|
اشعار واحديات تتكلم عن مواقف للاخوان من عتيبه اخوان من طاع الله
=يقول احد فرسان العصمه من عتيبه وكان في صف الشريف ضد الاخوان
حسبي الله علي الخرمه واهلها---- كفرونا وحنا مسلمين =يقول احد اهل الغطغط من الاخوان من عتيبه وهم متجهين لخوض معركة تربه المعركه الحاسمه مع الشريف استعنا بالاله المعتلي--- يوم النصارى تعتزي بجنودها =وهذي الاحديه قالها شبيب بن جميع مرسول الاخوان امام الملك عبد العزيز بعد ان دعوه الاخوان لسرعة القدوم لخوض معركة تربه معهم ضد الشريف وعندما تمنع عبدالعزيز بقوله بانه ليس علي استعداد علي مواجهة الشريف في الوقت الحالي قال شبيب هذه الاحديه فحمس الامام عبدالعزيز وغير رأيه وقرر انه يفزع للاخوان من تدبر تالي الانفال---- جانا قدام يجيه داعينا =وهذي الاحديه هي شعار اهل الغطغط المشهور هبت هبوب الجنه ---- وين انت ياباغيها =ويقول هنا احد الاخوان من عتيبه مانبا منك ياعباد الاصنامي---- غير تقرا الكتاب وتتبع السنه =وهذه الاحديه النادره لاحد شيوخ بني سفيان من ثقيف وكان مناصر للشريف ضد الاخوان في حرب تربه يقول فيها نحماك ياساحق الريحان---- نحماك من فصاع المدينه يالابتي يابني سفيان-----جتنا من الشرق مغيره المدينه يقصد بها الاخوان يطلقون عليهم هذا الاسم في الحجاز =وهذه القصيده النادره للشاعر صاهد الدعجاني من الاخوان يقول فيها جتنا الركايب خالد كازها لنا----- جتنا والكافر ماهو ببعيد قمنا بخوف واستعنا بالله----في دبرة اللي نزل التوحيد عشرين يوم في ارض الله نمشي---في دبرة اللي نشكره ونزيد عقلنا ثم مشينا عليهم-----والليل مقفي والنهار جديد يوم المكاين دندنت ماجنبو---- نادي المنادي ياهل التوحيد يافز قلبي يوم ردو للكرد---- ثم جلدوهم حي ذا التجليد تجليدهم برقاب دولة حلمي----العسكر اللي فردو تفريد جانا الشريف مليم كل الدول----مع دولة السلطان والعبيد ختمتها وصلاة علي النبي-----وعداد ماصلو صلاة العيد = وهذي قصيده لاحد العصمه بعد ان فقعت عينه في الجهاد وارجعوه لهجرته سنام ويتوجد علي المجاهدين من الاخوان في ساحة المعركه وهناك رواه ذكرو ان هذه القصيده لابن صاري الاكلبي خواله من قحطان وكان من الاخوان وهناك من قال ان صاحب القصيده من قحطان ولكن اغلب الرواه اللي قابلتهم يقولون انها للعصيمي جسمي هنيا وقلبي عند الاخواني-----وانا احمد الله وقسم الرب راضينه ياناقل السيف نقله تو مازاني---ياليت منهو حضر به واقتضي دينه سر يانديبي ترحل فوق مرمالي----من فوقه العصا والخرج شارينه اسلم واسلم علي بن بجاد سلطاني-----في الغطغط اللي هل التوحيد بانينه واهل سنام نهار الهوش ظفراني--- يمشون بسيوفهم والموت ناسينه لبسو معم جديد هبل الاكفاني----تبايحو والكل منهم كاتب دينه يازين سدح الجنايز في رمداني---قصر خراب هدام طايح طينه امطر عليهم مخيل وقت الاذاني----وبله رصاص علي الكفار مرخينه =ويقول احد الاخوان عنها طردنا الترك هم والاشاريف----يوم الردي عنا تقافت ظعونه بارودنا مع السحر له رفاريف---يشدي لبراق تراعد مزونه واللي مكذبني ينشد منيف----وبين الركب رسمه تشوفه عيونه راحت مواقفنا علي شارع السيف---قدامنا العربان ماياصلونه ربيطهم يطلق بليا تخاليف----ومن اول قد حالت الترك دونه =يقول احد الاخوان ماذكر في الكتاب والسنه--- كود تسبيلة قدام وينك ياللي تريد الجنه---- التزم ذروة السنام =ويقول اخر بانت البينه والدين دين الله---مانطاوع هل الردات والجافي =ويقول اخر تنادبو هل التوحيد وسبلو----وتسالمو وكل قال مباح كل كتب دينه ولبس احرامه---وقال امشو هذي حجة الارواح =ويقول اخر من الاخوان ذا يوم الحجه --- ذا يوم يوم العيد فتح باب الجنه---ياهل التوحيد = ويقول اخر من الاخوان نحمد اللي جمع كل الشفوف----نصرة الدين طار بها الخبر =ويقول اخر يالنشاما مابه الا الله---ودعو هالنفس واليها ربع ساعه في سبيل الله---- تازن الدنيا ومافيها =يقول الفارس المزيني بن عويض الحافي ديننا مانبيعه كل مرتابي --- يوم جاء للشريعه من قدح فيها في يدانا النيامس علط الارقابي----تنهب الروس من عالي جماهيها =الشاعره بخت بنت عموش الحافي ترسل هذه الابيات لشيخ مطير فيصل الدويش بعد حربه للامام عبدالعزيز في السبله والحفاه كانو مع ابن سعود ضد الاخوان المعارضين ويش ابك يوم تليم الجردان----ربعك عسى عذرك يشين ويش انت خابر في طرف ريحان--- وفعولنا في كل حين تقصد بريحان المعركه التي حصلت بين الحفاه ومطير قبل الاسلام وانتصرو الحفاه انتصار كبيرا فيها =وهذه القصيده المشهوره للشاعر الفارس عبيد بن فرز الحافي في معركه السبله وكان الحفاه مناصرين الامام عبدالعزيز ضد الاخوان المعارضين هاضني والملح جاله ضلايل----بين خشم الضلع هو ويالزباره يوم عزلنا وعقلنا الرحايل-----ثم مشينا مشية ماهيب غاره ثم اغرنا غارة تبر الغلايل---- وانكفانا فوقهم مع راس قاره راح ضرب ارماح وسيوف سلايل----والمشوك في الحصى يوضي شراره قاضبين النا الحجايا والمسايل----يحسبونا منتوين الانكساره =وهذه القصيده النارده والرائعه للشاعر الفارس صلف بن راشد الحافي في معركة السبله هاضني بدو تبا الحكم مع ولد الامام----مقعد الكرسي تعيب علي اللي قد بغاه الرعد سرهيد وان حركو سرهيد قام----يثلم الصف المناحر ويطلع من وراه ديمة من فرعهم واغتشت جو الخيام----يامقدي سوها يامحول من سماه برقها قعس النمش مع عيال ماتحام-----تنقح الراس المركب يزول عن الحياه ورشها ممشوط تفضا صليبات العظام----ضربها فالروس راحو جنايز في ضحاه واعذرونا علي القصور ياربعنا عتابه |
بيض الله وجهك يالأمير |
لاهنت علي مرورك ياعزرام نورت المتصفح
|
الامير حريبيش حياك الله يا الغالي بعد الغيبة الشبه طويلة وكعادة لا تاتي إلا بالمواضيع التاريخية الجزلة والله يرحم الاخوان ويغفر لهم ويبيحهم ومعركة (تربه) من ابغض المعارك إلى قلبي وحدثت فيها مجزره مهيلة لجيش الشريف وبالكاد نجى منهم احد خاصة ان الاخوان قطعوا عليهم طريق الرجعة حتى الذين تحصنوا في احد قصور تربة هدم القصر فوق رؤسهم !! نسأل الله ان يرحم الجميع |
التاريخ يعد نفسه ...
لا حول ولا قوة الا بالله .. الاخوان ... ( الفئه الضاله ) في الوقت الحالي ... حسبنا الله ونعم الوكيل ... ينعتون اجدادنا ... ويصفون كل من يوااجههم ( بالمشرك ) .. لكن في النهاية من المستفيد .... وهل للمناصحه دور ... في تلك الايام .. بارك الله فيك .. |
اقتباس:
|
اقتباس:
لاهنت علي مرورك اخوي مشاري والاخوان في كتب كثيره عربيه واجنبيه تكلمت عنهم ووضحت موقفهم وانهم كانو مجاهدين صادقين ولكن لم يكن عندهم الفقه الكافي في مسائل الجهاد والقتال لكونهم بدو رحل لم ياخذو نصيبا من العلم كابناء الحواضر مما جعل غيرهم يستغل ذلك ويوجههم التوجيه الذي يرغب به بدون درايه منهم او قصد |
التاريخ يعد نفسه مع الامير حريبيش
....أشهد بالله أنك كفيت ووفيت وكعادة لا تاتي إلا بالمواضيع التاريخية الجزلة وبيض الله وجهك يالامير والله يرحم الاخوان ويغفر لهم |
بلاشك المعلومات جزلة ، لكن عندي سؤال ،هل جميع ماذكرته متأكد إنها من قبيلة عتيبة وخاصة هبت هبوب الجنة ؟
|
اقتباس:
لاهنت علي مرورك يابن منيع ونورت الموضوع يالامير والف شكر علي الكلام الطيب والطيب مانستغربه من اهله |
اقتباس:
اما من ناحية السوال فالاشعار والاحديات المكتوبه بااسماء عتبان فهذي ميه بالميه لفرسان من الاخوان من عتيبه قالوها وسجلت عنهم اما الاحديات التي كتبت بدون اسماء فانا حرصت علي احديات اخوان هجرة الغطغط الهجره الكبيره للاخوان والتي تضم عدد ضخم من قبيلة عتيبه بالاضافه لعدد من القبائل التي تساكنهم فيهامن اجل الجهاد واغلب الرواه اللي نقلو لي الاحديات يقولون انها للاخوان من اهل الغطغط فممكن تكون لفرسان عتبان وهذا الاغلب وممكن تكون للقبائل المشاركه لهم بالغطغط وقد نسبت بعضها من قبل الرواه لفرسان من عتيبه من الاخوان ولكني اثرت ان اتركها بدون نسبه ابراء للذمه واحتراما للتاريخ وعدم تاكدي ميه بالميه من نسبتها اما سوالك عن احدية هبت هبوب الجنه فانا لا اجزم لك انها لعتيبي او غيره ولكن اجزم لك انها شعار اخوان الغطغط المشهور عنهم بالحروب والذي عرف واشتهر عن طريقهم وكل هجره من الاخوان كان لها شعار في الحرب فمثلا اخوان الخرمه كانت عزوتهم في المعركه اياك نعبد واياك نستعين ويعتزون بصبي التوحيد امااخوان الغطغط كانو يقولون في المعركه هبت هبوب الجنه ويعتزون بخيال التوحيد |
على ذكر بيت: هبت هبوب الجنة وين انت يا باغيها يذكر ان الشريف عبد الله بن الحسين قائد معركة تربة قال انه من مشاهداته في المعركة ان عبد اسود من الاخوان كان يجزر جنود الشريف بالسيف وهو يردد هذا البيت |
حي الله الامير حريبش والحمدلله على السلامه والله النا افتقدناك وافتقدنا مواضيعك الرائعه
كفيت ووفيت ياالامير وابيض وجه فيه قصيده قديمه ياليت تبحث لنا عنها يالامير اللي يقول فيها الشاعر جا نصوها على الاد العتيبي من الراكه ليا خشم النويبي وجا قطفاً مثل قطف العذوق ولمعاً مثل لماع البروق ودرجاً بالمطارق يلحقونه جونا هذيل من يمين اهل بارق واهل جمعاً متين ذبح حمدان واخذنا قضاه ومدوبل واخذ منهم كماه وانا معرف الهذلا اقول ذاه لكن اللي حصل مايجحدونه |
اقتباس:
واشتهر عن عبدالله في اثناء رجوعه من تربه عندما كان هارب من الاخوان بكاءه المرير في حظرت شاكر بن زيد وكان يقول له ياشاكر انا ابكي علي عيال النساء اللي وديتهم لتربه عشان يموتون فيها -------------------------------------------------------------------------------------- هذه احديات اضافيه للموضوع حصلت عليها اليوم من جدي حبيت اضيفها للموضوع واشارككم بها يقول احد الاخوان من برقا عتيبه ياشريف علي الكرسي قعد-----دولة الترك واكثرهم عبيد لاحتزمنا ومقدمنا السعد----- يرسي الغرس مرتدم الجريد ويقول اخر يوم قمنا علي الكفار باامر الله ----حجة حجها من نار واطافي |
اقتباس:
الله يسلمك ياعلي الثبيتي واشكرك لسوالك عني وانا بخير علك بخير ومشكور علي التعليق الطيب ولا نستغرب الطيب منك اما القصيده فسبق مرت علي وراح انشالله اجيبها لك واجيب قصتها يالنشمي |
موضوعك اكثر من رائع
ياشريف على الكرسي قعد = دولته ترك واكثرهم عبيد لاحتزمنا ومقدمنا السعد = يرسي الغرس مرتدم الجريد يوم قمنا على الكفار بامر الله = قومةٍ من حضرها حج وإطافي صح لساني يالشيخ حريبيش وقمه في الابداع |
لاهنت يا ابن حريبيش
موضوع مميز كعادتك في الطرح تحياتي لك . |
ابو زيد العيسى لاهنت علي مرورك يالنشمي نورت الموضوع
|
لاهنت علي مرورك ياولد عاصي نورت الموضوع
|
(( احديات الاخوان)) احديات أضافيه للموضوع
هذه الاحديه للشريف خالد بن لوي قالها بعد رجوعه سالم من الشريف عبدالله جهات العيص وقت حصار الترك ورد حمد القريشي عليها وفيها يوضح حمد انه وقومه اخوان الخرمه لم يتوقعون رجوعه سالم
ياحمد جيناك من دار وبيه-----بشر اللي حبهم بين وخافي لاركبنا ضمر مع قيدهيه---- نطلب الله في حسينات الملافي فرد عليه حمد القريشي مرحبا بااشرافنا زبن الجنيه----عد ماتذري الهبوب مع السوافي يوم جيتونا رجع قلبي عليه----واحمد الله يوم ماجاكم خلافي من يبي الناموس لا يطري المنيه----من وفا اجله مات لو كان متعافي يقول احد فرسان الشريف وقد قتل في معركة حوقان اول معركه بين الشريف والاخوان يالله انك لا توفق خالد---- من يحب الله يقول امين جرها بين الولد والوالد---لين خاب من الشرف والدين هذه الاحديه لاحد النساء وكانت مع زوجها وربعها في جيش الشريف قبيل نشوب معركة الحنو الشديده مع الاخوان وقد ارسل الشريف حسين يوم الحنو جيش كثيف ومعه المدافع والرشاشات واعطى الجيش الاذن باحتلال الخرمه واخراج سكانها الاخوان منها وطردهم لنجد لبن سعود واخذ مزارعهم ودورهم للجيش وجنوده تقول الاحديه تشيلو ورعانكم وارواح---- لا عاد تطرون الشديد قدامكم حسو قراح---- ومخالطه تمر جديد يقول احد الاخوان بانت البينه والدين دين الله---مانطاوع هل الردات والجافي من يشكك بكفر البيه عبدالله---ذاك ماقلبه علي التوحيد ميلافي يوم قمنا علي الكفار باامر الله---قومة من حضرها حج واطافي يوم شاكر يجمع في عصاة الله----ومشره بنفسه تصبيح الاسلافي يالامام ارتحل ياشيخ جند الله----يوم ضلو طريق الحق الاشرافي يالامام اجتهد فيما يحب الله----- وان صدقنا مع الله هو لنا كافي ويقول اخر من الاخوان جانا فاجر والشريف شاكر ---- يمشونا من الحره للافياح يمشي علي قومه ويقول اردو---- اردو علي تمر وماء قراح يقول راقي الفرد هذه الاحديه قبل مقتله هو والعبود من سرية الاخوان بقياده خالد بن لوي وكان راقي من ابطال عتيبه المعروفين حتي ان الاخوان يعترفون انه قد ضربهم ب63 طلقه من بندقه ام ركبه اغلبها صايب فيهم ووجدو فوراغ الرصاص عند راسه بعد وفاته يقول راقي في احديته اثناء القتال يابو قذيله رفروف--- ليتك تتحلا وتشوف وبعد مقتله رد عليه شاعر الاخوان من سرية أهل الخرمه بقوله قمنا عليهم بصفر كنها الجله---- كم فاطر فرقوها هي وراعيها يقول احد الاخوان ياشريف على الكرسي قعد = دولته ترك واكثرهم عبيد لاحتزمنا ومقدمنا السعد = يرسي الغرس مرتدم الجريد |
اقتباس:
لاهنت يا الاميرابن حريبيش موضوع مميز كعادتك في الطرح يالامير |
لاهنت علي مرورك يابن منيع الزلامي ياامير الحجاز نورت المتصفح والموضوع ولا خلا ولاعدم من النشاما الللي مثلك
|
بيض الله وجهك يا الامير حريببش
عز الله انك وافي موضوع في غاية التميز تسلم يمينك يالامير |
لاهنت علي مرورك ياسعيفان الهيلا ياسلايل الرجال الطيبين نورت المتصفح لاخلا ولا عدم
|
| الساعة الآن »09:15 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd