مرحبا ترحيبة اهل الطيب في حلة عتابه=ليلةٍ فيها عباريد الغضب تضرم غضبها
النهار اللي تقاضا به ذيابه من ذيابه=جيت ابعرف سرها لو كان معروفٍ سببها

البقا ياللي ترحب وانت رجلٍ وسط لابه=العن الشيطان قبل النار لا تاكل حطبها
النهار اقفاء يابن سالم وشمس اليوم غابه=راح ماضيها عسى ربي يفكك من نشبها

يالعمودي والله انا حصن لا جت للحرابه=تنثني من دوننا الهقوات ما نالت طلبها
والنفوس اللي لها هقوه تسود بوسط غابه=والله التلعن هقاويها وتلعن من جلبها

المشاركة الأصلية كتبت بواسطة نايف بن ملحق الثعلي (المشاركة 941324) الله الله عساكم علي القوه ياشعار

حانت الفرصه شف الحوثيّ قام يسن نابه=والمعارك دايره والموت كم نفسٍ سلبها
وكان عندك ظن تر بعض اللظنون العوج صابه=الذيابه في زمانك جالها ثعلٍ غلبها

يالعمودي لاح نور البرق من بطن السحابه=وكل ناس يا طويل العمر تفخر في نسبها
لو يطول الوقت راع الدار ما ينكر ترابه=ودنا نعرف ضيوف الدار عن باقي عربها

السحاب اللي تشوفه حول اجاء نوخ ركابه=والعرب ياصاحبي من سيلها روت قربها
والمسافه كان طالت واحدٍ ينفذ زهابه=مايفيده لو معه حره بمشعابه شعبها

ضامي الماء يا طويل العمر لو يتبع سرابه=ما روى كبدٍ لهيب الشمس ما يرحم لهبها
الموارد راهيه مع كل ناس وكل لابه=رح لغرب الدار لا سجيت واحطب من حطبها

المعاني والقوافي كانها تنهب نهابه=نتركه لو ان شاعرها طلاها من ذهبها
لا تقول ان القوافي ياعميل الخير شابه=والنجايب خافيه ماكل رجالٍ نجبها

المشاركة الأصلية كتبت بواسطة سعود البرقاوي (المشاركة 941393) ياسلام ياسلام هذا اللعب الهادي والرايق صحت السنتكم