عمود نسب قبيلة هوازن وفروعها
 

أباء سعد بن بكر 4

هما :

- ثابت
- ميمون
- ناصر
- روق

مادام تقول انها مذكوره في حجج ووثائق ياليت تطلعنا عليها او تفيدنا اكثر لأن الكلام اللي تقوله يدل على ان عيال منصور عاشو قبل الإسلام بمئات السنين لان بني سعد بن بكر كانت قبيله قبل الإسلام فما بالك بمنصور بن عامر الذي وضعته جد من اجداد بني سعد

وماهو ردك على من يقول بأن عيال منصور من بني جشم وليسو من بني سعد !!

الله يعطيك العافيه على الطرح ولاهنت يالشيباني

لاكن وانا اخوك متى عاش سعد بن حجاج حقك هذه؟؟؟؟؟

وبعدين وانا اخوك ترااء عتيبه كلها من بني سعد وهذه هو المعروف لاكن هالحين بدو ناس يبون يسحبون انفسهم من هذه النسب أسباب انا وانت نعرفها وتراء ما في أي شي يثبت جشمية عيال منصور ومعروفه قصة العصيمي اللي في عهد الشريف الماضي القريب اللي راح له يبا يحط نسبه في بني جشم ورد الشريف لأن ماعنده أي شي يثبت هذه الكلام


واما عن رفيق الطيب فهو يقول هم ابناء ثابت ما قال جد بني سعد وثابت من بني سعد((مع إني ضده في هذي المعلومه لأن مافي أي شي يثبت هذه الكلام مع إحتامي للجميع))

وابا اعطيك علم تراء وانا اخويك يالشيباني منول في عهد الاتراك كانو يكتبون أي كلام للمعلوميه بس وماهم بعرب وكل اللي يسوونه حجج للصلح ولاللبيع ومايدققون في ناحيت النسب وكتباتهم نصها خرابيط وانا اخوك ولا لو إنك قاري فالتاريخ زين لعرفت هذه الشي

وحبيت أضيف وقدان قبيلة متنبي عتيبه أو متني الحجاز الثاني الوقادين قبيله جاهليله وللمعلوميه بس تراء شبهه الجزيره مره بئوقات جهل مايعلم بها إلا الله عشان كذا تشوف التخبط من الكثيرين



وأكرر شكري ويعطيك العافيه

ياهلابك ياخوي سعدي تصدق بالله وانا اخوك من قبل لا ادخل النت مااعرف الا شئ واحد ان عتيبه من بني سعد

لاكن بعد دخولي للإنترنت اكتشفت انساب غريبه ماوراها الا التشتيت الذهني واخرها كما تعلم النسب الجديد اللي يقول عتيبه من كنانه

حنا بلانا منا وفينا وهذي تحسب للإداره الكريمه اللي اعطت الفرصه للجميع بالتطرق لنسب قبيلة عتيبه

خلاص نسب عتيبه معروف من هوازن وهم ورثة هوازن كما ذكره العلماء اما الدخول في التفاصيل المفروض يمنع

بالنسبه لسعد بن حجاج هذا مذكور في وثائق النفعه اما كيف صار جد لجميع عتيبه الله اعلم لا تسألني شفت رفيق الطيب ذكر بعض الاسماء قلت لعله يقصد سعد بن حجاج

تعجبني صرااحتك ياولد العم وهذه يعتبر مئشر إجابي لأنك ماسويت مثل بعض العرب اللي هاللحين صارو ينكرون بني سعد ولقفو مروث من روسهم وقال هذه مورثنا معن والله مافي عتيبي ورث إنه من بني جشم إلا الجيل التالي هذه وسبب هذه الشي بعض كتاب عتيبه هداهم الله مثل ((مناحي القثامي)) واللي أصدر كتب ويزعم فيها إن القثمه فقط((هم بني جشم))ويزعم إنها تغيرت من جشم لقثم مع مرور الوقت واخطائه في كتب كثيره وأقرب شي ينكر قوله هذه حنا نعرف من المورث ومن كل المصادر إن قبايل برقا كلهم أبناء رجل واحد وهذه يبطل قول الدكتور مناحي القثامي

والقسم الثااني اللي صار يبا يتبراء من بني سعد :اللي أثر عليهم القداحي هداه الله وصدقو ماقال من جهلهم وقالو بس مالنا إلا ننحاش عن بني سعد عشان لانكون من كنانه معن ((القداح ردو عليهم كثرين من نسابة عتيبه ردود قويه وبالأدله وأقربهم ولد عمك فالح الشيباني) وقد أتفقو على ما جاء به فالح الشيباني كثير من الدكاتره والمثقفين ورده قوي وملجم وأنصحك بقرايته لأن كثير مدحوه وإنشاء الله يبا يفيدك


والقسم الثالث اللي يبا يتبراء من بني سعد:من أوهمتهم الخرفات والبطولات وشهرة تلك الفروع اللي معضمها مبالغات وخرفات فعجبو بها وقالو خلنا نصير منهم دامهم من روس هوازن مثل:الباحث (هنديس الروقي)هداه الله اللي سمع ببعض خرفات بني هلال وقرر أن يجعل عتيبه منهم بئيت طريقه معن أي واحد قاري فالتاريخ يعرف إن بني هلال لم يبقاء منهم أحد في شبه الجزيره العربيه لاكن حبه لهم دفعه لي إختلاق نسب موصل لهم


واما عن كنانه:وأنا أخوك الشي اللي لابد أن تعرف إن في ذاك الوقت في وقت العثمانين كان ماكنو يتكلمون اللغه العربيه بطلاقه ولا يعرفون يكتبون فيها زين بعد وانا يعلمني رجال ثقه شرواك ويقول والله لقيت وثيقه لأحد الأخشاص من أحد القبايل العريقه يقول مذكور فيها فلان إبن فلان إبن فلان وأسم أب لقبيله جاهليه يعني زي إسم بكر وحاطه قبيله ثم إسم قبيلته ثم إسم القبيله الجاهليه جايب الأول ثم الأخير ثم الوسط وأخطاء كثيره في كتاباتهم يعني مثل الخطاء الي في وثيقة النفعه بدل هوازن :صارت هوازم ) معني ماني متئكد من اللي ذكر فالوثيقه لأن كما تعلم يا أخوي إن قبايل شبه الجزيره نسبهم عليه غموض بسبب جهلهم وعدم تدوين انسابهم ماعدا الأشراف بعكس قبايل اليمن وغيرها اللي كانو اهل علم ويدونون كل شي ولو ترجع وانا أخوك لكل كتب الانساب ذكرت بئن بني سعد من هوازن وكل كتب الأنساب ذكرت هذه الشي وهذه ثابت عند جميع النسابه ماعدا القداح اللي قراء بحث الدكتور عياد الثبيتي وفهمه غلط وغير فيه كم كلمه وغير مضمونه ومشكلة بعض شباب جيل ألفين يبغاك تذكر له نسبك من أسمك لين جدك اجاهلي من دون لاتنقطع وهذه شي مستحيل وحتى لو تروح لكل القبايل محد يستطيع يذكرلك إسمه لين جده الجاهلي غير الأشراف فقط وحتى لو تروح لبعض القبايل اللي محافها على إسمها الجاهلي مثل هذيل وتقول لأي واحد عطني تسلسل أي قبيله حديثه فيهم من غير لايقطع ولاجد أتحداك يعني مثال الماطرفه عندك هذالان لاكن هل يستطيعون أن يعدو من جدهم مطرف إلين يوصلون إلا هذيل؟ مايقدر لاكن معروف إنهم هذالان أصل وفصل لاكن وانا اخوك محد يقدر يعد هذه الشي لان جدنا كلهم بدو جهله إميين مادون لنا شي كيف تبنا نجيب تسلسلنا من غير لا نقطع أو ننسا جدان؟؟؟؟وبعدين في عتيبه قبايل جاهليه مثل وقدان والذويبات وهذه يبطل كنانة عتيبه

ولا يغرك وانا أخوك بعض ما تقراه من بعض الاخوان هداهم اللي ملفقين قصايد ويزعمون إنها من المورث ومحولاتهم البائسه في الدخول في نسب ماهم منه

وفالأخير وانا والله إنك صادق حنا نكبونا نسابة جيل ألفين اللي قرا كم كلمة وجا يتفلفس على روسنا وهو ماهو داري وين ربي حاطه وأسمع وانا اخوك لاحد يغيرك عن اللي تسمعه من شيبانك لأن الشيبان ما يكذبون ويقولون الصدق (((عتيبه كلها من بني سعد))) معدا خامس وااحد من ثقيف

وهذي رساله لكل من يبحث عن الأمجاد بئصطناع نسب جديد لتزيد مفاخره ويصبح من روس هوازن ((تراء روس هوازن إلا الأن ماحفضين عى إسمهم وهم ثقيف

<<<داري مسكتك خط الرياض لاكن أيم سوري <<<متحمس ولاحد يضحك عليك يولد العم من الناس اللي تبا تفرق عتيبه وتحطهم أحلا هوازنيه

بيض الله وجهك ولاهنت على الرد الوافي

صحيح كلامك

لكن الروسان يعودون في المراوحة من الثبتة

أشكرك

الله يسلمك وهذه واجب ياولد العم واما عن العلم يجيك فالخاص تقديري وإحترامي

الله يعطيك العافيه على الرد ولايهينك لاكن إن بغيت الصدق أول مره أسمع إن برقا وروق يرجعون فالثبته فالنت ولم أسمعها خارجه معني ثبيتي لاكن نشدت كم شايب قالو خش فالروقه وفي برقاء ناس من الثبته بسب الدم ومو كلهم وعلمني واحد بحدايه حدوها الثبته على أحد قبايل برقا في أحد المشاكل اللي صارت بينهم وتطروقو لهذه الموضوع بس للأسف ماحفضتها المهم اللي سمعته خشو ناس فيهم منا لاكن هم ماهم منا فالأصل لاكن اللي اعرفه من يومي ومتئكد منه إن كل عتيبه ترجع لبني سعد كيف مدري المهم بني سعد الساس وكما يقول الشاعر

((حنا بني سعد عمى عين الحفيف ...رحاء عتيبه يوم كلن له رحاء))


ويا أخوي إن كانك من حقين بني سعد الله لايهينك أنا منزل موضوع إسمه إستفسار عن تاريخ بني سعد وفيه قصيده ياليت لو تتطلع على الموضوع وتفيدنا بما تعرف إذا ماعلك امر

أخواني ظياغم الهيلاممتاز ما قرات وبالمناسبة يسعدني أن أوضح كما تعلمون بأن الأنساب مقدسه ولا يجوزالطعن فيها أوالقدح تسيرا ً لهوى النفس (بما تحويه هالكلمه من معاني)0
وتقبلوا جل إحترامي

مساكم الله بالخير جميعا ، عندي تعليق على الاقتباس أدناهـ . : ـ



اخوي راعي حميا استدللت في جميع كلامك بأقوال شعراء ومحاورات قلطة متأخرة لا تعنينا في الموضوع كثيرا ، لكن وبغض النظر عن كل هذا
أحب أن أنبهك أنك عندما تنقل قولا عن أي كائن كان فيجب عليك أن تنقل كلامه بأمانة
أو تسكت ( اعذرني على هالكلمة ) ماراح يضيرك شي اذا سكت !


الكلام اللي نقلته انت عن ابن دخين ونقلك له وانتزاعه من سياقه بهذه الطريقة فيه تدليس

يعني لو أتيت به هكذا في رسالة علمية ( ماجستير . . دكتوراه . . ) لأخذت درجة راسب مع مرتبة الشرف !

وعلى إحسان الظن بك نقول حماس وتسرع وافق قناعات مسبقة عندكـ

ابن دخين قال - فيما نقل عنه المرشدي - في أول كلامه :

(( وابناؤه ثلاثة [أي أبناء سعد] وقيل خمسة ، وهم : ثابت ، وناصر ، وميمون ، وهناك من يضيف روقاً ومنصور ))

ثم نقل المرشدي كلامه في تقسيم روق ومنصور على اعتبار القول الآخر المضطرب

وهذا من أمانة ابن دخين رحمه الله ومن ذكاءه أيضا فهو نقل الأقوال بأمانة _ لا كما فعلت أنت _ ومع ذلك أعطانا الخلاصة وهو أن أبناء سعد ثلاثة ثابت وناصر وميمون ، ثم ذكر أن بعضهم يضيف روق ومنصور ، لاحظ بعضهم يعني ماهو كلام ابن دخين ، فلا تتقول على ابن دخين بما لايقله عفا الله عنكـ


تحياتي للجميع

شكرا لك أخوي سرحان على الموضوع الجميل

أخوي راعي حمياء (أول شي الله يعطيك العافيه على التفاعل وبيض الله وجهك ولاهنت وشاكر ومقدر لك نقاشك وما أتيت به من معلومات وقصايد ولي على بعضها ملاحضات لعلي أفيدك بها وحنا هنيه في نقاش وإختلاف وجهات النضر لايفسد للود قضيه)ووجهك أبيض وانا اخوك




يقول الشاعر (بديوي الوقداني ) والمولود عام 1244هـ :

عتيبة جناح الصقر وثبيت هامته
ولا يستوي صـقـر بـغــير جـناح


ياأخوي هذه البيت لبدوي الوقداني رحمة الله عليه ماله صلاح بالنسب ومعنااه وااضح القصيده إفتخار بعتيبه ويبين مكانة ثبيت بين القبايل ولا أود أن أتكلم فالبيت أكثر عشان لاحد يقول عنصري أو مهايطي وما نقول إلا ونعم في عتيبه كلهم وعتيبه كلها روس



يقول خلف بن هذال ( ولا ياثبيتي ويا ساس بيتي )

واما عن قول خلف بن هذال هذه فهو من وجهة نضري ماله صلاح بالنسب بل إفتخار ومدح بشيوخ روق الثبتان وخلف شاعر معاصر وانا أعرف من المورث مثل نسمعه من الشيبان وهو أقدم من قول خلف بن هذال بكثير وقالولها الثبته وبعض العتبان القدماء وتطرو له في بعض الحداء والمحروات والرديات القديمه لاكن لدي وجهة نضر في هذي المقوله ولا ودي أقولها إلا إن كان تبها على الخاص ماعندي مشكله



واما عن الشيخ عبدالله إبن دخين رحمة الله عليه فونا أخوك والله أقدر احلف إن النااااس قولوٌه اللي ماقاله ولو إنه حي لتبرى من أقولهم وانا ما أقصدك انت لا والله حشى لاكني قريت كثير في بعض المنتديات كلام والله ما يقوله أي واحد من ((سكان بني سعد)) فما بالك (بشيخ ونسابه ) لذا وانا أخوك مو كل شي نقراه فالمنتديات عن الشيخ رحمة الله عليه تصدقه إلا إن كان (سامع هذه الكلام أنت بئذنك فهذه شي ثاني) أو من واحد تعرفه معرفه خاصه وتثق فيه



بعدين تعال نبا نتكلم بالعقل والمنطق وانا اخوك :هاللحين قبايل برقا هم(القثمه:والشيابين:والدعاجين والدغالبه:والعصمه)يعني بالله لو فكرنا بالعقل معقوله تكون هذي القبايل كلهم من الثبته وحنا لو نعد العصمه بس مشاء الله عليهم يطلع عددهم أكثر من الثبته كاافه؟؟؟ يعني معقوله يكنون منا هذولي كلهم والعصمه ((بس))فالعدد أكثر منا؟؟؟؟؟؟؟؟ ومعقوله يكنون هذولي كلهم منا وماندري إلا فالنت؟؟؟؟؟يعني لو تجي حنا فالسيل بعدنا على طول القثمه معقوله ماندري إنهم منا وحنا ندري إن الروسان والثبتان وبعض قبايل نجد يرجعون منا؟؟؟؟؟؟يعني عان البعيد فالديار نعرف إنهم منا القربين منا فالديار ماندري إنهم ؟؟؟؟؟ومعقوله إن قبايل برقا كلهم مايدرون إنهم منا؟؟؟؟؟؟؟؟؟معدا كم واحد اللي يقول هذه الكلام؟؟؟؟؟؟؟؟؟؟؟؟؟؟؟؟يعني نفكر بالمنطق شوي


وللمعلوميه والله إني نشدت بعض الشيبان ومنهم ((الشااعر الكبير منيع الله منيع الثبيتي :وقلت ياجد (إحترامن لكبر سنه) أنا سمعت من واحد إن القثمه و.....إلخ هذولي ما قلت له قبايل برقا بل حددتهم المهم قالي في بعضهم منا خشو فيهم بسب ثار ودم في مامضى وعلمني بهوشه صارت قديم بين الثبته وبين قبيله إخراء المهم وقام علمني بحداية الثبته اللي قالوها لذيك القبيله وعلى ما اعتقد كانت الحدايه لشاعر مريسن الدراجي أحد شعار الدراريج القدماء وعلمني بالرد وتطرقو فالحدايه لصلت الدم بنيهم لاكن وقتها يوم يعلمني كنا فالموتر ماشين أخذته من عند محطتة البهيته ووديته يم بيتهم ووقتها مكان معي احد وماعندي جوال عشان أسجل وماكانت مهتم بالحيل بهذي القصه لأن كان في راسي علم ثاني أبا أعرفه ويوم نزلته قام يعزمني بس انا كنت مواصل أكثر من يوم وابا احول مكه عشان انخمد وتعذرت منه ومشيت معن والله ودي بالجلسه عشان ابا اخذمنه علوم وااجد لاكن السهر لعب فيه :ومنيع الله الله يطول بعمره روايه معروف فالسيل وكل اللييعرفونه يشهدون له بهذه الشي (ونشدت بعد الشاعر مزروق بن دلبح الله يطول بعمره وعطاني نفس الإجابه )



ونفس الكلام ينطبق على الروقه




يا اخوي والله كلام كثير أزريت أفهمه ولا يخش العقل (والشي اللي أنا متئكد منه إن برقا وروق من بني سعد من هوازن )وفيهم فروع منا حنا يالثبته


وانا إنشاء القى درب على نساابة ثبتة بني سعد وألقى كل ما أريد من معلومات عن الثبته من أنساب وغيره وإنشاء الله قريب يكون هذه العلم لأني موصي واحدن يعرف له قساوره من حقين بني سعد ويبا ينشدهم عن النسابه حربي القسوري ولا جابو لنا العلم والله أراد رحنا عنده لأن هذه الشي يهمني كثيراً




وأكرر شكري لك اخي لتفاعلك معي وبارك الله فيك

الاخ إبن ثابت الهوازني يعطيك العاافيه على المشاركه ولاهنت لاكن وانا اخوك هد اللعب شوي وأحسن الضن في أبناء عمومتك

خلاص يا أخوان ماصار إلا كل خير وتعوذو من إبليس


وكتبت رد ان اتمنى انك تعقب عليه إذا شفت فيه ملاحضات

مافكينا الموضوع إلا لمعرفة الحقيقيه وللإستفاده من بعض البعض

أخوي سعدي هوازني

أبيض وجه والنقاش معك جميل وتلقائي ويسعدني بكل صراحة ,


شهاده أعتز فيها وأنا أخوك






أنت جبت خلاصة الموضوع :


اقتباس:
المشاركة الأصلية كتبت بواسطة سعدي هوازني
يا اخوي والله كلام كثير أزريت أفهمه ولا يخش العقل (والشي اللي أنا متئكد منه إن برقا وروق من بني سعد من هوازن )وفيهم فروع منا حنا يالثبته


وأنا معك فيما قلت لكن الرأي الذي يقول أن ثبيت مرجع
لكثير من قبائل عتيبة هل هو موجود ودارج أم
( دلسته وانتزعته ) أنا ووضعته هنا ؟




محشووووم وانا أخوك ((وخل صدرك وسيع على عيال عمك)) ولا تاخذ الأمور إنه قاصدك


لاكن اللي أنا أقصده إن فيهم من هم منا (((ولاكن موب كلهم منا ))))فهمت علي يعني الروقي والبرقاوي ماهم ثبته لاكن اللي خش فيهم (((هم الثبته)))

ولعلمك حنا عندنا أشياء موروثه أسمعها وأنا ورع ومن أشهرها ((((إن اللي مايثبت..............)))) وحتى قالوها ناس ماهم بثبته


وهذه المثل مخلي كثرين يعتقدون بئن كل العتبان من الثبته لأنهم مافهمو المعنى الحقيقي لهذه المثل
وليش إنقال وحسبوه إنه إنقال عشان النسب معن لو تروح هاللحين وتنشد أي شايب من الثبته وتقوله هل الروقه والبرقاويه ثبته ؟؟؟ والله ليقولك على طول ((((((((((((((لا)))))))))))))




هذه اللي حبيت أفيدك به يا إبن العم




أكرر شكري لك يا ابن العم

أخوك / البراق الثبيتي
ويقولون إن جدي كانت زهبته تبرق


والله ونعم مليوووووووووووووووووووووون بولد العم والله إني كنت حاس إنك برااق والله

لاكن تعال إن ماعليك أمر أنت من أيت البراريق حقين القديره ولا من البراريق اللي حالفو اللصه؟؟؟

الله يستر عليك يا بن عمي أنا ذكرت في المشاركة إني محسن الظن فيه ، وبعدين ياخوي هذا منتدى ماهوب شات سوالف عشان تقول هد اللعب ! اللي يبي يجيب كلام وينسخه هنا بدون ما يعي عواقبه ثم يزعل إذا أحد رد عليه ماعلينا منه وانا اخوك ، أيقونه الخروج تاسع مية عضو

زين يالجبل :)

والمرة الجاية اقرا الكلام اللي تنسخه قبل تلصقه هنا

موضوع جميل عن قبيله مضريه عربيه عريقه اشكرك اخي.

طيب يا بن العم أنت تكلم معه بهداوه وروقان وبالعقل عشان هو بعد يعرف إنه مخطي في ما قال وتبين له الحقيقيه اللي أنت تعرفها وكذا يستمر النقاش لأن لو إستمريت معه بنقااش على هذا الشكل ماراح يقتنع باللي تقوله ولا راح يقتنع غيره بعد فالشي المفيد من الموضوع إنك تعطيه معلومه تقعد طول عمرها في ذهنه ويضلي حتى لو أتى من قال هذه الكلام بكرة النهار هو يبين له الحقيقيه واما عن قولك إنا في منتدى فيبن العم تراااه ما طعن في نسب أحد من القبيله ورده في قبيله ثااانيه ولا حاول يشكك في أنسبنا عشاان نرد عليه رد قاااسي هو قال شي إنتشر فالنت وإمكن من حتى من بعض موروثنا في بعض الناس تعتقد من موروثنا اللي نسمعه من الشيبان إن كل قبايل عتيبه منا وهذه كله لأنه يجهل ليش جاء الموروث كه معن لو تنشد أي شايب عن الكلام اللي يقال فالنت إن برق وروق ثبته لأ أنكره لك على طول لاكن المشكله وانا أخوك من بعض من يكتبون فالمنتديات من صغار السن اللي يقولون الناس مالم يقولون وفيه موضوع بعد نزل البارح عن إبن دخين وانا أقدر أحلف إن إبن دخين بري منه وراح أرد على الموضوع وابين الأخطاء اللي فيه

واما عن سؤال سرحان فهو صحيح إن ثابن ماهو بولد سعد بن بكر على طول لاكن ثابت من الجدود القدمين وإلا الأن ما أقدر حدد هو ولد من بالتحديد لأن كما تعلم أو كما يعلم كل مطلع بالأنساب إن بني سعد محد فصل في نسبهم وعلومهم زي بعض القبايل لأن بني سعد مكان فيه شعار مشهورين و....إلخ



هذه بكل إختصار والله يعطيك العافيه على نقاااشك ووسع صدرك تراء الدنياء ماتسوى أكرر شكري

راعي حميه الله لايهينك وسع صدرك انت بعد وياليت تشرفنا وتفيدنا في موضوعي بعنوان((المريعاني من أيت الثبته))وتفيدنا إن كان تعرف شي إذا ماعليك أمر

وتئكد إن مو كل ما ينقال عن الشيخ عبدالله الدخين الله يرحمه صدق


أخوك ومحبك فالله:

إبن العم إبن ثابت الهوازني الله يعطيك العاافيه ولاهنت ولاكن وانا أخوك مافي شي يؤكد إن ثابت ورايق أخوان ولافي شي يؤكد إن (((سعد بن حجاج )))هو من سمو على إسمه بني سعد لان بني سعد محتفضين بئسمهم الجاهلي بني سعد من بكر من هوازن لأن فيه قبايل من بني سعد جاهليه وهذه الشي يبعد القول بئن سعد ين حجاج جد لكاافة عتيبه ولانقدر نحدد في أيت جد يلتقون غير القول إن كلهم ابناء سعد بن بكر بن هوازن لان وانا اخوك الجزيره العربيه ماكان فيه أهل علم يوثقون أنساب القبايل توثيق دقيق لذا ما نقدر نحدد



تقديري وإحترامي




أخوووك

ودي ادلو بدلوي معكم

بالنسبة لنسب الحصيني حتى شباب يعتبر نسب طويل جدا وله خط واتجاه واحد وهناك سقط في الاسماء في نسب الحصيني

بينما تسلسل نسب أحفاد سعد بن بكر بن هوازن له خط واتجاه اخر ولا يلتقي البتة مع تسلسل نسب الحصيني او قل حجة الديرة والمذكور فيها نسب الطفحة والنفعة ، نجد الفرق شاسع وكبير جدا جدا اغلب الاسماء في حجة الديرة جاهلية وعلى ضوء ذلك من الصعب ربط حجة الديرة بنسب سعد بن بكر حيث نجد شباب معاصر لسعد بن بكر والدليل على ذلك لدي اطلاع بتسلسل رجل من الطفحة شفتها بعيني في حجج لديهم يتسلسل نسبة حتى طفيح وحينما قارنتها بالعدد مع نسب سعد بن بكر وجدت شباب يلتقي مع سعد بن بكر

هذا كل ما عندي والله اعلم

بيض الله وجيهكم على المعلومات الطيبه

في الاخير ومن خلال اطلاعي الواسع في نسب عتيبة خلصت لأمر واحد وهو ان البطنين بشقيها الطفيحي والنفيعي لا يلتقون في سعد بن بكر بن هوازن

لدي حقائق واقعية عن نسب عتيبة بعيد عن الكنانية حتى لايخرج أحدهم ويتهمني بالكنانية ولعل الأيام القادمة إن كتب الله لنا عمر وسنحت الفرصة اذكرها لكم

ابن حطيم بارك الله فيك ياخوي

الكلام اللي ذكرته أنا ليس له علاقة بالتقاء نسب الطفحة مع الثبتة ( هذا موضوع الثاني )

أما السقط في تسلسل الأجداد ، وش الديل عليه ياليت تفيدنا . ؟