الزلامي وووو صياف الحربي <<< قديم 2
 

السلام عليكم / محاوره قديمه تجمع إثنين من عمالقة شعر المحاوره يتحدثون عن محاولات جرت تلك الفتره لإلغاء شعر المحاوره ووصفه بألجاهليه والمطالبه بحداثة الشعر من قبل أكاديميين سعوديين يحملون الشهادات العليا في تخصص الأدب العربي<<< كما سمعت من الوالد الله يطول عمره.



الــــــــــــزلامــــــــــي
يا سلامي ها السلام اللي خفيـف ٍ دمّـه=معه جنسية ويبغى لـه جـواز سعـودي
مشكلة صياف صارت بين ابـوه وعمّـه=والسبب ناس ٍ تدق الملـح والبـارودي


الــــــــحــــــربـــــــــي
مرحبا بالشاعر اللي مـا قـدرت آذمّـه=الليالـي مـا تغيّـر والزمـان ايعـودي
الزلامي معه علـم وكـل شـي ايهمّـه=مير لو يزعل تغيّـره الليـال السـودي


الــــــــــــزلامــــــــــي
كيف تدلي بالشهـادة يـا كبيـر الذمّـه=وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه=والعرب فالصيف تعرف عدها المـارودي


الــــــــحــــــربـــــــــي
العلوم اللي تحـط النـاس راس القمّـه=حبلها من يمكم يـا صاحبـي معقـودي
ثوبك اللي ما ينوش الأرض غير ابكمّـه=نزله للجمرة اللي فـوق راس العـودي


الــــــــــــزلامــــــــــي
ودي اكشـف غلطتـك للعالـم الملتمّـه=أنت حربياً تطالبنـي بـورث اجـدودي
يـا محبيـن العقـال ومنكريـن العمّـه=خصمكم في الآخرة عبد الله المسعـودي


الــــــــحــــــربـــــــــي
أنتم رجال الشـرف وعظامكـم منسمّـه=أعبروا ذاك الطريق وحملكـم مشـدودي
أنت ما تدري عن البارود ليـن اتشمّـه=مير لا ترمي بها فالـوادي المسـدودي


الــــــــــــزلامــــــــــي
لوّ يا صياف علمـي تمسكـه وتضمّـه=تاجده مثل العسـل وألا حليـب القـودي
أنت تحسب جدنـا داب يمـوت بسمّـه=مير أنا باذل لنصره طاقتـي وجهـودي


الــــــــحــــــربـــــــــي
يقطع الله ديرة اللي مـا يعـرف الجمّـه=والتجـارة يالعتيبـي بابهـا محـدودي
قبرك اللي في تهامـه بالتـراب اندمّـه=تحفره بالليل الأظلـم والعبـاد رقـودي

سلمت اخوي فهد ويعطيك العافيه

لاهنت على النقل محاوره رائعه


الله يرحم صياف ويطول بعمر الزلامي

ياسلام ياسلام

ابدع الزلامي في صوغ معناه , وأعتبره شاعر المحاورة الأول الله يطول عمره .

وازين شئ انه قال واضعاً عبدالله المسعودي خصيم عن كل الشعراء الشعبيين , ويمثل اعترافه بالمكانه العالية في الشعر للمسعودي رحمه الله , وهذا اعتراف يحسب لأبو جميل

خصمكم في الآخرة عبدالله المسعودي

أشكركم جميعا على المرور المميز
وتقبلوا تحياتي

بيض الله وجهك ياسمي

هذا هي المحاورة اخي ابو تيجان وهذا نفس المعنى اللي ذكرت ان ابو جميل ذكره في لقا ء بقناة فضائيه

تحياتي لك

هنا فيديو :



http://www.youtube.com/watch?v=QNfH0...eature=related

http://www.youtube.com/watch?v=TYefk45kjKs

طاروق رائع جدا


وسبك وحبك فريد


ومعنى واضح جدا أنه في الأديب الحربي




ازهموا لي خلف العارضي يقولون لنا

وش رايه في طريقة سبك المعنى من رشيد

وكيف يرى تركيب الأبيات وجمالها من رشيد الزلامي



لاهنت يا فهد على النقل

.

الله الله على الطاروق ..
ماشاء الله عليهم كلهم ..

توظيف للمعنى بشكل رهيب جداً ..

مشكلة صياف صارت بين ابوه وعمه 100% 100% 100%



الله يرحم صياف ويطول عمر الزلامي ..


ومشكور يا فهد الزلامي .. ولايهون الحنش على مقطع الفيديو ..




.

اجمل ما ترتب على هذه المحاورة مداخله الغالي والعزيز والنادر نادر العش

حياك الله يانادر

وياليت ماتغيب عنا

ترى مابقي احد من الصفه الاوله

وجات صفه جديده


تحياتي

طاروق نادر جدا وكل بيت محاورة

سلمت يمناااااك
محاورة مطلوووووبة
رحم الله صياف
وحفظ رشيد

والأجمل من هذه وجودك يالعفريت ـ صدقني إنكم على البال وإن شاء الله قريباً ستجد مايسرك بإذن الله ـ..

وعندي خبر إن الصفة الأوله مابقي منها إلا قليل ..

والصفة الجديدة فيها خير وبركة ..



.

الله الله ,,

في رأيي المعنى الظاهر بينهم هو ابن تنباك والمعنى المخفي بينهم شئ آخر بعيد كل البعد عن ابن تنباك!

قبرك اللي فـي تهامـه بالتـراب اندمّـه * تحفـره بالليـل الأظلـم والعـبـاد رقــودي

مدري وش بيقول الزلامي لو رد على هالبيت المجرم !!!

الله الله
على هذه المحاورة الشيقه واخبر ان فيه محاوره بين مطلق وصياف حول هذا الموضوع

لاهنت ياناقل هالمحاورة التي فوق الوصف


وهاذي المحاورة التي ازعلت مطلق ومستور على الزلامي


وعفاكم