ابيات ضد اصحابها الجميع يشارك
 

الموضوع واضح ابيات ضد اصحابها نتاقضات في البيت او ماشابه



ابدأ انا مع هذا البيت لبن شايق


ترى الخطأ وارد ويمكن واعتقد وادري واظن====== تحمد الله يوم اكلت الخوخ والرمانيه


الشطر الاول فيه تناقضات كثيره


يمكن واعتقد أدري واظن





بيت حبيب العازمي شاعري المفضل

هذا اللي يبا يداوي ضرير العرب واعماه
عيونه كبـار وسـاع والكحـل مـاذره



الضرير هو العمى فكيف اعماه

بيت للشاعر ابن شايق مدري هل هو متعمد ام لا


من السعوديه سلامي ياقطر يابلاد بن ===== ثاني بلادنا الثاني الا مملكتنا الثانيه


ذكر مملكتنا الثانيه هل هي تمريره او انه كرر وتعتبر حشو كلام

سلام تسليمٍ لو ارسلته على السبع البحور...يغوص في قيعانها حتى تذوب أملاحها


للشاعر المبدع الشيخي


الاملاح ذايبه فكيف تذوبها



ورد الشاعر محمد السناني عليه


يا مرحبا بمذوّب الآملاح فالبحر الطهور...يمكن محطات الشعيبه مالكٍ مفتاحها


انها ذايبه فكيف تذوبها




استغرب شي لو قال الشيخي تغوص بدل من يغوص كان فيها ان التسليمه كلها ملح وتعد تحدي




يبقى كلامي اجتهاد قابل جميعه للخطأ

تدري إني أنا بإمكاني اطلع في البيت المشهور المتداول الذي ينسب لبن عدوان الذي نال إعجاب الجميع تناقض !! :)

البارحه يوم الخلايق نياما

البارحه , معنى البارحه هي اليله السابقه وهي لاتطلق الا على اليل , أما يوم المعروف عندنا إنها لاتطلق الا على النهار :)

لاكن للأمانه المعروف عندنا إن نطلق كلمة يوم على وقت محدد صار فيه شيء معين سواءً في ليل أو نهار مثل سويت كذا يوم إن صار كذا

__

حبيّب العازمي تقدر تقول إنه لاكن وصل الفكره الذي يبغاها


الشاعر الكبير العلم بن جدلان يقول وهو يقصد النساء (لو ولدن مع مناخرها وأذانيها)

في البدايه تكلم بصيغة الجمع ثم قال مناخرها و ... هاذي مفرد يعني تحس إن فيه تناقض

لاكن وصّل الفكره وزي ماتلاحظ البيت كان بيت مدح قوي لايعيبه التناقض

في ذمتي ما يجبن النسا امثاله ,,, لو ولدن مع مناخرها واذانيها

الله يسعدك نقاشك ممتع لا تحمسني ادور في امرؤ القيس ههههههههههه


من قالك ان اليوم فقط على النهار لا قد يطلق على الليل والنهار



وبعد في اللهجه العاميه يوم يراد منها وقت



تقول وش عندك يوم تنشب لي يعني وقت تنشب لي

بالعكس اخ عزيز




انا قلت لك في اللغه العربيه تاتي بمعنيين النهار وحده والنهار والليل صح



طيب اجل وش تقول في حديث النبي صلى الله عليه وسلم عن الدجال


حين قال في مكث الدجال ((أربعون يوما يوم كسنة و يوم كشهر و يوم كجمعة و سائر أيامه كأيامكم))



يعني يوم كسنه بس في النهار وفي الليل تمر ساعات بسرعه على حد قولك اجب ولا تتهرب



آخرتها انا وياك بالمستقله

انا قلت لك في اللغه العربيه تاتي بمعنيين النهار وحده والنهار والليل صح :)

الحين ارقد على راحتي



قل اشهد ان لا إله إلا الله وأن محمدا رسول الله

إدخل القاموس في الرابط هذا وإبحث عن كلمة يوم وشف وش يطلع لك ياولد روق :)

http://www.baheth.info/all.jsp?term=يوم

(اليَوْمُ: معروفٌ مِقدارُه من طلوع الشمس إِلى غروبها، والجمع أَيّامٌ،)

هههههههههههههههه


والله الاستقعاد



جاوبني عن حديث النبي صلى عليه وسلم قبل كل شي


وبعدها ادخل القاموس

يا عبدالمجيد لو اتعبت حالك قليلا بالقاموس الذي اتيت به كان شاهدت بأم عينك




وفي حديث عبد المَلِك: قال للحجاج سِرْ إِلى العِراق غِرارَ النوم طويل اليوم؛ يقال ذلك لِمَنْ جَدَّ في عَملِه يومَه، وقد يُرادُ باليوم الوقتُ مطلقاً؛ ومنه الحديث: تلك أَيّامُ الهَرْج أَي وقتُه، ولا يختص بالنهارِ دون الليل










واياك اياك والتدليس

والله وأنا أخوك حنا طلعنا عن الموضوع وبدال مايكون عن المحاورات راح كل يوم وليله ... << يحاول يتخارج :)

__

أنا اللي إستفدته الله يطول بعمرك بأن كلمة يوم تطلق على النهار فقط كما وضح القاموس في البدايه لاكن من باب الإختصار في الحديث تطلق على اليل أيضاً

__

بشرني إقتنعت :)

هههههههههه سبقتني يابو فايح اول ماشفت الموضوع ويطري على بالي هالبيت

سباق للطيب

زيد العضيله له بيت ماني ضابطه بالضبط لكن يقول



ماني على طقة البيبان محدود + الوجيه القبيحه ماحدن يرحبها

بلادنا الثاني !!!؟؟


ماتجي بالعربي

لو قال بلدنا الثاني لكن بلادنا الثاني ! :confused: غريبه

ربما نوسع الدائره قليلا ونكتب الابيات التي فيها اخطاء اما شرعية او لغوية...

فيه بيت سمعته قبل فترة للعلم رشيد الزلامي مع القرقاح فيه تجاوز خطير من ناحية الدين حسب رأيي

يقول في شطر بيت مخاطبا القحاطين...

......................... خصصوا يوم لعتيبة وصلوا لها

يمكن بلدنا وسوء النقل مني لانه يمد في الكلام ابن شايق

والله محد من العرب قاله قبلك من باب الاختصار



خاف الله في نفسك كلام النبي وش تقول فيه لا تعاند من اجل يكون كلامك صحيح

انا نسخت كلام من القاموس اللي انت جايبه ومع ذلك تعاند

هذي مالها طب هههههههههه



لاهنت على المشاركه

لاهنت يابن روق وكل الشعراء يخطون اولهم وتاليهم

للأمانه

اضحكني احد التعليقات .. والله يعين الناس

حتى بالفصحى تأتي بمعنى وقت ولها معاني كثير ه شاهد القاموس وسوف تقتنع

لاهنت يالذيب

هلا حياك الله

هههههههههههههههههههههه



بيت مدري شلون قاله



شكرا لك

اكيد كثير من الشعار هذي مشكلتهم الجهل


تسجد تركع والخ



لاهنت يالذيب

المعنى في بطن الشاعر




:)

صدقت يجوز للشاعر يقول صلوا واسجدو لنا كله المعنى ببطن الشاعر على حد قولك

ويجوز انك حادر لك شعيب ولافهمت الشاعر زين ..!!

علمني انت اللي فهمته بما اني حادر في شعيب


يعني اي كلام محالف لدين جبه في بيت شعري وقل اللي تبي تقوله

انا ماني شاعر ...

لكن الصحيح يقال ان المعنى في بطن الشاعر

يمكن انك تفهمه غلط !

ويمكن انك تفهمه صح !

بيت للشاعر ابن شايق


قم ياسفر سافر معي للمغرب===== عندي سفينه لازم (ن) تركبها

لااعلم هل الموضوع مخصص لابن شايق ام ماذا
هذا البيت موجة لتركي في حفلة قطر
تركبية عجيبة من ابن شايق
ربما التناقضات لديك

تركي الفين


انا اشوف لي صوت ٍ كما صوت رعاد....... ابى اوصفه لكن ما اعرف وصوفه

انت مستغرب كيف يشوف الصوت





لاهنت بالغالي

ههههههههههههههههههههههههههه


فيه مثل يقووول من كثر كلامه كثرة سقطاته !!

خصصوا يوم لعتيبه وصلو لها

ابوجميل شاعر خطير جدا واعتقد ان معناه ادا كان الي في بالي انكم مافهمتوه

ترى الكلام هنا ماهو عن المعنى عن الأخطاء اللفظية الفادحة ((اللي بعضها يخرج من الدين))
وإلا حنا عارفين وش يقصدون بس خانهم التعبير