السلام عليكم ورحمة الله وبركاته
.
أسعد الله أوقاتكم جميعا ً بكل خير
.
أطرح لكم صوت و صدى

.
دارت بيني وبين الشاعر الرائع / مشعان البراق
.
في تاريخ / 23-09-2009
.

و أرجو أن تحوز على رضاكم
.
.
.
الصوت :

على مشعان بَسْنِدْ لي قصيده = جديده في معانيها فريده
وأقول البيت لا مني قريته = أعيشه عيشة ٍ ماهي سعيده
تقول إنّك تبيّن ما خفيته = كتبته بإختصاره مع مفيده
ليا منّي قريته ياوجودي = وجود اللي همومه ما تحيده
تعنّا في حياته ما تهنّا = وعاش العمر بظروف ٍ شديده
يقاسي لوعة ظروفه يقاسي = لو إن ظروفه ظروف ٍ عنيده
وجودي مثل وجده لا توّجد = على اللي لا رحل صعب ٍ معيده
طرحني قايد الخفرات يومه = رحل ماشاف في قلبي رصيده
رصيد ٍ ما يحسّب فالمصارف = يزود ومانقص لحظه مزيده
ألا يا صاحبي مشعآن قلي ؟ = و فسّر لي كلامك ثم عيده ؟
تقول الهجر مبروك ٍليا من = لفت بعدهْ قصايدك العديده
أنا وش حاجتي للشعر بعده ؟ = وطعمه فاقده عقبه فقيده
صحيح إني أعبر عن شعوري = وأوصلـْه لمسافات ٍ بعيده
ولكن ثم لكن ثم لكن = معاه الشعر له صوره جديده
رسمها وصله و كثر إتصاله = وهرج ٍ بالعسل كنه يزيده
وزول ٍ تبطي الأزوال عنده = وفرقه فرق ماسه عن حديده

صدى الشاعر / مشعان البراق :
.

هلا بـ .. اللي مطاليعه بعيده = بعد ما آسند على اخوه القصيده
كتب ما دك في صدرّه / هنيّا = ماهو :- عبر المجله والجريده
ارحب به من اعماقي واهلّي = عضيد ٍ .. فرحته شوفة عضيده
لو انه يوم غنّا ما ترك لي = من بيوت القصيد .. ولا شريده
آخذ عني الشرايد .. كلبوها = وخلاني كذا ( على الحديده ) !
ومع اني تالي الايام .. كني = معقّل هاجسي .. ما اطلقت قيده
لكن .. الله يجملني , وآحاول = اجاريه فـ .. قصيدته الجديده !
واوضّح له وش اللي في ضميري = وويش اللي بغيته يستفيده ؟
الا يا مشتكي من هجر خلك = ترى الدنيا .. ماهي دايم رغيده
ولا آحدن دايم ٍ فيها .. مخلّد = ما اقول الا عسى سنينك مديده
لكن : الشعر له بعض المواقف = ما تنسى في التواريخ المجيده
آله ماضي وآله حاضر وتبقى = له أمجاد ٍ .. مع الشاعر تليده
تسطّره المشاعر .. في سجلّه = ويجري .. مثل دمّه في وريده
وعيده .. كل ما آحياء ذكرياته = يسج عن العرب لا عاد عيده
وياصل لـ .. لثريا من مكانه = ولا شي ٍ .. مع افكاره / يكيده
هذا ما دار في بالي .. وقلته = وشاكر لك .. مساعيك الحميده !

وسلامتكم
.
احترامي
.
:)

المشاركة الأصلية كتبت بواسطة عبدالرحمن الهيلوم (المشاركة 932712) ابض وجه يالذيب وصح السان البراق شاعر مبدع

المشاركة الأصلية كتبت بواسطة ابن صنهوت (المشاركة 932729) صح السانك ولسان مشعان يا عمر

المشاركة الأصلية كتبت بواسطة ولدعساف (المشاركة 932765) ابيض وجه يالذيب وصح السان البراق شاعر مبدع

المشاركة الأصلية كتبت بواسطة عبدالله الجـــذع (المشاركة 932910) الله عليك يابو الحميدي كل قصيده لك ازين من اللي قبلها ماشاء لله عليك صح لسانك مدد وصح لسان العذب ابو محارب فايف ستار محبك

المشاركة الأصلية كتبت بواسطة ابن سرحان الثبيتي (المشاركة 932930) الله الله ياعمر صح لسانك وصح لسان الشاعر العلم مشعان البراق تحيتي

المشاركة الأصلية كتبت بواسطة سعد السميري (المشاركة 932954) الله الله الله إستمتعت بقرائتها إسمتتاع حقيقي .. :) وصح لسانك أستاذي عمر .. وصح لسان الشاعر المبدع .. مشعان البراق .. إجتمع الإبد1ع ليرضينا ويمتعنا .. بالتوفيق

المشاركة الأصلية كتبت بواسطة بندر المرشدي (المشاركة 933040) عمر صح لسااااااانك حتى ترضى والشاعر المعروف مشعان البراق شاعر جزل يستاهل ان تسند له القصايد بيض الله وجيهكم كلكم وصحت السنتكم

المشاركة الأصلية كتبت بواسطة مرزوق حمدان العتيبي (المشاركة 933231) ... قلت واجزلت ياعمر .. مليون صح لسانكـــ .. ومليون ....صح لسان الجزل مشعان ... ....

المشاركة الأصلية كتبت بواسطة أبو فيصل الدلبحي (المشاركة 933284) صح لسانك وصح لسان البراق

المشاركة الأصلية كتبت بواسطة محمد غازي النخيش (المشاركة 933317) الله الله صح لسانك ياعمر ابدعت الله لايضرك وصح لسان العلم مشعان البراق صوت وصدى رائعه