكتاب=مابنيت البيوت الي بسيسانها

روح مالك ومال هذيل يابو الشباب = اطرد المشكله ولا اقعد وزانها !!
يوم نلزم شعيل ونرسبه بالرّساب = مايهاوز جمال وساع لحيانها !!