|
قصتي انا ورفيقي في حراج الغنم بالمدينه وكشفي للحقيقه المرررره
مــــنــــــــــــقــــــــول
والله العظيم يأخوان روحتي كانت صدفة انا وزميل لي في العمل نبي نشتري ذبيحة رمضان الله يبلغناه واياكم وجميع المسلمين ونحطها في المزرعة قبل غلاء الذبايح مشينا وسمنا الذبايح وحنا نسوم لفت انتباهنا احد الاخوة من الجالية المصريه الرجال ملتحي وحرك من مكان لمكان وحنا واقفين سمعناه يقول ابشتري منك الذبيحتين ب40 ريال والبياع يقول لا اخر سعر بمية ريال قلت لصاحبي معقوله فيه ذبايح بها السعر وش ها الذبايح انا اقول ذبايح صغار بس تعال ورفيقي قدامي رايحلهم المهم تقدمنا شويه عند المصري ورفيقه البايع المهم دفع الميه المصري وشال الذبايح صاحبي من النوع الفضولي قال لي والله غير اعرف قصة المصري وذبايحة جلست اتكلم عليه اترك الناس وانا وراي شغل ماني فاضيلك المهم حبه على الخشم وقالي تحملني تابعنا الرجال جاب سيارة مكتوب عليها اسم المصلخ ركب الذبيحتين وراح وتبعناه شويه الا ووقف عند المصلخ ونزل الذبايح الا كل الثنتين ميتات المهم دخل الرجال المصلخ وتبعناه قلت لصاحبي كلهن ميتات قال كلهن قربنا من الذبايح الا والله العظيم ما يتحرك فيهن عرق طلع الرجال الا معه اكياس حط الذبيحتين في الاكياس ودخل المطعم نظرت في رفيقي.. هولحقه وانا جلست برا.... شوي الا يوم رفيقي زهمني بنغمه على جوالي الرجال في المطبخ وحده وكنه شك فينا المطبخ ما فيه غيرنا خرجت وتصلت على الشرطه في ثواني الا والدوريتين محضره عندنا امسكو المصري وقربنا على الذبيحه المصلوخه والله يامسلمين الذي لا اله الاهو ماتشوفون لحمها من الدود منظر مقزز المهم الذبيحه الثانيه اختفت اخفاها انا ورفيقي نحلف غير يطلع الذبيحه الثانيه والمصري يحلف والله مافيه غيرها مسكوه العسكر بكفوف الا تطلع الذبيحه الثانيه مع كل الضرب انكر جات دوريه ثانيه وجلسوا يفتشون المحل فوق تحت في كل مكان وبعد ما داخوا لقوها تحت كنب في احد الغرف وحضرنا بطاقاتنا ووقعنا وجات ملحق للدوريه وتصوير للذبايح والمحل ..واحد من الاخوان الواقفين سمع الكلام تقدم للضابط وقاله والله العظيم قبل يومين جبت للمطبخ هذا ذبيحه شاريها ب900 لضيف عندي يوم جاتني ذبيحتي ماهي هي مره صغيره وانا شاك فيه المهم اعترف اخينا انه امبدله بذبيحه صغيره بدال ذبيحته وطلب الضابط منه يلحقهم ويكملون الحضر في الشرطه .. وتم تغريم العامل وحكموا عليه بالسجن والترحيل النهائي..... هذي قصتي انا ورفيقي وعذروني على الاطاله وعدم ذكر اسم المطبخ مو تستر لاوالله ولكن خوفا من تضرر صاحبه وما ابغى اقطع رزقه منقول للفائدة والحذر |
اعوذ بالله
احلف بالله مايسويها مسلم واسلامه صحيح وبصراحه حنّا ياسعودين فينا نوع من الكسل وعدم الملاحظه ولا الرجال اللي تابع المصري ممكن فـ 1000 تحصل 1 والمفروض يمسكون اللي باع الذبايح ويحطونه معه لاهنت يافهد |
يادافــع البلآء .... والله صدقت مايسويها مسـلم ..، الله يكون ب العون ويستر علينا .
مشكووووووووووور .. كل الشكر اخوي على النقل " الأكـثر " من راـئـع تقبل مروري ,, |
انشهد يادافع البلاا... مصرري زبااله نجسس << حااقد هههه // يرجاال وين رايح المدينه هناا بدمام انا اقول اسم المصلخ اسمه المصلخ الحديث قريب من المعارض صاار له ثلاث مراات نفس القصه ذي
والمشكله .. ماطبقوو انضااام .. يرجاال علق ذبيحتك على مووخر الوايت وامر الله من سعه ابررك لك ولاا هنت على اطررح |
حتى الهند اللي باعه المفروض يحكم عليه مثل حكمه
|
يا الربع انتشر قبل فترة مقطع بلوتوث ناقة ميتة منتفخة ويجي بنقالي يعدي ويقص منها لحمة ويش كبرها وينطلق عاد شف اي مطعم يبا يطبخها ويبيعها على السعوديين ثم ثاني شيء يا الربع السعودية هي مملكة الكبدة في كل مطعم وكل بوفية في السعودية من شرقها إلى غربها ومن جنوبها إلى شمالها والكبده تباع يومياً معقولها كل هالكبدة من وين جت ...؟ |
اشتر ذبيحتك واذبحها ولاتروح لمطبخ اطبخها في بيتك وسلامتكم
|
ياليتهم خلوه ياكلها نيه الملعون
ياحلالاه وراهم بيسفرونه عقب السجن المفروض يطلعوون جنونه ويخلونه عبره الحين اللي مثله يقول الحين احصل فلوس واذا مسكوني يرجعوني الى اهلي وبلدي |
الموضوع الأهم عندي اللحية وأن الرجل ملتحي
يجب الحذر والشكّ أكثر من كل ملتحي أجنبي وعدم الثقة لإن غالبهم يتخذها حيلة ووسيلة لاهنت يابن زهرة على النقل وكان ودّي إن البايع معه |
السلام عليكم ورحمة الله وبركاته
الحقيقة ان الأخ فهد الزهراني من الثقات عندي - هذا ظني فيه- أقولها بلا مجاملة من خلال متابعة مشاركاته فعندما قرأت المقال ووصلت الى هذا الجملة (لفت انتباهنا احد الاخوة من الجالية المصريه الرجال ملتحي) أحسست بريبة عجيبة بعد ذكر كلمة (ملتحي )ليس لتزكية من يربون لحاهم لكن تذكرت أحد الاجتماعات كان هناك من يحكي قصة لا يصدقها حتى الأطفال طبعا البطل فيها ذو لحية والهدف تشويه هذا الفئة من الناس أعود للقصة المفبركة والله والله والله أحسست أن في نهاية القصة سيكتب (منقوووول) لعلمي أنها مفبركة والأخ فهد ثقة فتبادر لذهني أنه سيكتب منقولة والحقيقةأنه أخطأ في نقله عن مجهول مظنة التشوية للملتزمين سواءا من السعوديين أو غيرهم تحيتي للأخ فهد |
اقتباس:
|
اقتباس:
لا تستغرب |
الفساد هذا في كل مكان
لكن الله يكفينا شرهم |
والله ان احسن حل في هالمصري مثل ماقال اخونا يخلونه ياكلها نيه البعيد وترا مشكلتنا فينا الثقه زايده في المطابخ والمطاعم الله يخارجنا منهم حلالاه يازمان اول يوم يسلخ الرجال ذبيحته ويطبخونها اهله آمن وانضف من هالعماله الخونه
شكرا على الموضوع وتقبل مروري |
احس بطني مغصني
انا ما اطلب الا من المطعم وتجيني الذبيحه جاهزه على الصحن لاكن توبه وموضوع اللحيه انا اقول ان اللحيه ديكور والايمان بالقلب تلقى ناس مهوب ملتحين وافضل من اهل اللحى مية مره |
عودة للموضوع
قصيّت القصة على زملاءي في العمل فقالوا لي عن شخص كبير سن من زملاءنا سابقا أعرفه تمام المعرفة الرجال متقاعد وحاط له شبك وحاط فيه (نويقات ) على حدود الوادي خلف سوق الجربوع يقول بعد صلاة الفجر لين صوت السيارة قريبه منه ولا يشوف نور ولا سيارة قعد يتبع الصوت لينها نازله مع الوادي وقدمها شخص يمشي على رجوله وهي تتبعه يحسب أنهم يبي يسرقون شي من الحلال لأن جيرانه دايم يشكون المهم الرجال مسك السواق وطلع عندي والثاني حول فالوادي وهرب والسيارة لقوها محمله من الغنم الموتى والهندي قعد يبكي و يقول لبناني مسئول لبناني مسئول طلع اللبناني هو اللي يرسله ويوزع اللحم على مطعمهم فالرياض المهم الهندي سلموه الشرطة بسيارته ومافيها والشرطة تولت التحقيق والقصة حقيقية 100% والحذر الحذر وسلااااااااااامتكم والمعذرة على اللغة الكشبية :) |
حسبي الله عليهم
اجل الكبود اليوميه مين يجيبونها > يالله الرحمه في بوفيه في الدوادمي حول سوق التمر المهم يبيع كبده دجاج ( اهون ) المهم الناس مفلين فيها والمهم ماكشفها غير رجل بدوي وبلغ عليهم الشرطه وغرموه والحين فتح المحل > توبه ماجيه ولا اجي اي بوفيه الا بوفيتين الخرطوم واللي فالصناعيه شكرا واسف على الاطاله |
"أمانة المدينة" تضبط مطبخاً يقدم الأغنام النافقة والمريضة وجبات للزبائن http://www7.0zz0.com/2011/07/11/12/291601729.jpg] ضبط المراقبون الصحيون في بلدية أحد في المدينة المنورة، مطبخاً بحي الحرس يشتري الأغنام المريضة والنافقة من السوق المركزي للأغنام ويقدمها وجبات للزبائن، حيث يعمل به سبعة من الوافدين من جنسيات عربية، أربعة منهم يعملون من دون شهادات صحية، فيما يعمل الآخرون بلا إقامات. كما تمت مصادرة الأغنام التي ضبطت إضافة إلى مصادرة وإتلاف اللحوم والمواد الغذائية غير الصالحة للاستخدام الآدمي، وإحالة العاملين المضبوطين إلى وحدة ضبط المخالفات البلدية. وأوضح رئيس بلدية أحد المهندس حمزة بن جعفر سبيه أن عملية التفتيش شملت سكناً مجاوراً للمطبخ اتخذه العاملون مسلخاً لذبح الأغنام وتخزين اللحوم والمواد الفاسدة، حيث تم خلال عملية التفتيش ضبط رأسين من الأغنام المريضة التي ذُبحت قبل مداهمة الفريق للموقع، كما تم ضبط 15 ذبيحة موضوعة في الثلاجات داخل سكن العمالة، ومجموعة من الرؤوس والمقادم والدجاج المخزن، مجهولة المصدر. وأشار سبيه إلى تطبيق الغرامات والجزاءات بحق العاملين المخالفين، مؤكداً عدم مراجعة أي شخص مسؤول عن الموقع المشار إليه البلدية. وكشف المهندس سبيه أنه ستطبق على الموقع المشار إليه لائحة الغرامات والجزاءات عن المخالفات البلدية الصادرة بقرار مجلس الوزراء رقم 218 والصادر في 06/ 08/ 1422هـ والتعليمات التنفيذية للائحة منها المادة 2/1/1 التي تنص على غرامة تقدر بألف ريال في حال الذبح في الموقع، المواشي الممنوع ذبحها، كالمريضة. كما بين المهندس سبيه أن المادة 2/1/3 نصت على الذبح في المطابخ الشعبية تقدر غرامتها بـ 1000 ريال أيضاً عن كل عامل، وكذلك العمل من دون ترخيص التي نصت عليه المادة رقم 3/1/1 من 2000 ريال وحتى 10000ريال. وذكر سبيه بأن المادة رقم 1/7/2/1 التي تنص على العمل من دون شهادات صحية للعاملين تغرم الإدارة المخالفة 500 ريال عن كل عامل. وتنص المادة رقم 1/7/2/3 "في حال عدم نظافة العمال تبلغ المخالفة من 300 ريال وحتى 500 ريال عن كل عامل أيضاً". كما نصت المادة رقم 1/7/2/4 على استخدام الموقع للنوم تبدأ غرامتها من 200 ريال وحتى 500 ريال. وجاء في المادة رقم 1/7/2/5 "عدم استخدام الزي الرسمي للمطاعم يغرم الإدارة المخالفة 100 ريال على كل عامل". وعن تدني مستوى النظافة العامة في المحل، جاء بالمادة 1/7/5/1 "يخالف المطعم من 300 ريال وحتى 500 ريال". ونوه المهندس سبيه إلى ضرورة تعاون المواطنين في حال وجود أي ملاحظات أو تجاوزات، بالمبادرة بالاتصال على عمليات الأمانة على مدى 24 ساعة على الرقم 940 لاتخاذ الإجراءات اللازمة بحق المخالف. هذا الخبر من -سبق - يصدق كلام صاحب الموضوع ويشهد له .... http://sabq.org/sabq/user/news.do?section=12&id=2591 و : إذا قالت حذامي فصدقوها *** فإن القول ما قالت حذامي |
| الساعة الآن »11:33 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd