رحنا ضحايا للأجانب كل وقت وكل حين= الخادمة في البيت والسواق في صهريج غاز
إلى متى والشعب بين صياح وجروجٍ وأنين= أين العقول النيره في نجد واللي في الحجاز
في كل يوم نشوف دم يصب وحنا ساكتين= ماكنّ هذا الامريعني شئ حتى بالمجاز
ياشعب لاتنساق أمام مخربين ومغرضين= أعلن جدار مقاطعه مبني على مبنى عزاز
مافيه داعي للخدم عشنا سنين مكرمين= وبيوتنا في خيرما يحصل لها نقص وعواز
اليوم اشوف مغالطه في الفكرمدري في اليقين= كلاً يفاخر بالخدم بئس الفخروالارتكاز
أجيالنا راحت هدروحنا نُعزى صابرين= كن الهدف مرسوم وينفذ بدقه وأمتياز
كفى كفى ياشعب لاتنظريسارولايمين =خل النظر قدام مستقبلك لايحرق بقاز
ياالتاجرالغدارلاتتاجربقتل المسلمين= بيع الفيز في السوق مثل الزلزله والاهتزاز
أين العقاب الصعب للي في الامورمقصرين= أين القلم مايكتب إلا في المديل وفي الطراز
أ ين الصحافه مانشوف إلا كتابة مستحين= ولياطلع نادي نشوف اقلام فااااز وكيف فاااااز
لكن دم الحر لايعني لهم شئ ثمين= يموت بالسكين وإلا يموت حرق البرتغاز
الطفل يذبح خنق وإلا يُشرب السم المبين= يقتل بدم بارد ويُرضع مع حليبه بالقزاز
شئ يشيب الرأس من هوله ويندى له جبين= ويُحطم الاحلام لو تحليقها مع طير باز
ياحي ياقيوم تكفينا شرور الحاقدين= وتُطهربلاد الحرم من كل غدارٍ وناز

المشاركة الأصلية كتبت بواسطة ابن ركيبين (المشاركة 1326724) المبطي اجدت في طرح الحلول بقالب شعري حكيم صح الله لك اللسان والقلب والوجدان تحياتي لك وشكرا ياشاعر

المشاركة الأصلية كتبت بواسطة ابن سلوم الهيلوم (المشاركة 1326863) صح الله لسانك يالمبطي

المشاركة الأصلية كتبت بواسطة ياسر. (المشاركة 1326867) صح لسانك ودام هتان مدد مو عدد والله يرحم موتنا وموتاهم لاشك ان ماقلت مايحتاج نقول معه شين كفيت وفيت شاعرنا ابيات محزنه صادقة حبك سبك لله درك

المشاركة الأصلية كتبت بواسطة فيصل مطر (المشاركة 1326899) صح لسانك والخافي أعضم ذحين السواق (يوصلك) مرادك صعب المنال ب 50 ريال والله يسسسسسسسسسسسستر

المشاركة الأصلية كتبت بواسطة محمد البرقاوي . (المشاركة 1326925) عبدالرحمن المبطي صح لسانك قصيده تحكي الواقع تحياتي

المشاركة الأصلية كتبت بواسطة وصل الشهيب (المشاركة 1327163) الشاعر عبدالرحمن المبطي صح لسانك فعلا السايق والشغاله موضه لدى بعض الناس والعواقب وخيمه والعياذ بالله تحياتي