يامنتدى الهيلا ماعيّنت نايف=يذكر من الطايف ليا ادنى الحويّه
انا مورىّ في رفيقي وعايف=اللي منوّل يحتمي كل هيّه

يامنتدي الهيلا عليك الحسايف=وين القضاه الي تحل القضيه
اناتراني في عروس المصايف=وليا دعاء الداعي نجي في شويه

انته تحسف ليه ويش انت شايف=قدّامك اصحاب العزوم القويّه
لا بارك الله فيك بعض الوضايف=صار الخوي معاد يذكر خويّه

تري الليال ايفرقن الولايف=عد الحقيقه وترك العنصريه
في حزت الشدات مانيب خايف=تراء شدادي فوق وسق المطيه

عسى العوض يارجل في اخوك هايف=اقولها من قلب ماهي زريّه
اذهن تعرضها العسر والحتايف=وتقعد لحالك فالديار الخليّه

ياكثركم ياهل السيوف الرهايف=واطلق شنب ماهوب ضاحك عليه
اثرك يالاصعر عديم الوصايف=والله يجيرك من سهوم المنيه

علومنا ياهل العلوم الطرايف=تمشي عليكم صبح ولاّ عشيّه
الحر منزاله بروس النوايف=ماقطّ وقّع حول مقلع طميّه

يالاجودي مارضي عليك الكلايف=وانته عيونك من سهرها شقيه
انته عينت اشعيل وام السفايف=يقلون راحو يم نجد العذيه

خزيت والله يالعين الصنايف=حطيت في قلبك ثلاثين كيّه
ماعرف علوم اهل العلوم الضعايف=عندي علوم اهل الوفاء والحميّه

يالاصعر الاقشر علومك خفايف=لاتحسبنك صرت قايد سريه
ام العبر تضحك بسن وشفايف=لاكن ماتستاهل الشاذليه

المشاركة الأصلية كتبت بواسطة العازمي (المشاركة 941514) الاصعرومطول الغيبه ابو بدر صحت ابدانكم ودام ابداعكم