مرحبا ترحيبة اللى ممتلى راسه كرامه=والكرامه من عتيبيٍ يسندها لهلها
ندري ان القرم يوم العزم نجده من حزامه=من حزامه نجدته واليوم نعطيكم مثلها

البقا من شاعرٍ من خلقته رافع مقامه=مرتفع مثل الجبال ولا يناظر في سهلها
البعير اللي يدرهم وش علينا من سنامه=لو شديد البأس والحمله على ظهره حملها

انتبه تسري بليلك وانت خايف من ضلامه=عزتي للى يهوم اطايله ولا وصلها
البعير ليا هدر هذرا تفكر بالزعامه=والعرب لا ثارة الهيجا يذريها جملها

لا تقول الروس تفرق والشبه لون العمامه=ثم ننشب في علومٍ كل خلق الله جهلها
ما نلد العين فيه ويتعبه حمل المسامه=شرهتي للي يسوقه ليت ثنى ثم عقلها

كان ودك بالحقيقه جاتك برجل الحمامه=والكتاب اللى قريته كم كبودٍ لى دبلها
لا تجي من حدر زار شعيل يلحق بك ملامه=ولا تساق الا المعشر عقب نوخها فحلها

والله ان النار فالميت لها برد وسلامه=شي عادي والكفوف الخاليه نعطيكم مللها
ياسهم لو قلت لي ويش المزايا فالنعامه=قلت لك شوف الطيور العاليه وانحر جبلها

يالمجرب لا توردها على ريع اندامه=والعرب تجزا ليا جازا المجازي من عملها
النداوي يعجبك في مضهره ولا انصرامه=والنعامه مذهبك والعايب نعطي دبلها

المشاركة الأصلية كتبت بواسطة الشهراني (المشاركة 989378) صحت السنتكم يا شعار السهم و الصقيل بيض الله وجيهكم مشكووورين واصلووو للابدااع

المشاركة الأصلية كتبت بواسطة سيف الجعدة (المشاركة 989388) صح لسانك ياسهم والصقيل المجرب

التهامي لو يخش القصر ما فارق تهامه=غايته صعبه وريح المسك مايرخص بصلها
ودنا نعطيك من شيخٍ ختم بصبع بهامه=مير صبرك والقدم في دربها تمشي مهلها

المجرب مايفرق في حلال وفي حرامه=نفسكم عند الولى والوقت محدود وكفلها
لا تهرول ناقتك مادام ترضع من هيامه=والمداوي يمكن انه لا نضرها ماقبلها

المشاركة الأصلية كتبت بواسطة الكنق 2011 (المشاركة 989411) صح السانك ياصقيل المجرب محاوره تستاهل المتابعه

المجرب قاس لك وزن الذهب .. صافي جرامه=والمعلم علم الأمه بعد غطى جهلها
سهم ليلٍ ما درى والسهم في داخل عظامه=اقترب والضوء في حيد المدينه من فللها

المشاركة الأصلية كتبت بواسطة الصقيل المجرب (المشاركة 989422) المجرب قاس لك وزن الذهب .. صافي جرامه=والمعلم علم الأمه بعد غطى جهلها سهم ليلٍ ما درى والسهم في داخل عظامه=اقترب والضوء في حيد المدينه من فللها

المشاركة الأصلية كتبت بواسطة ناصر الشلاحي (المشاركة 989428) صحت اللسنتكم على هذا الطاروق الجزل الله لا يهينكم تقبلو مروري