|
فالح الغنامي وعبدالله الميزاني و السبب ( صقر سليم )
محاوره سابقه فالقصيم في حفله لدى قبيلة مطير لعب الميزاني الطاروق الأول ورحب في محله ثم جاء صقر سليم ورحب فالطاروق الثاني بما أن الحفل عند خنذف وخصمه من شبابه وطلب فالح الغنامي ولكن كان للميزاني رأي أخر ويرى أن ترحيب صقر سليم خاطئ!! صقر سليم عبدالله الميزاني صقر سليم عبدالله الميزاني صقر سليم . . . . . . بعد ذلك غير الميزاني وطلب فالح الغنامي منتقدا الشعراء الشباب وصقر سليم خصوصا عبدالله الميزاني فالح الغنامي عبدالله الميزاني فالح الغنامي عبدالله الميزاني فالح الغنامي عبدالله الميزاني |
الف شكر يالغالي ..
لا تعليق .. |
يا لا لا لا لاله يا مرحبـا عـد نـو المخيلـه
يا لا لا لا لاله في حلة أهل الوفاء وأهل الكرامه يا لا لا لا لاله أشـوف فالـح هروجـه قليلـه يـا لا لا لا لالـه إيـدور متلطمـن بالعمامـه يفترض ان يقول في الترحيبه بالنيابه في حلال اهل الكرامه)لأن لضيف معازيب وشعارهم موجودين ..هذا اول شي ثاني شي يفترض مايرحب لأنه طالب شاعر ضيف مثله ثالث شي ..تمنيت من سوار الذهب ان يكون رده اخف من ذالك لاكنه زعلان جداً ومن حقه يوم قال لحجي تهامه يقصد ماتعرف سلوم العرب تقدم على معازيبك وترحب بضيوفها : لو مافيه شعار صح لكن شعار مطير موجودين ويحق له يزعل هذه من وجهة نظري |
عبدالله الميزاني الله يشافيه بس
هو كل صيفيه لازم يخربها شكرا الف ياابو فايح |
صقر سليم شاعر مبدع وقوي ويسير بـ خطى ثابته نحو القمـّه
والحقيقه أنـّه يشرّف في كل محفل .. وعاقل وأديب يعطي الرجال حقوقها وترحيبته ما فيها شي لأن ّ الميزاني لعب قبله ورحـّب .. ترحيبته في محلـّها ومدح أهل الحفل [ في حلـّة أهل الوفاء وأهل الكرامه ] وطمرة الأخ في الله الميزاني غاديه .. رغم إنـّها غير مستغربه منه وأخطأ خطأ يحسب على أهل الحلـّه يوم يقول سليم ماهي أصيله ولحجي تهامه مدري كيف تجرأ على مثل هذه القبيله العريقه [ سليم بن منصور ] أمـّا فالح لله درّه يقول الشعر كما يجب أن يقال فعلا تقديري لـ / أبو فايح وحبـّة خشم :) |
اقتباس:
أنت وجهة نظرك لـ حالها دائم .. لله درك بس |
اقتباس:
نعم هذه وجهة نظري" والموضوع موضوع نقاش لجميع الا عضاء بما فيهم سلطان حامد لكن سلطان حامد عينه على اسمي ولم يشوف الموضوع وهذه مشكلتنا في هذا المنتدى نحارب اسما ولا نتكلم بالحق في النصوص واعطيك مثال ممكن يقرب لك الرؤيه اكثر ابي منك شي واحد تروح ارشيف المحاورات ورشيف قصيد الا عضاء وتشوف التقييم خمس نجوم عشر نجوم على قصايد ناس معروفين في الساحه من شعراء نظم ومحاوره اما قصيد الا عضاء محد يقيمه مع انه افضل من بعض قصايد الشعراء المعروفين لكن مثل ماقلت الناس تطالع في الا سما وليس النصوص وهذا مما يدل على العين الثاقبه التي تقيم الشي .... انت ياسلطان حامد . علق على النص وخلنا نشوف رايك وترك سلطان البقمي وعلومه ممكن نحصل منك راي يتفق العموم عليه تحياتي لك |
^
طلع من الموضوع هههههههه نزل قصيده وعندي انا اصكها عشر نجوم :) |
اقتباس:
اسمحلي بتعليق بسيط وسع صدرك معي شوي في محل اهل الوفا والكرامه يقولها شاعر مطير وهذا اللي زعل سوار الذهب السلمي قال ترحيبة اهل المحل ماجاب غيرها وهذه هي المشكله هل تتفق معي ولا تعارض؟؟ ودنا برايك في تعليقك |
اقتباس:
لالا ماطلعت من الموضوع هذه الحقيقه لاكن انتم تعكسون الحقيقه وهذا ردك دليل على كلامي ليش ماتقول والله انك صادق ماعندك جرأة تقوله؟ بالنسبه لقصيدي مشكورين ومجملين لا حد يقيمه شوفوا غيره من قصيد الشباب هذا نقاش للفايده مو حرب إذا جبنا شي مفيد |
اقتباس:
|
اقتباس:
لحول ولا قوة الا بالله ياسلطان هذه الترحيبه يقولها راع المحل حتى لو انه انت عند ربعك تبي تقولها لسلمي صح ولا انا غلطان منت مرحب بهذه الكلمه؟ هل إذا قلتها تحسب عليك غلطه وانت المعزب؟؟؟؟؟؟ الغلط لو قلت في حفل عتيبه مرحبا بالنيابه هذا هو الغلط !! |
تبون الصدق بدون مجامله
صقر بدون قصد غلط في الترحيب خاصه وانه في اول الحفله وفيه شعراء من مطير موجودين ماني مجامل البقمي لكن كلامه صحيح لو صقر اشار الى القبيله بالنيابه اهون خاصه وانه ضيف مثال من المحاورات ولكم الملاحظه فيصل الرياحي ومصلح بن عياد يحضرون في حفلات عتيبه مع مستور وحبيب ومصلحه مايرحب ب فيصل لانهم ضيوف والمعازيب عندهم شعراهم وما كلفوا مصلح بالترحيب لاتخلطون الاوراق ببعضها هذي سلوم قبايل مال الشعراء ولا العنصريه ولا القبول من شاعر على حساب شاعر اخر بالنسبه للميزاني رده فعله مبالغ فيها بكل صراحه يعني وضح الغلط وكمل القاف لاتكبر الموضوع وتخرج الى اشياء اخرى _ لحجي , ينفي اصاله قبيله _ راي خاص فيه ما احد مجبور فيه عبدالله الميزاني اكبر من بعض الانتقادات واقل من اللي يغلون في شاعريته يعني له اخطاء في بعض التصرفات ويمكن ماله قبول عن البعض بسببها لكن لا نسقطها على شعره المغالين في شعره اقل من ماتقولون يعتمد على الغرائب والتعقيد اللفظي وهذا اسلوبه ومن حقه موهبته ولكن لايتوقع ببعض التركيبات ان وراها معنى كبير او قوى في قوة التركيب وغرابته تحياتي |
لا زلت أتردّد على الموضوع لـ / أقرأ بيوت أبو نقاء
وتمنـّيت أنـّك يا أبو فالح جبت لـ صقر طاروق بعد طمرة الميزاني هذي ودي أقرأ وش قال أبو تركي |
سوار الذهب حسبها تجاوز اصول وحب يعطي درس قاسي للشعراء الشباب وهذا في صالح الشعر حتى لو زعل صقر سليم في حينه عندما يراجع نفسه يعرف إنه مخطي وسوار الذهب مصيب ولايعرف انصاف الحلول يصرف كاش والمفروض يخفف قوة وعنف الدرس شوي ههههههه
|
اقتباس:
نعم بالضبط والله اني قاعد اضحك من قريت رد سوار الذهب والله من قلب يبي يلقنه درس يدرس في شعر المحاوره ومعه حق وسبق وقلت على حق وتراه ماعم سليم قال (في سليم) يعني يقصد خصمه اشكرك على تفهمك الصواب |
اقتباس:
العفريت اشكرك على كلمة الحق والصواب |
سلطان حامد عقبال ماتصير بعد 20 سنه شاعر قسم همس قوافي في منتدى عتيبه وتحط نجوم
نتمة لك توفيق |
المفروض إن عبدالله الميزاني مايلاحظ عليه الا بعد مايرد فالح الغنامي على صقر ومن ثم يلاحظ عليه بطاروق ثاني يبدأ فيه عبدالله يطلب صقر سليم
،، زيد العضيلة قد رحب عند عتبان ولاحظ عليه ملفي وأيضاً فواز العزيزي قد رحب عند عتبان ولاحظ عليه سفر ولكن مابالغوا ولاتهجموا عليهم وقللوا من شأنهم عشان هذا الخطأ ،، وهم الآن عبدالله و صقر إن شالله متصالحين ومتصافين |
ثنيان الجش
ردة فعل خاطئه من أساسها الشاعر سلطان بن حامد وجهك توجيه في موضوع الردود في المنتدى الانتخابي المفروض تشكره وتكتب جمل مفيده خاليه من الاخطاء ماتحمل في نفسك وشاعرية سلطان بن حامد لست أنت جديرا بتقييمها |
صقر السلمي اخطاء
وعبدالله الميزاني اخطاء راجعو المحاوره وتركدوا |
الف شكر للجميع على المرور من يقول صقر سليم أخطأ يسمح لي أقول هذا عرف فالمحاوره بالذات اذا ماعرفته مصيبه وكلمة بالنيابه ماهي ضروريه ولو تبغون أمثله ارجعوا للمحاورات خصوصا التي فيها شاعرين من شبابه ومثلهم من خنذف ومهما كان أيضا حتى لو أخطأ صقر لا ينبغي للميزاني أن يرد بمثل ما قال خصوصا ( سليم ماهي أصيله ) |
والله إني أشره على كل من رد بتأييد لعبدالله الميزاني يا الربع اتقوا الله فيما تكتبون !!! بغض النظر عن إن صقر سليم أخطا ولا لا هل هذه ردود تصدر من شاعر أمام الناس : اقتباس:
ما عاد باقي ألا يقول : يلعن أبــ... وكـــ..... أمك , وهذه الألفاظ التي سيصل لها الميزاني في القريب العاجل إن لم يوقف عند حده , وأتوقع ستحدث مشكلة في أحد الحفلات بسبب هذا المريض . ولو أن الشعراء الآخرين متعودين على أنهم يمزحون مع الميزاني يعني مزح متبادل يمكن تهون ..... لكن الآن كل الشعراء ينظرون لما يقوله الميزاني نظرة أجد من الجادة ويعرفون أنه يقصد كل ما يقوله وبشكل مباشر ... وين حنا كلنا قبايل وكلن يفخر بقبيلته .... ومثل كلام الميزاني يباله رد يدوي وليس شعري حسبي الله عليه وش خلى لعيال الشوارع ؟!!! ... |
اقتباس:
الله لا يخلينا من أهل العرف :) |
اقتباس:
:) |
يا أبو فايح طال عمرك كا بينك وبين سوار الذهب شي شخصي علمنا طال عمرك :)
العام اربع تقارير في الصيفية لوحدها والسنة هذي يمكن تحطّم رقمك القياسي السابق الحفلة هذي أنا حاضرها شخيصا قبل اكثر من خمس سنوات في الرياض وليست فالقصيم وكان موجود في الحفلة الميموني رحمه الله وكل شعراء مطير رحبوا ويوم جاء دور صقر مع الغنامي وقف مايدري يرحب والا يسلم والا يغني كذا قال ابي ارحب طالمى انا كلنا من خنذف وفعلا إندفع الميزاني عليه بنفس الطاروق المذكور والميزاني أخطاء مليون في الميه والخطاء راكبه من راسه لساسه بس أنا أبي اسأل عن توقيت التقرير ومحاولة وضع الحفل في القصيم وماشابه من اللغط والتجاوزات أنا عندي بعض الملاحظات على مواضيعك طال عمرك المنتدى يحمل اسم القبيلة اللتي نفخر بها جميعا ويجب علينا صيانته من التجاوزات على القبائل أو إساءات غير مسئولة تحسب على سمعة المنتدى وأهله أو تصفية حسابات وماشابه ذالك وإذا كان فيه بعض المنتديات تسيء لقبيلة عتيبة كيف نعارضها ونحن نتخذ نفس تصرفاتها وإذا كان نكاية ببعض أبناء قبيلته فيجب التوقف عن ذلك حتى لانخسر أحدا وكما يقال إن لم تكسب فحاول لاتخسر عموما أنا كتبت هذا الكلام لمعرفتي التامة بسعة صدرك وعلو خلقك ولكن لايمكنني الصمت عن موضوع يخالف رغبتي وطرح وجهة نظري إن وجدت التأييد فذلك المبتغى وإن وجدت من يعارضها فهذا رأيي أرجوا أن يحترم ويلقى مساحة بين أيديكم |
هلا يا مرحبا حياكم الله في حلال هذيل***رجال يتعب التاريخ مايحصي مزاياها مثال بسيط بيت لمحمد السناني في حفله من حفلات هذيل !! وموجود عمر الخالدي !!! بأي حق يرحب !!! وليه ما رد عليه عمر الخالدي !!! |
اقتباس:
هذا كلامك وانا اقول ابو فايح عنده معرفه!! ياعتيبه لو اجي في حفلكم وانا ضيف عندكم ورحب بصقر اسليم وش تبون تقولون عني وشعاركم على الكراسي وانا ارحب بضيف معي؟؟؟ هل تصير عند عتيبه ؟؟ هل ترضونها؟؟؟ انا اخاطبكم كلكم ليس اخاطب ابو فايح يا مسلمين لا تغيرون الا صول والسلوم .... والله حتى في محاورات المنتدى مقدر ولو اسويها لتصير نقاش السنه في المنتدى بين شعاره مو في حفل فيه شيوخ وعيان القبايل ارجو الا جابه منكم محايده في الصواب ماعليكم في ا سما المتحاورين |
الأخ فهد عزيز وغالي ممكن تذكر من كان فالمحاوره من الشعراء غير المذكورين !!! لأن تفاصيل الملعبه كلها عندي !!! وثاني شي المكتب كاتب فالقصيم وليس مهم مكان الحفل المهم ما صار . وبالنسبه لباقي كلامك الخطأ سنعلق عليه لو تكرر ذلك مئة مره حتى ينتهي من يعجبه ذلك أهلا وسهلا ومن لا يعجبه ليس مجبور على الدخول للموضوع اذا كان يسكت عن الخطأ غيره لن يسكت !!! وأقرب مثال موضوع حفلة مرهب وخروج الهاجري والسمي عن النص علقت عليه ولم أجامل أحد أو أسكت عن الموضوع !!! وبعدين وش معنى الميزاني يحصل منه كل ذلك ليش ما فعلوها بقية الشعراء !!! ليش ما تقصدت ألا هو من شعراء مطير كما يخيل لك اين العزيزي وتركي والقعياني وغيرهم !!! ومن يقرأ ما أطرح بأفكار تعشعش في رأسه فلست مجبرا على إزالة ذلك |
طيب يا سلطان ولو أني أعرفك وأعرف النقاش معك لا يصل لنتيجه أولا شي لا تخلط الأمور هناك أصول فالمحاوره وأولويات شعراء خنذف يرحبون عند خنذف وكذلك شبابه وبعدين أسئلك لو أول قاف لك فالحفل وناوي تطلب خصم ليس من أهل الحله وأهل الحله أقرب لك من نفس حلف خنذف وش تقول !!! إن سلمت تبغاه يرحب !!! وإن رحبت تقول خطأ !!! وإن جيت مدرعم ودخلت فالمعنى وش يقولون عنك الريجيل !!؟؟ |
اقتباس:
لا بالله ماترحب في محلاتنا يابقمي لو نموت ترحب بضيوفنا نصايب قبورنا خل عنك الكلام وانا علمتكم بالرد الاول بامثله حيه وكلنا عايشناها مع رجال العرف وعمالقه الشعراء مستور وحبيب وفيصل ومصلح اللي يقول محمد السناني يرحب في محل هذيل وعمر حاضر هذا شانهم ويمكن مكلفينه ويمكن ما عمر مايبغى يحرج السناني - هذا السناني - خلونا واقعيين يا ابو فايح ابغى اجيك ضيف انا وسلطان و الجش في ذمتك ترضى سلطان يرحب في منزلك ياربع ترى هذي سلوم قبايل مالها داعي تتجاوزونها وانا ما اقول الميزاني معه الحق المطلق في الكلام اللي قاله كبرها بالحيل وخرج عن طوره وحل الموضوع بسيط قريبا اجيب لكم محاوره فيها نفس الاشكال بين صياف ومستور ان حصلتها في اليوتيوب تحياتي |
صقر سليم خندفي والمحل محل الخنادف , اذاَ ترحيب صقر سليم في محله ايذا كان الدور دور صقر سليم وشاعر عتيبي
من يقول ان صقر سليم مخطي تراه مخطي ملاحظه/لاتحكمو في الموضوع من الوهله الاولي اترك لعقلك فرصه لتحليل والتفكير ثم ابدا بالحكم |
اقتباس:
ههههههههههههههههههههههه انا مجنون ارحب بضيف معي واهل الحفل شعار ليش مافي وجهي حيا ضاقت السوالف علي!! الجواب اقول سلام الله على مطير والحضار والبيت الثاني انا ديه بسمه وهو يا مرحبا عن مطير معروفه مايبيلها سوال اي شخص يعرفها وخذف والسوالف هذه إذا مافيه احد موجود من شعارهم ... ترحيبته ترحيبة سلام يخصني مثل يوم اقول عليك السلام يابو فايح او مرحبا يابو فايح تخصنك ماتخص مطير |
الحقيقة لم اعد استغرب ذلك من الميزاني وعش كثير وتشوف كثير منه رد بسيط على سلطان البقمي يقول لاتغيرون السلوم وانا لوجيتكم ورحبت في محلكم وشعاركم جالسين انا مخطي ولا لا؟ أقول ياسلطان لاتعكس االصورة الموضوع ليس كما طرحته انت الموضوع لو جيتك انا وابو فائح مثلا عندك في محلك يالبقمي ومعك واحد من خنذف على سبيل المثال شاعر من هذيل وقمت انت ورحبت ولعبت طاروق معي رغم اني ماني بشاعر ثم قام الخنذفي الهذلي ورحب باابو فائح بنفس طريقة صقر سليم هل يحق لك ان تقول له انت لحجي تهامي مالك اصل ؟؟؟؟ أرجو ان تجاوبني |
اقتباس:
والله انه شر البليـّة ما يضحك صدق ههههههههههههه اقتباس:
اطرحه يالعفريت مرحـّب في محلـّنا ههههههههههههههههههههه |
اقتباس:
ايوالله باقوله كانك ترحب وانا شاعر موجود في حفل ربعي وانت وش جابرك ترحب يامسلم؟؟؟ سلم على العرب وطلب الشاعر بسمه |
http://www.youtube.com/watch?v=hAVgY...eature=related
شوفوا واحكموا المفروض الميزاني يشير للغلط فقط مايخرج عن الطريق المستقيم ولكن هؤلاء العمالقه مايجي مثلهم في اي جيل تحياتي |
ذكـّرني بـ أبيات من ملعبه مشهوره عند الهيضل
وكان شعـّار مستور وحبيب وفيصل الله يرحمه ومدري صيـّاف فيها والا لا رحمة الله عليه يقول حبيـّب يا مرحبا في ديرة الهيضل = اللي شهر بين العرب صيته وأقول يا مستور يا فيصل = اللي يجي منكم تحدّيته طبعا ً رد ّ فيصل لأن ّ حبيب رحـّب ولو كان مسلـّم كان جاه الرد من مستور وهذا من ذكاء حبيب المعهود عنه :) |
اقتباس:
مساء الخير جميعاً .............. ابو تركي البلوي ارحب بسمي وبسم إدارة وأعضاء منتدى الهيلا بالشاعر القدير ابو تركي البلوي مرحبا في منتدى الهيلا هل الخيل الاصايل قلتها بسمي وبسم اهل الكرم وهل الأشـده دام ابو تركي حضر فالمنتدى بين القبايـل طاب ليل اللعب يوم الخصم قابل خصم ضده ( قلتها بسمي وبسم اهل الكرم وهل الا شده) وهذا نت يعتبر للجميع وانا طالب شاعر بلي من منتدا هم وعرف انه يخدم المنتدى ويستفاد منه وهو شاعر صراحه ماهوب قدم شعار عتيبه وفي حفلهم وقدم شيوخهم فرقو في الموقع وفي الترحيبه! |
اقتباس:
وليش ماتقول يالحجي مالك اصل بعد؟؟؟ هههههه انا ارى وحسب وجه نظري مافيها شي وقد سمعت مثل ذلك كثيرا من الشعراء واذا افترضنا انه أخطأ لايستوجب ذلك قله الحيا والكلام الشوارعي والا وين تقدير الرجال اللي حاضرين في الحفل ووين ووين؟ أمور يجب أن يتنبه لها الشاعر فالشاعر ابن قبيلته يجب ان يظهر بمظهر لائق ويحشم السامعين بمنطقه وتصرفاته .... ولا بارك الله في شعر نهايته كذا تحياتي |
| الساعة الآن »03:01 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd