|
نسب _ ومعارك _وفرسان _ وشعراء _وقرى قبيلة العواااالي من عتيبه
الحمد لله الذي عز بإلاسلام اهله واذل من شاء بحكمته وعدله وجمعنا بمحمد نسبأ ومله والصلاة والسلام عليه وعلى اله وصحبه وسلم اجمعين وبعد .... ( يا أيها الناس إنا خلقناكم من ذكر وانثى وجعلناكم شعوبأ وقبايل لتعارفوا إن اكرمكم عند الله اتقاكم إن الله عليم خبير ).... لا خفاء أن المعرفة بعلم الانساب من الأمور المطلوبة والمعارف المندوبة لما يترتب عليها من الأحكام الشرعية والمعالم الدينية، نظراً لكثرة الاسئله عن قبيلة العوالي يسرني ان اطرح عليكم نسب _ومنشأ _وموطن قبيلة العوالي قمت بجمعها من كبار السن من القبيلة وعسى ان اكون قد وفقت فيما جمعت . اولأ/ القصايد والقصص التعريفيه للعوالي... ياغاوين في اصلنا حنا ذوي عالي ---------والاصل مشط ام خمس لامسكناه من بطن سردن تخل الدم دجالي ------------------ميقاعها القلب وتنبج مع اقصاه ياليتني سيرت يم الاد عالي -----------------الي ترحب بالمساير اهلها شرابت للكيف لو كان غالي --------------ولا صكت البيبان عن من دهلها يمناي لن جرت علي الجريرة -----------------حاميني الله في ثمانين دفاق الاد عالي من وراية نطيرة ------------من يوم غايب مالحق راسي ارواق قصة المطيريه التي طلبت راس صنيتان العالي مهرأ لها وهذه عنها بعد السماء عن الارض فاتى لها احد شيوخ مطير وقال انا من سياتي لك براس العالي فجمع من جمع من مطير فغزى العوالي وبات المعركه بلفشل وقيلت هذه القصيده. ما شفتنا يابو ثمان تلالي ------------يا مترف الأقدام، يا غض الأنهاد يوم التحقنا الصبح قاعة جلالي ------------------يوم الثميدي كنه الثعل منقاد وا لجتي لجة طريح العوالي -------------------علم يذكرلي لقيته بالاوكاد ربعاً يمانيها تعيق الموالي ------------ما يمنعون ، وهوشهم هوش الاجهاد هم_ ابناء عالي بن ناصر بن زاحم من الروقه من عتيبه يقول فيهم احد شعراء مطير. اخذولي المعذار من قوم عمار -------------------الاد عالي معطبين الصويبي اخاذت الشامي براي الزلامي -----------------قطاعت الفرجه براين صليبي تلقالهم مجلاس عدمين الاجناس ---------------هرجن يسلي بالحزين الغريبي تلقون فوق النار رسلان وبهار -----------------ومعلقين الحايل ام العصيبي شيوخ قبيلة العوالي،،، (هم الزلاما (صنيدح الزلامي_منيع الزلامي-رجاء الزلامي –مسري الزلامي) وتعتبر امارة الزلامي اقدم امارة في عتيبه واول من رفع البارق في عتيبه وياتي تحت بارق الزلامي اكثر من خمسه الاف بواردي وقاد عدة معارك مع (مطير _وحرب _وقحطان _ويام –الترك- سبيع_ معركة الجوهريه بين الكرزان من البقوم وعتيبه _ معركة الريع بين المرازيق من البقوم وعتيبه_ معركة وادي ستاره بين سليم وعتيبه) وشارك في فتح نجران مع جلالة الملك فيصل (رحمه الله) ولشيخ مسري الزلامي تسعه ابناء وهم : مسًري بن مسري (يرحمه الله) ساري بن مسري ذعار بن مسري سند بن مسري حجاب بن مسري (شيخ قبيلة العوالي حاليا) مسند بن مسري فيحان بن مسري سالم بن مسري عبد الله بن مسري ويزيد عدد ابناء وبنات واحفاد الشيخ /مسري الزلامي عن المئه والثلاثون. فخوذ قبيلة العوالي ،،، الزلامي القوطي الشويقي الهبيش الحويت المهيا المغيبي القلعه المباريك الملسان الدعاجين ومفردهم الدعيجى من اشهر شعراء قبيلة العوالي،،، حباب الزلامي يرحمه الله حزام الشويقي يرحمه الله عارف الهبيش يرحمه الله نوار القلاع يرحمه الله عمار القلاع يرحمه الله سمار المغيبي يرحمه الله سعد الضراره يرحمه الله ومن اشهر شعراهم الحالين،،، الشاعر سعد بن صنهوت العالي(ويعد احد رواة عتيبه) ومن قصايده القصيده المشهوره ،،، وانا عتيبي وروقي من ذوي عالـي --------------من عتيبه الي كبود القـوم تكويهـا عيات عراف نمـلا كـل مكيالـي ------------------ومن فعلنا كل عينن كحلهـا فيهـا نسمح وندمح ونلطـم كـل عيالـي -------------------ونجرح جروح الاطبـا ماتداويهـا سقنا الاجانيب عن واد الرشا الغالي ------------------فعل العتيبي قرارة نجـد حاميهـا فعلن لشيخاتا مـع قسمـة الوالـي -----------------وهايبن من جليل الملـك معطيهـا الشاعر رشيد الزلامي (شاعر غني عن التعريف) ومن قصايده المشهوره،، كان شاعرنا رشيد الزلامي يطالع مجله عليها صورة الملك فهد غفرالله له وللمسلمين و يمعن النظر في الملك فهد و بينما هو ينظر إلى الصورة راهـ احد الكويتين فقال هذة الأبيات حنا بدار مدلهة صدر مـن ضـاق -------------بلّـغ سلامـي للزلامـي وقـلـه يا عابد الصوره على بيض الاوراق ---------------دارك عرفناهـا وعلتـك عـلـه أن كان حبه محرقٍ قلبك احـراق --------------شد الرحـال ودرب عمـك تدلـه فرد عليه رشيد الزلامي .. أنتم بدار مدلهت صدر مـن ضـاق ------------وأنا أتخيل صورتـه مخلـص لـه ما تعرفونه يـا ردييـن الأعمـاق -------------هذا الفهد ذخر الفهـد فـي محلـه اللي ليا شطـت ويبسـن الأريـاق. ----------------أنته وأنـا ومعزبـك تحـت ظلـه والله أحبه حب مخلـص ومشتـاق -------------واحب حتى صورتـه فـي المجلـة وأهل الحسد ماهم على باب الأرزاق --------------رزقي على اللي كوّن الكـون كلـه حنا سعوديين يا طــاق طــربــاق -------------------أحرار مـا عشنـا بعيشـة مذلّـة رجالنا لوه علـى مكسـر السـاق -------------------حب الكرامة والوفـاء عـادةً لـه ، الشاعر سعيد بن صنهوت العالي الشاعر عامر القعس العالي الشاعر عمار القعس العالي الشاعر محمد مذكر العالي وغيرهم الكثير من الشعراء المتميزين النأشيين في القبيلة, قراهم وهجرهم امتداد من حفر كشب مرورأ بالبركه بتجاهـ الحره الي ان يصلو منطقة رهاط ومدركه ومسيحه.. . يعتبر مركزهم الرئيسي حفر كشب وهو يظم كثير من قبايل الروقه وبه مركز قبيلة العوالي التشريفي . ورئيسه/ الشيخ / ذعار بن مسري الزلامي من القصايد التي تطرقت لحفر كشب (قصيده لايحضرني اسم راعيها) عسى من نقلهم ينقلونه عليل افواد ----------------يجر الونين ويصخم الي يشوفونه وانا في رجاهم لين جاب علمهم المداد -------------يبون الربيع الي زمى كشب من دونه الموقع الجغرافي لمنطقة حفر كشب . تقع في شفاء نجد ومحايده لديار المطران وايظا لم الغيران والمويه ومهد الذهب وبه المعلم الاثري المعروف (مقلع طميه) وعلمن ان منطقة كشب اخذة بالسيف وبارق الزلامي من قبيلة مطير وعلى راسهم الشيخ / المندهـ وابن درويش وغيره من شيوخ قبيلة مطير عندما اجتمعو وغزو الحفر واستحلوه لو لا فزعت الزلامي وبن زيد ودارة بينهم المعركه المشهوره وهذه القصيده توضح ذلك قال الشاعر شليويح العطاوي ...... ابا الثريا ما خذتو من فيد ------------ماخذت من برقى خذينا بداله وعيال بن درويش مقدم العيد -----------------اربع ليال وحلتة بالمعاره فردت عليه شاعرة مطير (الجضعية)واصفتن ما حدث ياليتها مع رقرن للاسانيد -----------------حتى يعاف الفيد زارب جفاره تسعين ليل الي تلم المجاريد -----------------لين الزلامي جاب جمعن وغاره اخذ العشار مغذيات المفاريد ----------------وحمى بدهمي الفرنجي دياره والله لالجمع الزلامي وبن زيد ----------------لنهدم على سمو العطاوي حجاره ومن قراهم ايظا التابعه للعوالي قرى العوالي الحديثه (بعد الحريشا ب20 كيلو) البركة العدل السرار المحما القاحه النزهة الفرد جزء من الحرهـ مسيحه مدركه وفي الختام عسى ان قدمت التعريف الكافي عن هذه القبيله الغاليه وان ماقدمته عنهم يليق بمستواهم والتمس العذر من ابناء قبيلة العوالي في حدوث أي خطاء او نسيان فهو من غير قصد . تقبلو خالص شكري وتقديري فيصل بن مسند بن مسري Faisal.j50@hotmail.com |
شكرالك الاسهاب
والابداع كفو بالعوالي صغيرهم وكبيرهم فتاريخهم ومجدهم تاريخ يدرس وسلمت يداك دمت بود |
هلا اخوي عبد الرحمن
بشرني عنك وش اخبارك دوما سباق الله يعطيك العافيه والعوالي مهما قلت فيهم لن اوفيهم حقهم شاكر مرورك الجميل تقبل تحياتي |
كفو كفو يافيصل على هذا البحث المميز والكلام المثبت ونعم مليون مرة بالعوالي عامة والزلاما خاصة وبما أنك من الزلامى أطلب منك توثيق لتاريخ محمد دايخ الراس وأطالبك بكتابة المزيد عن تاريخ الوقائع والحروب اللي ذكرتها واشتركوا فيها الزلامى حيث هناك العديد من القصص والقصائد التي تثبت ذلك مرة ثانية ياهلا ومرحبا فيك يافيصل استمر باررك الله فيك الجوراسي |
والله ونعم مليون بذوي عالي وروق كلها وعتابه
|
هلا اخوي الجورسي مالعليك زود
وبيض الله وجهك وتارخ العوالي موثق في كتب انسابل عتيبه تقبل تحيتي |
الوفا طبعي
ماعليك زود يالغالي وشاكر مرورك الجميل تقبل تحيتي |
شكرا على الموضوع الرائع
|
شاكر مرورك الجميل يا بو ماطر ولا هنت
تقبل تحيتي |
والله والف نعم بك وبربعك
نتمنى ان يزودنا كل عضو بمعلومات عن فخذه او جماعته تحيتي ............ |
مليون نعم ماتكفيكم يابني عمي
|
شاكر مرورك يا بو صقر
تقبل تحيتي |
ونعم ومليون نعم وهقوتي ماتسد فيكم يا العوالي
بني عمنا وربعنا وجيراننا تحياتي :طراد القثامي |
فيصل لاهنت بيض الله وجهك
جهد تشكر عليه |
والله ونعم ولاتكفي
ولاهنت على الموضوع |
هاوي 511
ابن صنهوت شاكر مروركم الجميل والله يعطيكم العافيه تقبلو تحيتي |
معلومات وافية فشكرا لك يأخ فيصل
|
سيحان ما عليك زود يالغالي
اسعدني مرورك الجميل تقبل تحيتي |
هلا اخوي مشاري
ماعليك زود يالغالي اسعدني مرورك الكريم تقبل تحيتي |
فيصل المسند
شكرا لك على الالمام الممتاز في مثل هذا الموضوع ... سلمت يداكـــــــــ بس من هو القائل / تحيااااتي وتقديري |
|
هلا ابو نا شي حيا لله ابن العم
اسعدني مرورك الكريم وبالنسبه للقصيده معرف قايلها وفيه قصايد كثيره يجهلني اسماء شعراه تقبل تحياتي |
هلا ابو سعدي
اسعدني مرورك الجميل والله لا يهينك يالغالي وبالنسبه لسعد الظراره شاعر وعلم من اعلام الشعر في العصر الماظي والنسيان وارد في كل الاحوال فالمعذره منك تقبل خالص شكري |
ونعم ونعم بالعوالى
|
اخوي جوزاء ماعليك زود
شاكر ومقدر مرورك الجميل تحيااتي |
مشكووووووووووووووووور
|
بيض الله وجهك يابو مسند
وماقصرت لاكن للامانة الموضوع طيب جدا ولاكن يحتاج اضافات بسيطة والواجب على ابناء القبيلة التذكير فيما سقط سهوا لك احترامي وتقديري اخوك/ متعب بن صالح القلاع |
ومن ضمن الشعراء الراحلين رحمة الله عليهم
الشاعر سعد الضراره القلاع وللاسف مايحضرني من قصيدة شئ ولاكن تحت البحث وفيه شعراء حاليين كثير من شباب وشياب ولاكن للاسف لم يظهر بالاعلام كثيرا ومنهم بطي بن سعيد القوطي طلال ناشي القلاع عسكر حذروف القلاع فلاج حذروف القلاع سلطان مجري القلاع عطا الله سعد القلاع تركي رشيد الزلامي جميل رشيد الزلامي ناصر سعيد القلاع متعب صالح القلاع عبيد بن سويلم القلاع وغيرهم الكثيررررررررررر لاكنهم لم يهتموو في البروز _________________________________________ هذا مقطع من قصيدة للشاعر طلال بن ناشي فينا طبيعه والله انا ماتصنعنا السلوم حنا هل الفزعات والوقفات والكف الندي حنا ذوي عالي ليا وصلت ليا لمس الخشوم نموت مايبقى لنا باقي ولا نقبل فدي وليا احتدانا للقضا ما ناخذ الا روس قوم ناخذ كبير القوم لو انه ماهوب المعتدي اردى ضحايانا يطيح وجعل حظه مايقوم أليا التوينا به نهار الكون والجمع يحدي |
شد حيلك ياولد العم والى الامام
وحنا معك واي مساعده حاضرين لك ياطويل العمر |
|
سهم قثامي لا هنت مشكور على المرور الجميل
تحياااتي |
اقتباس:
والله يطول بعمرك ويكثر امثالك بالقبيلة وادري ان الخطأ وارد يالغلا ولاكن القصور ما من قصوور وشد حيلك وكثف اهتمامك وحنا على يمينك والى الامام |
تذكير!!!!!!!!!!!!!
من أشهر الشعراء الراحلين الشاعر الكبير عليان الزنقاح ومن ضمن قصائدة انا هيض المرقب الي وقت في عاليه معدي فيه يومن الولد مع بنت الاجوادي وادور محتمي الشردان يومن الردي ناسية وانا يوم اذكره كبدي تصوم وتكره الزادي ولانامت عيوني لين اخذت الي شفاني فية قضاً بشهود يوم نسايل عنه الاجوادي اخذنا الاربعه في مثلهم والي صوابة فية ذوي هذلول ولهم رابعٍ جاهم عصر بادي ـــــــــــــــــــــ |
مشكوررررر ولا هنت
|
هلا ابو صالح
عليان شاعر كفو بس النسيان يا متعب ما فيه حيله ما نستغني عن ملاحضاتك وشف اي جديد توافينا ابه ترى شايبك ما يقصر بعد سنه كبير ويعرف اكثر تحياااتي |
سلام عليكم
يسعد مساك / صباحك يا بو مسند انت ومن يشاهد هذا الموضوع انا سبق ان قلت لك جاري البحث عن قصائد الشااعر سعد الضراره القلاع وحمد لله وجدت قصيدة له ......... ياراكـــب الي ســـنامة ناكبٍ بــده *** عليه قــرمٍ طويــــل ذراع ديـــداني مايلحــــقه منسبٍ من لاش مرتدة *** جده وخاله وابوه طوال الايــــماني علــــيه يامرســـلي ود الخبــر وده *** وده وسلم على العقصان من داني الهـــــــامل الي يجيــــنا عندنا رده *** والي يجي عندهم حصـة شميلاني والبوق من يعملة وسـمٍ على خده *** والا النقى مذهــبٍ لطوال الايمـاني .................................................. ......... وهذا مراد ( محاورة ) بينه وبين الشاعر/ رشيد الزلامي بس للاسف لم تحضرني كاملة ولاكن هذا الموجود والعذر والسموحة رشيد: انقد على الرجال مدحه لروحة *** الرجل يفعل والاجاويد تكفية ,,,,,,,,, سعد: النقد للي قاصراتٍ شبوحة *** والا كلامة بالزوايد يوفية |
فيصل المسند ,, حميد السجايا مجهود تشكرون عليه بيض الله وجهيكم حميد السجيا أنا منول أبيه يتعب في البحث عن القصيده وصاحبها لاكن البركه فيك وفي ملاحظاتك علمت علي هههههههه تحيااااتي وتقديري |
ههههههههههه يا حليلك يا بو ناشي بتعبني
قصيدتك في العواالي يا طلال قمه في الشعر وانا اخوك وابشرك صدها واصل الجميع والله يعطيك العافيه ومشكور على ما تقدم اتجاه قبيلتك وانا بدوري اشكرك جزيل الشكر ولا هو مستغرب عليك الطيب وحميد السجايا ما قصر اختصر المشوار تحياااتي |
ههههههههههههههههههههههههه
ياحليلكم اثركم في حوووسه ههههههههههه مادريت جاين مطبح لاكن قصيدتك يابو ناشي شرف وقمة في مدحك لربعك وكلن يرددها الصغير والكبير ولايستغرب الطيب من اهله واقول واكرر بيض الله وجهك وتسلملي ياذيبان |
--------------------------------------------------------------------------------
بيض الله وجهك يابو مسند وماقصرت ونعم بعيال عمنا العوالي اولاد روق |
| الساعة الآن »01:59 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd
