|
إستفسار عن تاريخ بني سعد؟؟؟
السلام عليكم ورحمة الله وبركاته :يا أخوي زي ماتعرفون تاريخ عتبان الحجاز أكثره مغيب خاصه أهل بني سعد جنوب الطايف وهذه بسب تحضر الناس والسبب الثاني عشان أكثر اللي يخشون المنتديات من بني سعد هو المتغربين وأقصد بالمتغربين يعني اللي ماهم ساكنين في ديارهم وماحولهم شيبان أو إمكن إنهم ما يهتوم بهذه الشي المهم نزلت الموضوع هذه وأتمنى من المؤخرين وكل من لديه الخبره يفيدنا به عن جيمع معارك عتبان بني سعد اللي جنوب الطايف سواء مع القبايل الثانيه ولا مع الحكام ولا غارتهم وكل شي متعلق بهم وعن معاركه فالبدايه ضد جيش الملك عبدالعزيز الله يرحمه وعن فرسانهم اللي ماتو فالحروب وشيوخهم المشاهير في مامضى وشعارئهم وكل ما تقدرون تفيدونا به عن اهل بني سعد
يقوله من تَهَيّض بالجواب.......... محار يفٍ على معنى وباب كما خط القلم جوف الكتاب....... ليا مني هجيته من لساني ألا يامن يودي لي جواب ..........على وَسقْ العديد من الركاب لياَّ عند الرجال أهل الحَزَاب....... سواة الرمح مركوز السنا ني وهو راعي لغب (سعد الرفيق)....... منازلهم على سبل الطريق ويا كم خاطرٍ منهم يضيق............ كما سَيْلٍ تضيق أبه المحاني على شيخان عَرّافٍ ثقات........ مبانيهم حصون امجونات ولولا فالعلوم امعدلات............ بنيناها وشَيّدنا المباني وخَطّرْها على دار الحِدِيد ........ودَوّر للمقدم والرشيد وقُلّه من يَخَسّر ما يفيد.......... يقع تِبْلى بها يالمودماني أولاد (احماد) يا زبرة حديد........ .تريدون العرب والله يريد وحنّا يوم خطوتنا بعيد ........... مَحَد منّا يَدوّر للحساني ذبحتونا وحنّا غافلين............. صبرنا ثم قلنا يا معين ومهلانا على طول السنين.......... بغينا الصك في روس السماني ترونا من خِدَيَدَيْن الصلاب ...........كما المنشار نابٍ سد ناب ليا بَرّحت خصمي فالجناب ...........ما خذته فاللزوم وفالعواني كما شامان مفتول النصاب .............مَضَرّ ينه بقَطاع الرقاب ليا عيّا العميل مَنَ الحساب ..........أشب النار واكوي من كواني ذبحتوا ولدنا في غير دين .........عِشَاقه من سعيد ومن حسين عِشَاقه من سعيد ومن حسين .........كما الي مشتهينه جدّ عاني ونادى بالغلط واقفا مغير ..........وقلتوا والله انك ما تسير نَخَبّث بك على بال القطير ..........وينقى لك بخيت المسنحاني ورَوّح ينقلونه فالنعوش ..............وحَنّا بيت جاره بالنقوش وَثِرْ بَعض العرب مثل الهبوش ........هبوشٍ ما تسر المودماني وبن (مِخْرِب) تنقى له سعيد ..........وهو فالخلف عن داره بعيد ذبح (خاتم )وعينه بالمزيد ................بغى يزداد له رجال ثاني وصيّح فالشداني والطويل ...........وولّفهم على راس العميل وصافقهم كما صَفقْ المخيل .........وغَدّا الذيب منهم والحَصَاني وابن( مقبول )واولاده ثِنَين ............وابن عمَر قطع له هدبتين وعَرّفنا بوجهه مرتين ...............وعَوّد غَط راسه بعد باني على اللي مايناجون الدخيل ..........ولا فكو عميلٍ من عميل ليا باروا سواة ام الفتيل ...........كسينا روسهم من ثوب حاني (وأبو عِليّه) الشيخ المِهيل.............. قصَر عنّا وهو ماهو كليل وهو مبنى كما الحصن الطويل ...........وشّ زاد العشاش اعن المباني وأهل انتام والي في الحدب ...............رجالٍ ما يحسون التعب (وهرسه )ولد مفتول الشنب .............تمثّل واعتقل ذاك الزماني وعبيّنا ثياب البيض روس ..............ويحسبنا نبي سلم الفلوس وحنّا من مقلعّة الضروس............. ليا طاح المطر مآبي السواني ترونا من عر يبين الجدود ............عتيبي يوم يقسى كل عود ليا ظَلاّ كما قدح الزنود ..................نثني الخصم ثني الخيزراني تَبيّن فعلنا فوق الحدود ...................وحطينا في الديرة شهود ليا ظلا كما صرم الرعود .....................أبو زرفال ولا شكل ثاني وخطرها على ألبان الطويل ..............على قومٍ يردون الشليل هل الماقف ليا ذل الذليل ................ليا قال الخصم شانك وشاني وأولاد( ألحميدي )سم دأب ...................عدو مابين ذهبة والجناب وفعل( الخاصرة )يوم الذئاب ....................تعاوى بين ها ذيك المحاني وفالعوصا ريا جيلٍ عصاه .......................على شيخٍ تقديهم عصاه ليا دارت على الحربي رحاه .................عصرهم مثل عصر الهيضماني ويا طا النار لو كانت جحيم .....................ولا له من بن الحارث زعيم مخذ من عندهم غير الغريم ...................وبن فالح يقول الموت جاني ومنّصاك الذويبات الذئاب .........................منازلهم على حد الهضاب معانيهم كما رمي الصواب ................وهم شيخاننا وهم المباني وسندها على الحمضه يسار ...............أولاد جعيد لاطال النهار أولاد جعيد لاطال النهار .....................أهل علطٍ عساها ما تطأني رعوها في بلاد القوم قوس .............وداسو فوق روس القوم دوس كما بو سندله في قدم دوس ............ليا داس النظام الطرجماني وسندها على الزود سناد ................ليا رِد الخبر عنهم وعاد ليا وقفتهم مثل الزناد ...................فعايلهم بدت والفعل باني ومررها على الوادي العسير .................قبايلنا كما الليل المطير يجرون الخصم جر الحضير.................أهل لزان والي فالمثاني وعن دار السلاقا لا تروح ................أهل مرسى الشجاعة والفروح لهم سهمٍ على الحربي يلوح ...................لحق زهران في الربع اليماني وروحها ليا منك نويت ..........................وخذ وادي جدارة بيت بيت هل البطنين وأللي من ثبيت ..............رجالٍ ما يحبون التواني وروحها وعد معّ الفراع ........................منازيل الريا جيل السباع من أهل الفعل وطوال الذراع ................رجالٍ نازله والدّم حاني وسرحها أمع مبدأ الشروق ...............أمع رقية ومع ذيك الطروق وفي جودا ريا جيلٍ تشوق .................سقاها الله بهمال الغشاني وسلاّمه وهلها سالمين .....................هذلاك الرجال الغانمين وفي جملة عتيبه طيبين ............................................. ولاد مروح ألي يذكرون ........................كما راسٍ بدت فيه القرون قرونٍ تنطح ألي ينطحون ......................وشيخانٍ يديرون المعاني وقل يابو عتيبة وشّ تشوف ....................أبا الحارث تبي تغدي صفوف وانتم لا قعود أو لا وقوف ........................كما الخيال في جنب ألحصاني (وجالستوا علي باشة وزيد) .........................وابن (هريس )والى فيه فيد ولوقع عندكم فتنة وكيد ..........................وجيتونا بخمس أمية عناني وعن باقي عتيبة لاتسآل .......................هذا البد وان في روس الرمال ولن كان انقلب حالٍ بحال ....................وغيرت العلوم أبعلم ثاني ونآ بعّد هرجي بالصحيح .................وراع الصدق ما ظني يطيح ولا يا ليت قلبي مستريح .....................من الفتنة ومن كثر الشحاني وبأختم بالنبي يا حاضرين ................................وحنا كلنا له طآ يعين وهذي القصيده لقيتها في أحد المواقع وحبيت أستفسر ؟ هل قد تجمعو عتبان بني سعد ضد قبيلة الحرث؟؟؟ ومنهم المذكروين داخل الأقواس ؟؟؟؟ وأتمنى أجد تفاعل منكم |
حياك الله يا سعدي هوازني
انا بتداخل معك من شان ( الاد الحميدي ) قبيله العيسى اهل البان - علو البان - اخر قريه على الحد مع قبيله بالحارث يحدهم قبيله الحفاه من بالحارث و شيخ الحفاه ابن فالح المذكور بالقصيده يقال ان العيسى افنوا الحفاه ولم يتفقى من الحفاة الا ثلاثه رجال موجودين الان ذريتهم - لاسباب تتعلق بمنطقه حدوديه بينهم تسمى _ شعار _ وافزعواالشباشبه حميه مع الحفاه واصبحت الحرب بين العيسى والشباشبه من بالحارث الى ان انتهت مشاكلهم مع دخول الحكم السعودي قبيله العيسى شيخهم ابن مرضي - عيضه بن مستور - ينقسمون الى عده خوامس ذوي مطر . الحبنه . ذوي راشد . السبعه . الحشايش . ذوي عايد من اساب تلك المشاكل قاموا ببناء حصن لازال قائما الى الان ويرى من اماكن بعيده -اسمه حصن الغراب - كذلك مسجد القريه كان له شهرته في بني سعد بان الاعمده التى يقوم عليها سقف المسجد وتسمى - الزفر - مفرد زافر كانت عباره عن حجر قائما بالطول طوله تقريبا مترين او اكثر ويدل ذلك على شدتهم في اقامه تلك الصخور كا اعمده بدل من الاخشاب اما عن ذكر الخاصرة فهي موقع في ديره بالحارث حصل فيه موقعه بين العيسى وبالحارث حيث كان للعيسى قتيل عند بالحارث ويريدون اخذ الثار من القاتل نفسه لاسبابهم وقتها وعند معرفتهم انه بالخاصره مختبئ عند اهلها اتوهم واخذوا بثارهم حيث يقول الشاعر محمد الحبين يوضح ذلك ضوينا مراح القوم مع ضويت الرعيان * واخذنا الوفاء والزود والنا بعد نيه هذا بعض التوضيح لذكر الاد الحميدي ذكر البعض القليل من ايامهم الخالده بخصوص القصيده هذا ترتيب القصيده الطبيعي وأولاد( ألحميدي )سم دأب ...................عدو مابين ذهبة والجناب وفعل( الخاصرة )يوم الذئاب ....................تعاوى بين ها ذيك المحاني ويا طا النار لو كانت جحيم .....................ولا له من بن الحارث زعيم مخذ من عندهم غير الغريم ...................وبن فالح يقول الموت جاني الاد الحميدي هم العيسى والخاصره من ايامهم ومن اخصامهم في ذلك الوقت الحفاه وشيخهم بن فالح المذكور بالقصيده بدون قصور في جميع قبائل بني سعد تحياتي |
يا ولد العم اذا تبي تعرف تاريخ بني سعد اسئل التاريخ من صنعه
ودي وآآآحتــــــــــــــرامي |
اقتباس:
الله يبيض وجهك يا ولد العم لاكن حبذاء لو تشرح القصه بالتفصيل وتجيب القصايد كامله والفرسان اللي شاركو وقصايد قيلت فيهم لأني والله متعطش لمعرفتك لو شي بسيط من تاريخ بني سعد والموضوع هذه سويته خاص إلهم نبا نعرف كل شي متعلق بهم ضوينا مراح القوم مع ضويت الرعيان * واخذنا الوفاء والزود والنا بعد نيه وأتمنى تكمل هذي القصيده الله لايهينك وعندي سؤالين والمعذره لا أزعجتك لا كن تحلمني ياولد العم الحشايش من العيسى؟؟؟؟؟؟ وليش الحارثي فالبدايه ذبح واحد من ألعيسى ليش؟.؟؟؟؟ ولاتحرمنا من مشاركاتك والله يعطيك العافيه على المرور العطر ولاعدمناك |
اقتباس:
يا أخوي التاريخ تحفضه صدور الرجال ومانا ناشيدين التاريخ دام معنا شرواك نبا ننشدكم أنتم وناخذ العلوم منكم دامكم أهله والله يعطيك العاافيه على المرور العطر ولاهنت |
وأتمنى يا أخوان من الجميع التفاعل لاعدمناكم
|
لا هنت أخويه
|
اقتباس:
ولاهان غاليك والله يعطيك العافيه على المرور العطر ولاهنت |
يا أخوان أتمنى من الجميع المشاااركه لتعم الفاااائده ويعلومنا عن كل اللي ذكرو القصيده وفي بداية الموضوع
|
اقتباس:
نعم الحشايش من العيسى ولم يتبقى منهم الابيتين الى الان مع العيسى والبقيه شدوا من القريه من قديم ايام الجوع واستوطنوا في اماكن اخرى مثل ام البكار وغيرها وهناك الغروب فخذ من العيسى الان مع الثبته اهل السيل الحارثي اللي ذبح العيسي على اثر خلافات قديمه باسباب الديره المحايده بيننا وبينهم وتسمى شعار وقتل منهم ومنا عده رجال تحياتي |
اقتباس:
الله يعطيك العافيه يا أخوي ولايهينك وأما عن عيال عمنا الغروب على حسب ما أشمع من الشيبان إن الرقبان يرجعون فالأصل من الغروب لاكن قبل مده أسولف مع واحد من الرقبان ويقول إن رقيب وغرب أخوان وهم من ذوي شداد من ألعيسى وأسم أبوه راشد واما الحشايش ففي حشايش فالسيل الكبير جو قبل ما يقارب خمسين سنه معن كان ودي تئتين بالقصيده اللي ذكرتها حقت ألعيسى كامله وتئتي بكل القصايد اللي قيلت فيها من كل الطرفين لاكن ما أقول إلا الله يبيض وجهك وألف شكر ولاهنت |
وأولاد( ألحميدي )سم دأب ...................عدو مابين ذهبة والجناب
وفعل( الخاصرة )يوم الذئاب ....................تعاوى بين ها ذيك المحاني ويا طا النار لو كانت جحيم .....................ولا له من بن الحارث زعيم مخذ من عندهم غير الغريم ...................وبن فالح يقول الموت جاني هذي وعرفنها من الأخ عفريت بيض الله وجهه باقي اللي بين الأقواس الثانيه الله لايهينكم وهل تجمعو عتبان بني سعد ضد الحرث بعد القصيده؟؟؟؟ ونبا نعرف كل معارك بني سعد ضد الدول مثل الأشراف والعثمانين وغيرهم من القبايل وأشهر شيوخهم وفرسانهم في مامضى؟ أتمنى التفاعل من الجميع |
أتمنى دخول الأمير حربيش للموضوع وكل من يعرف شي للأفاده
|
بئنتضار مـــــــــــــــــــــــن يفيدنا بالــــــمــــــوضـــــوع
|
((دور عتبان بني سعد فالثوره العربيه ضد الأتراك))وكما نعلم بئن عتبان الحجاز كلهم قامو مع الشريف فالثوره لاكن حبيت أنقل بعض ما يتعلق ببني سعد لنحرك الموضوع
ادوارهم في حروب الثوره العربيه فعتيبه اول قبيله نهضت مع الشريف حسين ضد الاتراك اذ لا يخفى عليكم ان شرارة الثوره العربيه اندلعت في اراضي مكه والطائف وهي اراضي تسكنها قبيلة عتيبه ولها الثقل فيها يقول احد شعراء وقدان من عتيبه هذه القصيده تشجيع للشريف عندما رأى ان الشريف حسين متردد في الثوره علي الترك وان عتيبه هي نصاب السيف في هذه الثوره يقول الوقداني ياسيدي معاد عنها ذله----رز البيارق وانزل الحدان حنا نصاب السيف وانته السله---- والبيت مايثبت بلا عمدان وهذي ابيات لاحد شعراء الجعده القدما ء يمدح فيها الامير رجاء الله بن مسند الوصيفر شيخ المناصير من الثبته ويذكر فيها ان الشيخ رجاء الله شارك في اقتحام قلعة اجياد في مكه ضد الاتراك في اول طلقه للثوره العربيه يقول الجعيد وشبك تبلشني تبلشك الحظير------ مره مع السكه ومر وزانها نبي نسولف مع الراس الكبير ------محارب الدوله علي بيبانها وهذه أبيات مقتبسة من قصيدة طويلة لشاعر عتيبه في الحجاز احمد الازوري العتيبي يصف فيها المعركة التي دارت بين الشريف والقوات العثمانية وكيف أن الشريف قد أستفزع قبيلة عتيبة وانهم كانو ذخيرته الحقيقه: قلنا لأبو شاكر بعد ---- خانوا==هـذاه علـمٍ مـا نبـا نقـواه يقول يا الاد العتيبـي تجملـوا==واللي كتب له في جبينه جـاه تناخت عتابه بالجدود الأوائـل==واهني منهم ربعتـه وعـزاه تحارب عتابه في ديار الأجانب==وتحط في وسط العيون اقـذاه وهذه القصيدة كذلك يخاطب بها الشاعر احمد الازوري العتيبي أبنه حمد ويمدح قبيلته وشيخها ضيف الله بن رشدان ويبين فيها مشاركة قبيلة عتيبه في المعركة ومدى أعتماد الشريف عليهم في القتال هاضني يا حمد مبداي في المزبان---في عسير الحجا في المرقب العالي يوم جونا العساكر مع طرف ورقان---والطوابير تمشي من ورى الوالـي قال سيدي علي تكفـون يالعتبـان---احتموا قطركـم رجلـي وخيالـي واهني يا حمد من ربعه الـزوران---الرجال القروم اللي علـى بالـي يا نديبي علـى مفتولـة الذراعـان---حرة يوم تسـري تقطـع اللالـي لين تلفى عقيد القوم بـن رشـدان---في حلال عليها الضيـف مدهالـي * ورقان = جبل قريب من ضباء وأملج وكذلك ماذكره نوري السعيد في مذكراته عن حروب الثوره العربيه في الحجاز ومافعلوه ابطال الثبته في معركة ابار الماشي الفاصله والتي اسقطو ابناء الثبته فيها هيبة الجنود الاتراك التي كانت تهز العالم الغربي والشرقي اذا كانو ابناء الثبته يهجمون علي الرشاشات التركيه مصادمة وبطريقه مباشر ه ويقتلون اصحابها مما ادى الي هزيمة الجيش التركي ممااثار اعجاب الشريف علي بن الحسين من هذه الطريقه المفرطه في الشجاعه فالله در عتيبه وتاريخها الشامخ وللأمانه منقول هذا الرد من الأمير حربيش |
((الشيخ سند الحليس)) من شيوخ بني سعد القدماء
الفارس الشيخ/ سند الحليس شيخ قبيلة الحلسه من اولاد علي من الطفحه من برقا من عتيبه كان رحمه الله من خيار الرجال نزيه العرض، كريم النفس ،مفرطاً في الشجاعه ،مدافعاً عن قبيلته بلسانه وسلاحه وكان شاعرأ مفوهاً يعد في طبقة شيخ شعراء الحجاز بديوي الوقداني ولقد اكثر الشيخ سند من الشعر الجزل وكان اغلبه في وصف الابل والخيل وكذلك في وصف القهوة وله بعض الغزليات وله قصائد في قبيلته عتيبه وديارها وشيوخها ولكن اغلب شعره العذب فقد وقد توفي رحمه الله سنه 1328هـ وإليكم بعض من أشعاره التي حصلت عليها: لومك علينا ان حل في الدار غيرنا ******** لو كــان حــددنا الديـــر بقبور في هذا البيت يخاطب ديار قبيله عتيبه ان لها لوم عليهم ان سكنها غيرهم وان قبيلته عتيبه سوف تحمي ديارها ولو بالقبور (أي بالحرب) القصيد الاولى: قال الحليس اللي عطا مسلب الخلا **** من فوق حمرا للشداد صبور يازيــن حرفتـــها وزين اوتلامـــها **** مثـــل ذخير بالفتيـــل يثــــور حمدت اللي عطاني من القوم سربه**** بدو(ن) على عوص النضا وحضور رضاي يرضيهم وغيضي يغيضـهم **** ليــــا نشرت البيرق المشهــــور وان ضاق صدري قلت يااهل الركب نوخوا **** ارض(ن) من البيضا حيا ممطور وفكـــوا ركايبهم ونـــادوا وديعـــها **** راعي الركاب الجيد المذكور وقال ارجحنوا يااهل الركب واسكنوا **** واخذ الفرنج القدم يالمسحور وقالــــوا له المسبار وايــق قذايلـــه **** من خوف اهل هجن وراه سبور ودنـــوا لي الخمره ودنــــوا بناتـــها **** مصاف(ن) لطيفات وساع نحور ومحماس جابوه العوارض من ارضهم**** وزباد(ن) علينا كل ساع يدور وبن(ن) يمــــاني كن وصفه وحليتــــه **** يشدي رقوم(ن) في خدود الحور شربنــــا وثنينا بوزعــــة خوينــــا **** من خوف لايلحق منه مسعور .....الخ القصيدة الثانية: يالله يالمطلوب ياقايد الرجى **** يامن جميع الناس في رجواه انك تضيفنا يالوهاب بالحيــا **** الحيــــا اللي تستبق ثمـــــراه قال الحليس اللي ليا ناموا العرب **** وهو مراوس للجدي يتلاه دنا ثلاث دلال والنجر غيـــرها **** وبن(ن) على جمر الغضى يصلاه ومع فاحته بالهيل ابه فاح خاطري**** سواة جزاح الغدير بمــاه كلام(ن) احلى من شراب(ن) من المطر **** للي طراه القاض لين اغشاه واحلى من الصفري ليا جاد واستوى **** وعلى طلوع سهيل حل جراه واحلى من اللي يوم يطلق صرارها **** تروي ولدها والقدح تملاه وهذا وياراكب على طيب النسب **** سبحان رب(ن) صوره واسواه وذرعته ذراعين وان ماقلت في زياده **** والله من اسباب العرب ياقاه حر(ن) سوات القيف وان جاك منحني **** وكن الحبر ينزاح من علباه واوذان مثل الخـــوص والخد كنــــه **** قمـر ثلاث ليا اشتهر مبـــداه كن الوبـــاره غاشيات(ن) ردوفـــه **** سوات جــوخ نشر من مطواه وفخوذ كما البيبان لألقت صروعها **** وذيل(ن) عطر كن القصب حلياه والهــــــا علي الحر والها جوابــــه **** ومدري وش اللي حيره وابطاه صروف الليالي بين يوم(ن) وليلــه **** تحقل بحـــب مـــاحذي بـــذراه ......الخ القصيدة الثالثة: قم يامحمد شب لي تالي الليل **** لاحل بعيون الرخوم الرقادي شفي من الحاجات ست(ن) وثنتين **** ثمان ماش لها شدي يشادي النجر والمحماس والبن والهيل **** وخمره ومصفاتين واربع زبادي زين لها الحمسه وسقوتك بالكيل **** حتى يجي فنجالها اشقر يشادي كنه ليا حول ببيض الفناجيل **** دم الغزال بروس بيض النفادي الدول الاول قلطه للرياجيل **** وخلى الخصايص للوجيه البوادي ربع(ن) يسرونك بليا هل الضين **** يعطون طلاب الحقوق الجوادي وان جتك سمحه تمسح الورك بالذيل **** محنيت(ن) مثل الجمل بالهدادي وليا اقبلت فزولها الربع الاقصين **** وخلا لها الترعه كبير الثنادي عساه عند اللي لهم عندنا دين **** اهل البنادق والرماح الحدادي لاجالين كربه ولا قاضين دين **** ولاهوب عن مجلي الانياب غادي يسرح ويضوي في الغنم كنه القين **** وليا سرح وليا ان فيه سدادي منقول : من الأمير حربيش وهذي إضااافه للموضوع قصة للشيخ سند الحليس عند حاكم الطائف الشريف زيد ابن فواز طبعا تعرفون ماكان فيه قضاه يحكمون للناس زمان كان كل شيخ قبيله يحكم لقبيلته وكان فيه واحد اسمه سند الرداني الجعيد جا ضيف لسند الرداني وتعشا عنده وطبعا الضيف حارثي من الحرث وعند سند الجعيد بالبيت سلاح واعجب الضيف بالسلاح واللي كان مليان رصاص وقاعد الضيف يتفرج في السلاح ويقول لسند السلاح اعجبني وابي اشتريه وقاعد يلعب بالسلاح وثار فيه السلاح ومات تجمعوا طبعا قبيله سند الرداني علشان يدفعون الديه لاكن الحرث ما اقتنعوا وراحوا لشيوخ القبائل علشان يحكمون على سند الرداني ومانفع وبعدها جا واحد قال تبون شيخ يحكم حكم نهائي بينكم روحوا لحاكم الطائف الأمير الشريف زيد ابن فواز وفعلا راحوا لابن فواز في مجلسه وقصوا عليه القصة كامله لكن ابن فواز احتار وش يحكم في هذي القضية الصعبة وكان الشيخ سند الحليس من جماعة سند الرداني الجعيد لأن كلهم من عيال علي بن طويفح بن نفيع وكان الشيخ سند الحليس صاحب منصب عند الشريف وله صداقة وقدر عنده والشيخ سند الحليس يحامي عن سند الرداني وقال الشيخ زيد يالربع وش احكم على سند الجعيد سكتوا الناس محتارين لكن الشيخ سند الحليس تكلم بهذي الحجة يقول: داخل على الله ثم عليك يابن فواز ْ~ْ~ْ~ْ من القفار بن القفار الي حط الزهبه فوق النار ْ~ْ~ْ~ْ وحطه بين المعزب والخطار وان شاء الله مايلحقني ميثار ضحك الشيخ زيد وحكم ببراءة سند الجعيد وقالهم الخطا على الحارثي هو الي لعب بالسلاح |
يا أخوان الله لايهينكم أحد يجاوبنا على اللي ذكرو فالقصيده لأني على حسب ما أشوف من أسماء لأعضاء كثيرين اللي من بني سعد وما أعتقد إن كلهم ما يعرفون شي عنها؟
وهذي إضافه قصيده للحليس يرويها الرواي عبداله الوقداني http://www.youtube.com/watch?v=6HX6JLY_M5w |
| الساعة الآن »06:27 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd