سلام يابن حميد قايد عتابه=برقا وروق مرجحين الموازين
كم واحدٍ رمحك وسيفك سطابه=الشيخ يفعل والقبيله سطيين
فقار نجد يصيح مما لجابه=حذف الجثث والخيل يسرا وميامين
من فعل ابن هندي كعام الحرابه=ينخى هل الهيلا دهات الميادين
صحيح ماتنفس ونشكي الإصابه=لكن عزمنا لين شلنا الثقيلين
حنا تهقوينا وطحنا بغابه=لكن قسمنا غابة الذيب قسمين
نسمع زفير النمر وعوا الذيابه=تقول في حشاها تخج السكاكين
لكن هيبتنا تروع العصابه=فرساننا من كل فخذٍ شجيعين
والبيت رفعه وسّطه والذرا به=والكيف سوي ويق فنجاله الصين
في نجد رسينا ودجنا شعابه=والشيخ يثني للرجال المسمين
نجد المسمى مشوهقاتٍ هضابه=حمر دغاسيات من تربة الطين
وشوف العبل اليا تطارد سرابه=يدمي القلوب اللي علينا غليلين
وادي الرشا لاسال سيله نحا به=وهو متمثني نجد يدحم بمتنين
يروي العدود الموغره في شرابه=يقطع ظما اللي بعيدين وقريبين
وقال الرويس وجاك يلقي خطابه=يصهل بفعل الشيخ ذخر السلاطين
ياحي علماً جابه الشيخ جابه=والبل لها هيبه وحنا مطنين
حنا معك في اللين والا صعابه=تآمر علينا وكلانا مستعدين

على العز ياقصرٍ زما مثل ضلع آبان=يهيض النجوم المرقبه في دجا الليلي
بناه المسمى الشيخ في مخطط الروسان= بمثناة نجد بعبلةٍ قصره مهيلي
هذا الشيخ (ابن جامع)وشيخ من العتبان=له هيبته والشيخ يوفي المكاييلي
ابو خالد اللي شيخته تبهت الميزان=يحل الحبال اليا لوتها المحابيلي
واليا سيق طيب العود يشفى به المرضان=يجي فالشنط ماجا وقيه ولا كيلي
ولا نيب انا اللي بمدحه تشهد له العربان=دلاله صفر رسلان وبهارهن هيلي
وباب الكرم هداج تيما زبن عمان= يشوف الحشو تنحر ولا لد فالحيلي
وابا المعذره ياشيخ وان زل (ابن عوجان)=وانا بختصرها عن هل القال والقيلي

عسى الوسم يامناحي يساقي فياحي نجد=لا صلو صلاة الظهر مع ميلة الفيه
يساقي دماث الارض لين بثراها تند=ووادي الرشا يضك من فوق كبريه
يسوقه ولي الكون جزلٍ اليا من مد=ويحيي نباته ىوأرضه اللي ضماويه
هو الخالق القادر إليا قال كن ما رد=بسط سبع أراضي وسبع الأسماء السماويه
وقلوبٍ تشيل من الحسد من بشر ماتعد=وكلٍ يبا يحاسب على حسنه وسيّه
واليا حط وسط اللحد واللحد بيسد=يبا يشوف ماسوى بعينيه مرئيه
وانا اشوف لي ناس سواء وشربها من عد=احد منصحٍ واحدٍ يبي هدمة الطيه
وترى الآدمي مسكين مقرود مثل القرد=يسوقه طمع دنياه ويغير النيه
وانا رجل ماأجامل ولا اقول كود الجد=اليا صرت عاقل ليه انا اجادل العيه
ولا شفت ناسٍ طبعها شين قلت البعد=اليا شفت دابٍ صل تلقى معه حيه
وانا يوم اجنب يا مناحي وقالوا صد=اشوف الأخو يابوك ماياصل أوخيه

ياقلب لا تحزن على شي مقسوم=دبرت إله رتب الكون ترتيب
دنيا توريك السعاده طرف يوم=والبوم الاخر تنخشك بالمخاليب
وخلك على صكات الايام صمهوم=ويعوظك اللي عالم وش ورى الغيب
رضيت بالجاري وابي اقول مرحوم=ومن لا صبر يصبر اجباري بلا طيب
من ينطح الخالق اذا خط مرسوم=ويبي يسلم ويقول من اول مراطيب
واقفيت من دنياك واقراربقفوم=وكلن على كبده سواة اللواهيب
واختامها صلو على خير معصوم=صلوا معي ياهل القلوب المواجيب

ذكرتني ياسعد وقتٍ مضا ليه=عمرٍ قضيته هنا من ماض الازماني
خدٍ مشيته على الموتر ورجليه=باول حياة الشقا يوم الله اشقاني
فأول حياة الشقا محدٍ فطن ليه=يومٍ ابويه تركني عند جداني
كم ليلةٍ ياسعد نفسي خلاويه=اما مع الذود والا نتبع الضاني

ياراكب اللي حراج السوق ماطبه=وراعيه ماوقفه للبيع محتاجي
الــزيت مـــن مصنعه اليوم ماكبه=ولاهز بديه مع البران مطناجي
جمس يشوش الدريول يوم يركبه=لاضاق صدره عطابه كل منهاجي
في ورشة السمكري محدن تطببه=ولافيه شي من الصدمات مطعاجي
الورع ماداج به فالسوق يلعبه=مـهمتــه للسفــر فالسوق ماداجـــي
ياراعي الجمس عني لاتهربه=ابيك تقطع عليه خطوط وافجاجي
قم عاير الزيت والماء والكفر عبه=وشيك على الجمس لا يطلعبه انفاجي
ترى طريقك يبي السواق يصلب=ويبيك تدعس على البنزين للصاجي
امسك جوابي من مصده وغربه=مـمشــاك قدام نـور الصبـح ينباجـي
وملفاك فالطايف الامثال تضربه=مـاحط للباب دون الضيف مزلاجي
كريم سبلا لاجاه الضيف رحبه=الضيـف لاجـاه يلقـى فلـة حجاجــي
الطيب كسب لبومشعل ويرغبه=بالمرجله والكرم والجود هداجـــــي
سلم له الخط والفنجال ماصبه=وقلــــه ترى زيد يشكي ماله علاجي
ويشكي من اسباب غرو ياسعد حبه=وباسباب حبه غرق من بين الامواجي
غرو دمر صحتي ماخاف من ربه=وعند العرب ياسعد سبب لي احراجي
الفكر مني ظريف الطول غـــــيبه=دخــلت عشقـه ولا حصلـت مـخراجي
دافور عشقه بقلب المبتلى شـــــبه=وراحت حياتي سهر وهموم وازعاجي
اهدى علي الغرام وصرت معجبه=ومــا والله اسمـــع بحبـــه كــل هراجي
ولو كان كلن هرج فيــه وعذربه=مانيـــب ناسيـــه حبــــه فـــالحشا لاجي
درب الهوى مــن تــولع فيه شيبه=وهـذا حسب نظـرتي للحـب وانتـاجـــي

تزعل بلا سبه ودوم اراضيك=حتى ولو سيفك عليه تسله
لقيت منهو بالمحبه يساويك=من تشوفه عيوني ترى ماتمله
حبك غرس يالقلب ذكرك وطاريك=وابطا بحبك واستحل بمحله
يومك علمت اني احبك واصافيك=قلت اتغلى قلت ربي اذله
انا عزيز النفس والله مرجيك=لا تحسبن قلبي سواتك تعله
جعل التعاسه في الدروب تلاقيك=وقلبك تصيبه يالغضي كم عله
والا جنان في دماغك تخليك=تدور علاجك ولاحد يدله

هيه ياللي يوم فاضوا من العصر ركبوه=جيب شاص الفين فوق المواتر معتلي
كن صوته يوم ركبو علاه وشغلوه=صوت عودٍ قام ينخى بربعي ياهلي
نعنبو صنّاعته بالذكاء كيف اصنعوه=كيف قاموا بختراعه وهو ماله حلي
وكيف بفخم تقنيات الحضاره صمووه=لين جاء في شكله الخارجي والداخلي
مابه احد لا بشرايته يوم اشتروه=وارد ذكره مع الشافعي والحنبلي
مادخل للمملكه كود اللي وكلوه= ورده عبد اللطيف الجميل ابوعلي
هيه ياللي من محطة مصده فللوه=لو تركمتو عطوني دقايق ومهلي
واخذو المرسول يم القصيم ووصلوه=مابه احد غيركم يالنشاما يوصلي
لاوصلتو للمليدا جوابي سلموه=لأي واحد من حفاةٍ وفاهم جادلي
من يجيهم ينبسط ثم ينسى امه وابوه=وكل همٍ في ضميره يزول وينجلي
مادروا باللي اليا جاهم الضيف اكرموه=بالدلال الصفر والعود الازرق والطلي
للنشاما يالنشاما سلامي بلّغوه=عد ما على المطر جو قاعٍ ممتلي

ياعاذلين القلب ماهوب مرتاح=لو كان كثرتو عليه المزوحي
يكفي عيونٍ ياعرب دمعها فاح=ومحاجرٍ فيها دموعي تفوحي
حاولت انا فالقلب يدله وينساح=وعيا يطيع القلب رايٍ نصوحي
على عشيرٍ زوّد الهم بجراح=وروحي عقب فرقاه زادت جروحي
فرقاه خلت دمع الاوجان سفاح=اسهر عقب فرقاه وابكي وانوحي
ابو نهود كنها طلع تفاح=تفاح شام في غصونه يلوحي
والعين عين اللي للاجوال ذباح=عين اشقر للخرب ذبحه نطوحي
وخده كما برق اسود الليل لا لاح=والا كما بدرٍ تكامل بضوحي
والعود غصن وسط بستان فلاح=تلعبه الارياح مع كل صوحي
لوابا تمنا ليتلي ريش وجناح=وابعد بحومي يم خلٍ نزوحي
واخذ مع المجمول سجات وافراح= وكلنٍ بسره يم الآخر يبوحي
واقضي معه ليلٍ تغاريد ومزاح=واخذ مرادي من عشيرٍ سموحي
وامشي مع المجمول مسرا ومسراح=في صحصحٍ قفرٍ من الناس موحي
وشفايفه بشرب عسلها اليا انباح=ولاهوب في مز الشفايف شحوحي
واليا حصلّي ماطلبته من الصاح=حلفت انا لتوب توبة نصوحي

ياهيه انا من قوم ذباحة الحيل=لطامة العايل سديدين الآريا
ربعي (عتيبه)عزوتي يامشاكيل=كم من حريب ذاق منهم ملآياء
رفيقنا نسقيه من منبع النيل= وعدونا نسقيه مر عشريا
وخوينا مانتركه للمقابيل=نحماه لا دارت عليه الدوريا

من شاف مثلي ومان الفين=عند العرب كثرت النمه
ياناس وين الموده وين=الرجل يرخص بني عمه
دنيا تخلي العرب قسمين=من عقب ماهيب ملتمه
احد توطاه بالرجلين=واحد توديه للقمه
رفيقنا نجعله بالعبن=ونشاركه في بعض همه
من زارنا مرحبا واهلين=ومن صد مانلتفت يمه
واحذر واحد من الاثنين=الزين والشين ماهمه
نمام يلعب على الحبلين=مستوزيه بليس في كمه

لاوالله الا مابقى شي ينقال=كل شي تغير يازمان العجايب
كيف المره تمشي ببيجر ونقال=وقدم العرب تضهر حسين الذوايب
رجالها لو به من العقل مثقال=حشّم هله عن نايدات الهبايب
مار البلا انه مابقى اليوم عقال=عقالنا حطت علاهم نصايب
المرجله ماهي ببسام وعقال=وعند المره يصبح ضعيف وذايب
بالله قلي هو بقا شي ينقال=آخر زمن ياحيف وقت العجايب

لا والله الا راح تركي وراكان=ولاعاد باقي غير شادي وفادي
راحو هل الحكمه وهل العقل والشان=واللي تبقى بس ضايع وغادي
اهل المعرفه والكرم واهل الاحسان=راحو ولا شفنا بعدهم سدادي
شبابنا نصفه على شط لبنان=والنصف الآخر ضايع فالمعادي
متفرقين فالمنازل والاوطان=والكل يرجي ضحكةٍ من هنادي

يقطعك يارجلٍ قليل الحصيله=فالمرجله ماله مع الناس مدخال
نقصٍ على ربعه وكل القبيله=من منطقه تدري بتفكيره اهبال
مامن وراه الا الردى والفشيله=والناس من فعله تعجب وتهتال
ياعل جنسه في بلدنا قليله=رخيص سعره لو نبيعه بالاموال
لله درّك يالفهيم الدليله=اللي يثمن هرجته قبل تنقال
حرّ ولد حرّ حباله طويله=لامن تكلم كلمته مالها امثال
هذاك هو رمز النقا والفضيله=فالمرجله يجبعله خصال واخصال
بيت القصيد اللي بقوله حصيله=ليت الردي مايلبس شماغ وعقال

انا ماذبحني غير حبي لتركيه=خذت نصف عقلي واتلفت نصفه الباقي
وقعت بهواها يوم الاثنين عصريه=ومن بعدها احترقت بكفي اوراقي
لها ضحكةٍ تسلب قلوب الهواويه=ولها همسةٍ يفتن بها كل عشاقي
ولها عين تظلم دون رحمه وماويه=ولها خد نوره يشابه نور براقي
على كثر حبي تلحق الكيه بكيه=عذاب سكن بالقلب ماهوب ينطاقي
تعبت بهواها روحةٍٍ من بعد جيه=وهي مادرت عني ولاتفهم اشواقي
اعاني سموم القيض وتلد فالفيه=اقول الوصل وتقول ماهو من اخلاقي
تبي مني انساها وانا اقول معصيه=حشا كيف ابي انسا حب في داخل اعماقي
اذا مت منها لاحد يطلب الديه=عساها تحس بلوعتي بس ولاافراقي
وانا اللي ذبحني بس حب تركيه=خذت نصف عقلي واتلفت نصه الباقي

كلن نشدني عن تواصيف خلي=وش ميّزه بالحسن عن باقي الناس
قلت العفو هذاك فوق متعلي=عن كل زينه مرهفة ذوق واحساس
شعر سواده ليل حدر متدلي=ورموش عين خادرات ونعاس
وان سلهمت بالعين تيه وتغلي=اشرب من الحسرات كاس ورا كاس
شفايفه سكر نبات محلي=على ثمان اللول بابٍ وحراس
وتفاحتين زودن نار غلي=مزروعه في صدر اصفى من الماس
العقل وافي والجمال متملي=في وصفها يحتار ناشد وعساس
هذا جوابي عن تواصيف خلي=متميز حسنه عن باقي الناس

على TWAمع حزة الاظلام=مشت رحلة يم الديار الامريكيه
على متنها شالت كثير من الاقوام=وطارت وحامت فوق الاجواء السعوديه
نصت ديرة يوجد بها الطور والاهرام=محطه ويقفاها مشاوير جويه
من القاهره تقلع لدار الخواجه سام=وتهبط على نيويورك ماعقبها شيه
وانا اللي دفعني لمسكة الطرس والاقلام=رفيقٍ مشا والقصد رحله دراسيه
رفيق معي ياقف لاجت الظروف جسام=اعده من اخواني واقوله على نيه
رفيق صديق صحبته اعتبرها وسام=من اللي لهم بالقلب قدر ومحليه
من شيوخ قوم لاجاء بالليالي قتام=لهم ماقف مشهور في ساحة الهيه
الاد النعيري فالمواقف سند وحزام=مواقيفهم للناس ماهيب مخفيه
رفيقي ولد هيال خالد هو المقدام=عسى الله يرده سالم للسعوديه

الزين عانه مع الأشوام=اهل الحدود الشماليه
زيم مصفّى يابن حزام=ماهوب زين الخليجيه
لاتوح وتتابع الافلام=في وسط خفرة جهاديه
ولاتقول يازين شكل احلام=صفرا ترى واصلها كيه
عودٍ تربيت وسط خيام=عيد الفطر عقبه ضحيه
وكّل على البل والاغنام=واظهر جواز السعوديه
كنك تبي تروح للدمام=واقلع طيران جويه
في ذمتي ان رحت ماتنلام=تتلقى طراه وحياويه
بتشوف زين بدون لثام=ما للمكاييج ماريه
وامل جوازك من الاختام=ختم الخروج ودخوليه
وانتبه لا تجي صدام=تصبح ضحيه عراقيه
لازم توكد من الاعلام=لبنان وحدود تركيه

يالوضح ماحدك على حاجر الشيــح= ومنابت الحرمل شمال المسما
وهاك الخشوم الي حصاها صلافيح= الا الزمان الي ماهوب اخو شما
البر ضــاق وضايقوك المشافــــــيح= واحتدك الضامي على الي مضما
مير اطلبي منشي السحاب المراويح= يــرزقك رزاق المخالــــــيق لـــــما
بمزن يجي من يمة الغرب طفيــــــح=وليـــا ومــره الله رعــد ودلهمـا
نـــو عروض للرعـد فيه تســـــــبيح=اليـــــا توهل عالية نجد سما
مـــدة كـــريم ساقها مرسل الريــــح=من حـــد كشب للوريعه وحــما
قدمـــه ربابــه كالنعام المشاويـــــح=ربــــد تقول اقطــــاع بدو تلمـا
فيـــه الرعــد كنه مصــلي التراويح=اليــا قرا صــورة تبـــارك وعما
ياخذ شهر وثعول وبله مدابيــــــــــح=نوب على الهادي ونوب يتحما
يغنيك عن مرتع قراش الفلا ليـــــح=الي دبشـــهم هامــــل ما يضمــا
واسلاك شايكــــة تجرحـــك تجريــح=وارض بها اكياس النفايه ترما

ياراكب اللي لامشى ياصـل الـدار=جمس عديم الوصف لونه سمـاوي
تسعه جديـد مجهزينـه للاسفـار=هو منوة اللي طول عمره شقـاوي
مقطوع عن كل المشاكل والاخطـار=ماوقفـه راعيـه عنـد القهـاوي
لولا الفرامل والنمر تمسكـه طـار=ودايم على قطع المسافـه رهـاوي
ماحافه شريطـي ولا حـد باسعـار=وراعيه ماباعه ولا هـوب نـاوي
فوقه شجاع حافـظ كـل الاسـرار=يوصل المكتـوب ماهـوب غـاوي
ممشاه من عرعر قبل وقت الاسحار=والعصر في ديره هل العز ضـاوي
ملفاه شيخ مـن وفييـن الاشبـار=عبد الله ابن عون زبـن الجـلاوي
راع الكرم والطيب والجود والكـار=وريف الضعيف اليا بلته البـلاوي
يامعشي الضيفـان ومعـزز الجـار=وذبـاح حيـل مولـوه الشـواوي
له مجلس مدهـال لصغـار وكبـار=ياسعد منهو لبـو نايـف مخـاوي
شبل الاسود مطوعة كـل الاشبـار=حميـاة التالـي نهـار الـعـزاوي
يافزعة ( الروسان )اليا حلت الدار=لجـا لـزوم دون ربعـه فــداوي
فك السجين اللي شرب كاس الامرار=مصبر على قيـد برجلـه يـلاوي
ماجاه علم ولا سمع منكـم اخبـار=والموت عنده والحيـاه متسـاوي
ينخاك يامشكاه فـي كـل ماصـار=تمشي بموضوعه وتنهي الدعـاوي
صابر وكني يابونايف علـى نـار=وجرحي بقلبـي مالقولـه مـداوي
تمت وصلى الله على سيد الابـرار=عداد ماينطـق مـن القـول راوي

يا كان من ليلة على أرضك تساويت=عيـا وفاقـك لا يـلايـم وفـاقـي
لو كان فالضيفـان مـا قـد ترديـت=وجـوك متيـع و تعتنـي بالطراقـي
من يوم طبيتك و أنـا مـا أسفهليـت=لعـل مـا يبقـى لأهاليـك بـاقـي
حاولت أوسع خاطري فيك و أزريت=بيني و بين أطبـاع أهلـك انشقاقـي
واليوم غايـة رغبتـي لـو تمنيـت=فرقاك و أنته مـا تبـى إلا فراقـي
واللي على بعده مـن البعـد حنيـت=وينتابنـي عقـب الحنيـن اشتياقـي
نجد وهواه و شوف هاك السباريـت=اللي لها فـي وسـط قلبـي رواقـي
ومنادمـة روس الرجـال المناعيـت=كل أبلجـن لـه فالطويلـة مراقـي
ولحدٍ يواخذ ني ليـا قلـت هاويـت=وضح ٍ تفرق ما اجتمع مـن ضياقـي
وضح ٍ ليا مني مـن المـدن مليـت=معها انشراحت خاطـري وانطلاقـي
أمـا ليـا سنـدت و ألا ليـا نحيـت=مع درب براق ٍ سر الـه شعـا قـي
برق ٍ سرى يوضي كما يوضي الليت=بعروض نوى ٍ ساق مزنـه وساقـي
وتعرضه من رايـح الشـرق تثبيـت=يثني على الريض أرقـاب السباقـي
ليا شفت براقه على سيلـه أرهيـت=بيـض مراهيشـه مطرهـا حقاقـي
تذبح لهـا حـي ٍ و تحييلهـا ميـت=وتصبح به الوديـان مثـل السواقـي
وأما تحاسنـت العساسـه و عسيـت=ومشيت مـع سيلـه و نبتـه دقاقـي
وألا على دربه ليا أصبحـت شديـت=وخليتهـا تـاط الحثـم و الرقـاقـي
وضح ٍ ليا احتست و شافتني أنويـت=قامت تسـوق أنفوسهـا مـا تساقـي
تنجال مثل الصيد لا صحت وأوميـت=وألا ليـا طـق اللبـيـد العـراقـي
يجيـك ممشاهـا تبـارى تفاخـيـت=مافي بعضها عـن بعضهـا انفهاقـي
ولو حال من دون المعشى مراريـت=ترهـي عليـه معربـات العمـاقـي
من ساس وضح ٍ فالجز يره لها صيت=علـى مخاذعهـا تلـوح الحـلاقـي
وليا تثنـت فـي نبـات السواريـت=في خايـع ٍ لأرقـاب نبتـه زراقـي
غادي بوسطـه لأم سالـم زغاريـت=وفيه الزبيدي مثـل بيـض الطواقـي
ثـم جيـت فأولهـا وللنـار شبيـت=وقضب عراقيب الـدلا ل الشلاقـي
ما غبطك يا للي فالحضـاره تلويـت=يا موالف الجدران ويش أنت لا قـي
لو كان فالحصن الحصيـن استكنيـت=وتقول أنـا مرتـاح مانيـب شاقـي
كانك على هالأنطـواءى استمريـت=وسويـت مـع بـث القنـاة اتفاقـي
أما من السكـر شبعـت و ترويـت=وألا بصرك أوشك على الاحتراقـي
سج النفس واضرب دروب الخراريت=لو ما تذوق مـع الخـلا مـا يذاقـي
ما ينطوي في غرفة ٍ فأخـر البيـت=غيـر الـذي راسـه يبيلـه عراقـي

ياحشر عيشك بالصحاري وممشاك=يسوى حياة الي حياته سماجـــــه
دارا لجـــدانك ربو فيه وابـــــــــاك=عاشو على ماه الهماج وعجاجه
اضرب خرايم نجد لاعمست ارياك=لو ماتفيد الا هــــــواه وزراجــــه
وملفاك في بيت نشمـــيا وممـساك=في بيت نشميا يجيبك سراجــــــــه
اليا لفيته من اطيب الفرق عشـاك=واليا قابلته قام يضحـــك احجاجــــه
وحذراك تلفي على الـنذل حــذراكو=حذرا تدور عند الانـذال حاجــــــه
اما ظهر من بـــاب بيته وخـــــلاك=ولا ذبـــح لـك ديــك ولادجاجـــــه
ولا قعد باقصى محـــله ولاجـــــاك=وانت قعــدت تواجــه الي تواجــه

البارحه ليلي قضيته على الكـوع=لين اذن المـذن وقـوم صلاتـه
كني يتيم من عنا الوقت مليـوع=واليه والي وجايـر فـي ولاتـه
يمسي على هم ويصبح على جوع=حافي قدم والثـوب بـالٍ بلاتـه
باسباب غرو لاعني بالهوى لوع=يحمل تواصيف الضبا في صفاته
شبيه خشف الريم زامي ومدلوع=حذر على نفسـه بكثـر التفاتـه
في وسط قلبي له بساتين وزروع=يبذر ويزرع ثم يحصـد غلاتـه
قاعدت اطالع ساعتي منه مفزوع=وراه يبطي جعل عمـري فداتـه
اناظـر الهاتـف اذا دق وافـوع=شفق على صوته وهمس كلماتـه
الوقت يسرقني وانا عنه مـردوع=والحظ عيـا لا يقـرب خطاتـه
حلفت يبقى الحب سامي ومربوع=حتى يفيق صويحبي من سباتـه
هذا قوانين الهوى شرع مشروع=كلن على حظـه يحقـق مناتـه
احدٍ على خله سقيـم وموجـوع=واحد مـع خلـه سعيـد بحياتـه

للشعـر عشاقـه وللشاعـر افكـار=وللفكـره المعنـى وزيـن التعابيـر
واليا بديت القـاف مانيـب محتـار=كن المعانـي قـدم عينـي طوابيـر
أختار منها مثـل مـا ودي اختـار=وتمطر مثل غيث السحاب المزابيـر
الى تغزلـت اهـدي ورود وازهـار=والى مدحت امـدح رجـالٍ مناعيـر
والمدح ما هو سـرّ لا والله جهـار=يستاهله شيـخٍ كسـب كـل تقديـر
هذاك ابو خالد عسى عمره اعمـار=دون القبيلـه وقفتـه دايمـاً غيـر
لا قيل ابن جامع / سكت كـل هـذّار=ريـف اليتامـى فالليـال المعاسيـر
زبن الدخيل ومكرم الضيف والجـار=ويشهد على ما اقول صفرٍ مباهيـر
في قصره اللي واضحٍ مد الابصـار=متوسطٍ في نجد فـي منـزل الخيـر
هو ذخرنا لا صار فالوقت ما صـار=( لاد المروّح ) ما شكوا منه تقصير
في مجلسه تلقاهـم صغـار وكبـار=وزودٍ على الروسان تلقى الخطاطير
ما يبخل بجاهه ولا سـاق الاعـذار=وفي نظرته تلقى لحاجتـك تبشيـر
هو شيخنا اللي ياقف الماقف الحـار=طبعٍ لجدانه وهـو واصـل السيـر
يوم انها غـارات ومواجـه اخطـار=ومواقعٍ يشبع بهـا الذيـب والطيـر
تلقى الجوامع من على قحص الامهار=خيّالهـم يفتّـك وان ثـارت يغيـر
واليوم في وقت الرخا صاروا اسوار=درعٍ لنـا نلجـا لهـم دون تفكيـر
هـذي تعابيـري وللشاعـر افكـار=ولا لي وراها غير صـدق التعابيـر

لوا هنيك سالي القلب ومريح=ولا وطاك من الغرابيل واطي
مالوعنك سود بقعاء النواطيح=سود الليالي الغاتمات الغواطي
اللي اساهرهن على الكوع واطيح=كله منسهم على القلب ساطي
واجض منهن جض خلج السراريح=وأون ونة من على الجمر واطي
وجدي على فكس بعيد المراويح=من قو مشيه خلفه العج غاطي
توّه جديد ماضرا بالمساريح=توه من الميناء على الارض خاطي
يلفي على ذيك البيوت النواطيح=بيوت لها بالطيب بحر وشواطئ
روسان من نسل الحرار الطحاطيح=ربعي هل الفزعه بليا تباطي
ودي بشوفتهم بليل وتصابيح=ومن لامني ياعل ياطاه واطي

ياليلـةٍ قضيتهـا عنـد محـمـاس=ماهيب عندي من حسـاب الليالـي
قضيتها في مجلسٍ يرفـع الـراس=منصاً يرودونه شخوص الرجالـي
على مباهيرٍ علـى النـار جـلاس=صفـرٍ تعاقبهـا يديـن العيـالـي
يعبا لها مارود صنعـا بالاكيـاس=ويشرا لها الهندي ولو كـان غالـي
فنجالها يطرد عن البـال هوجـاس=لاقـام يـذرف مثـل دم الغزالـي
قد وصفه قبلي كثيـرٍ مـن النـاس=منهم ولد حامـي عقـاب التوالـي
اللي بوصفه لاحسن الوصف لماس=غازي فـدوه قصيريـن الحبالـي
ليلة عمر ماهيـب تنقـاس بقيـاس=ولاتنتقـدر بالـذهـب والريـالـي
للشعـر طلابـه وللبـن حـمـاس=والعود الازرق لـه علينـا ظلالـي
بحضرة بني غازي وساير وغملاس=وابوفهـد شامـان نعـم المجالـي
وابن بجد وحسين عدمين الاجنـاس=ربـعٍ منازلهـم بـروس العوالـي
ومحمد بن دحيم مانيب الـه نـاس=طيب واعـده واحـدٍ مـن خوالـي
واللي جمعنا جاره الله مـن البـاس=فـي ليلـةٍ غـرا قمرهـا يلالـي
اتلا الليال اللي طوى دونها اليـاس=الـذ واغـلا مـايـدور بخيـالـي
يالله عسى محماس وامثال محمـاس=في لوح ربي من طـوال المهالـي

ياراكب اللي تو جابوه من بون=احدث انتاج التقنيه فل كامل
على نظام مايضاها وقانون=جا عن طريق اللمس معه التعامل
نظام مطور ومتقن ومأمون=مبرمج على بصمات روس الانامل
على الهوى والهيدروليك والدركسون=والبستم اللي يرفعه والفرامل
من الداخل مفخم مراتب وطبلون=مرابته والسقف جلد ومخامل
اليا اشتغل بالهون يادوب يوحون=طلاسم مخفاه في صدر رامل
كن البساتم والبلوف يتخالون=متفاهمين فالعمل والمعامل
الحجم ست اميه كفارات بالون=ورقمه مميز مثل وسم الهوامل
كنه قطاه شافت الحوم واللون=لون المهاه اللي ربت فالمهامل
من مصنعه عشر سنوات مضمون=ضمان عن كل العذاريب شامل
يروّح من الطايف بعد مايصلون=كنّه نداوي على الطلع صامل
وليا تعدى ظلم يمشي على الهون=بدارٍ لراية حبها القلب حامل
ياحبتي لاجيتها لا تعجلون=حتى صورها في خيالي تكامل
محبوبةٍ شارك غلاها النون=بين الحنايا عامل لها عامل
عذرا منّول وجهها مزيون=واليوم مخلفتٍ بها العوامل
لا شفتها بيّحت ماكان مكنون=وتنجب عيونٍ بالعباير حوامل
تنشي مناشيها من الدمع بمزون=وقامت مثل ديم السحايب تهامل
من وضعها كنّي على اللجف مطعون=والحال ساملها من البين سامل
ماكن حل بربعها اسلاف وضعون=وعوارف ترفي فتوق الخوامل
صيدٍ دهاتٍ فالملمات ينصون=كعّامة العايل جمال المحامل
هم و الوفاء في كل ظرف يتخاوون=مخاوي الكبير سعود هوّ وزامل
رجالهم يبرز الطوابير فالكون=ولابن مهيد ولا خو هملا مزامل
الجود ماخلا بفعله منه لون=لشمايل الجود وللامجاد جامل
اهل بيوتن تكهن الضيف وصحون=بكنافها عاشوا يتامى وارامل
والنخوه الها عندهم يوم ينخون=تنغمش فالروس والها تنامل
وهيباتهم دون الوطن سور وحصون=ماهيب غفل للطماميع هامل
عن حدها للي يبيها يحدون=ويخيبون آمال ضد بها آمل
اقصد ذخر مارق وسطام بن عون=جمال تشيل حمول باق الزوامل
لا عدوا اعلام القبايل يعدون=قول يصان اعن الخنا والمجامل
وصلوا على الهادي عدد مايلبون=وعداد مايهمل من الوبل هامل

انا ماذبحني كود غرو علاه الــــكــــاب=على كابها رمز الخطوط السعوديه
الاياليتني كابتن ولاني من الــــركــاب=واخاويه بالروحه واخاويه بالجيه
وننزل سوى في ديرة مابـــــــــها نـــواب=اهلها خليطي والديانه مسيحيـــــه
ديار الضباب اللي غطى شمسها السحاب=مطرها خفيف وينزل على شويه شويه
فيها البنات البيض مايلبسن حجاب=وفيها الشباب من دون غتره وطاقيه
الاياليته يمشي معي والبسه مما لذ وطاب=وان بغيت امشي مثل باقي الخلق عاريه
والله لعرس عليه عرس مايكتب له كتاب=واكتب عليها زوجه غير شرعيه

عسى المطر يزي الهضاب المشاريف=يزي الهضاب اللي (مصده) وراها
يزي وطن ربعن يهلون بالضيف=عيد الركاب اللي تواشل حفاها
طرقيهم ياخذ له نهارين ماشيف=اربع ليال وحاجته ماقضاها
من كثر مايدعى على غالي الكيف=على دلالن غالي مشتراها
لا عل مافيهم مصاخين وضعيف=والله يبدل عسرهم في رخاها
وانا على ربعي كثير التحاسيف=قفتبي الدنيا وشالت عصاها

يارجم يوم معذب القلب عـداك=ابدا خفاهـ ولادرى عن خفاكـا
من زود همه كل عصر يتعلاك=ولمـر يـوم واحـدٍ معتلاكـا
ان كان شيء تسمعه منه مبكاك=حملك ثقيل وعلمه وش بلاكـا
عطه العلوم وعلمه ويش دعواك=ولاتحمل في حياتـك خطاكـا
بنصحك يارجم يوم اني ارقاك=نصيحتن علمبهـا مـن رقاكـا
رفيقك اللي لابدا لازمه جـاك=لابدالـه لازمـن فيـك جاكـا
ولاهوب حبٍ فيك يوم يتنصاك=لايـدور حاجـهً مـن وراكـا
وان حصل المطلوب قفا وخلاك=تقـول ماكنـه بيـومٍ نصاكـا
خله لعله يافتى الجـود يفـداك=عسى الرخوم اللي سواته فداكا

دنياً إذا فكرت فيها ولاشـي=خداعةٍ مكارةٍ ما تدومي
مادامت لصدام وعدي وقصـي=ما كنهم ساروا بها نصف يومي
ورابعهم الصحاف عانوه في دبي=منقح ألكذبه كبير العلومي
حكومة راحت كما الحلم في شوي=وكتوف أهلها غاطيتها ألنجومي
بعّربها عزة وياســـين وعـدي=راحت مراح ادهام مثل الحلومي
قالوا لها عدوانها في ضحـى دي=واستبدلوا شجعانها بالرخومي
الذيب في كهفه سكن فرخ حصني=وفي ماكر الحر ارتكز فرخ بومي
والقائد المهيب عــاش متخفـي=عقب الطغا والعز صارا محرومي
كل يقول الله كريــم ومــقـدي=هذا جزاء من لا يعرف السلومي
عقب الشبح يمشي كما الكلب رجلي=غير السلامة لوتجي مايرومي
وعزي لمن مثله يعيش متخبي=لامن يجيب ولا يرد العلومي
عبره لمن نهجه مع الناس سلبي=ومن الخطأ ما فيه شخصا معصومي

يامل عين ٍ في محاجرهـا مثـل شـوك الحمـاط=وإليا طرالـي ماضـي ٍ قفّـى تفيـض دموعهـا
من كثر ماتجهش بماهـا محفـي الخـد الحشـاط=إلهـا ثـلاث وسبـع وأربـع ماوقـف ينبوعهـا
تبكـي علـى ايّـام السعـاده والهنـا والانبسـاط=اللي تكـدّر خاطـري عقـب ارتحـال نجوعهـا
ولا آضنّ ترجع لو يلج عليان فـي سـمّ الخيـاط=ولاّ شفايـا الآدمـي تـقـدر تقـبّـل كوعـهـا
ويـوم أذكـر ايّـام السعـاده والفتـوّه والنشـاط=المملكه تضيق بـي لـو هـي وسـاع ربوعهـا
وإليا ضرب له شوط هاجوس الضماير واستشـاط=شامت عيوني عن لذيـذ النـوم عقـب هجوعهـا
وشبّيت نار ٍ فوقها خمس ٍ مثـل وصـف القطـاط=صفر ٍ كراسيهـا عـراض مْضمّـرات فروعهـا
يشرا لهن بـنّ اليمـن والهيـل ماغيـره خـلاط=غريب نـوع الكيـف وادلالـه غريـب ٍ نوعهـا
فنجالها لاصبّ لـي لونـه مثـل لـون المشـاط=وإليـا تناولتـه هواجيـسـي تـفـلّ جموعـهـا
الله مـن وقـت ٍ تقشّـط فيـه الاعمـار انقشـاط=تطوى العمـار دهورهـا وشهورهـا واسبوعهـا
نمشي على درب السلف ممشى البشر فوق الصراط=بدنيـاً كمـا عـذراً تزيّـن خدّهـا بأردوعـهـا
فرعا القوام اللي حمـار اوجانهـا مثـل الطمـاط=وتلبـس لعاشقهـا الحلـي وتْكـدّ لـه منسوعهـا
ومن لاتحذر من مقالبهـا وأخـذ منهـا احتيـاط=قـدّام لاتسقيـه مـن كـاس الكـدر قرطوعـهـا
تفتق على المغرور عقب الستـر فتـق ٍ مايخـاط=ولا تخدع إلاّ الجاهـل اللـي مايعـرف طبوعهـا
الغافـل اللـي مايفكّـر بالـحـروف وبالنـقـاط=تبصـر عيونـه والاذانـي يسمعـنّ سموعـهـا
لكنّهـا رابطتـن الغفلـه علـى قلـبـه ربــاط=وبصيرته تبـع الهـوا مطفـن شعـاع شموعهـا
نفسه تقوده مع طريـق اهـل الـردا والانحطـاط=ومطيعهـا فـي غيّهـا وذلالـهـا وغضوعـهـا
ولا ينتبـه لأخداعهـا إلاّ لاضربتـه بالسـيـاط=وعقب الحدث وش ينفعـه لـو ينتبـه مخدوعهـا
وإليا التقط تلك الملك من جسمـه الـروح التقـاط=يندم على مـا فـات عنـد اخراجهـا ونزوعهـا
ومن انتبه منذ الصغر لأحـداث بقعـا واستحـاط=وقـرا مـن الكتـب المفيـده واستمـع مذيوعهـا
يلقى صنيعه لاوصل حـدّ العـرق فـوق الابـاط=وبيض الصحايف فتّحـوا لأصحابهـا مشموعهـا
كمّ من جموع ٍ جالها صولـه وجولـه واختـلاط=وعقب اجتماع الشمـل بقعـى فرّقـت مجموعهـا

قم يانديبي شغل الجمـس وأقـدم=واحد ورى ألألفين فـك الوكالـه
جمسٍ حمر والترس صـمٍ مقسـم=سواقه اللـي فيـه مرتـاح بالـه
ماركبه الـورع الغشيـم إيتعلـم=ويفت كبد اللـي مفلّـس جمالـه
ماطب في المعرض ولاقالو إبكـم=من مصنع إمريكاء وجاني حوالـه
ينصى ألأديب معرب الخال والعم=قرمٍ ليا شـان الزمـان إرتكالـه
غازى دخيـل الله وأنعـم وأكـرم=أرويس والروسان را س الرجالـه
والجد ألأدنى عون في عون يلتـم=يلتم إبه طيب وشجاعـه وأصالـه
مايرفعـه مـادح ولاينـزلـه ذم=فـوق المديـح وطيـب الله فالـه
عليـه تسليـمٍ ســلام مسـلّـم=تسليم مسلم سالـم مـن الجهالـه
ومـن القثامـي للسنافـي إيقـدم=عـداد همـالٍ تنـاشـا خيـالـه
عليه أبا أشكي الحال وأقول وأجزم=ماغير غازي في الـزوم إيعنالـه
قلبي خضر ومن الغنوج إمتحطـم=لوكان ماني من هـواة الضلالـه
حبه ياغازي سمني في الهوى سم=وآحد وغيره مايجـوز الثنـا لـه
أمسيت أصالي صالي الهم والغـم=وأون ونّةمن خـذى القـوم مالـه
كنّه بقلبي من هوى الزين يشعـم=جمر الغضى في القلب زاد إشتعاله
غديت من ما جانـي أصـمٍ أبكـم=ولد ولابس ثـوب عـودٍ هلالـه
ميزة وليفي نضرته تبـري الهـم=من نضرته عقلي خطيـرٍ زوالـه
ماهو ياغازي ضمن ألأنس إيتكلـم=وأبعد مجالي لن عصى عن مجاله
ولاهو بجني كل مـا حـن وأرزم=أقرى كتـاب الله وأجـود حبالـه
دا يم بسم عليـا ينـادى ويزهـم=وأم الكباير رمـز إلـه ويحدالـه
لاهو محلل لـي ولاهـو محـرّم=قربه بسيط المشكله فـي وصالـه
من دونه ألأنـذال تكفـر وتسلـم=وأنا سلومـي مـا تحـب النذالـه
عود وثلاثه وأربعه خاضو الجـم=لاهـم بعمانـه ولاهـم خـوالـه
وأنا لو إنّه يطلب اللـي يبـا تـم=قلبـي وعقلـي ياالعتيبـي فدالـه
لاكنهـا دنيـا كمـا غبـة اليـم=دبرة ولـيّ الكـون جـل جلالـه
دنيا المصالح والضعيف المعضـم=كلٍ على فكـره يدرهـم جمالـه
دنيا دنيـه كنهـا الليـل ألأضلـم=واللـي عليهـا فانـيٍ لاماحالـه
وبشرها نومـن ونسمـع ونسلـم=لازل يـومٍ جـاء حليـه بـدالـه
أحدٍ بها مسـرور وأحـدٍ متنـدم=وأحدٍ بها في النا س يرثى لحالـه
وجدٍ وهو جالـس مغيـر إيتحلّـم=يملك جميع اللي بحلمـه طرالـه
يبني من العمران ساعـه ويهـدم=ويفـوق ولينّـه يهوجـس لحالـه
وأنا ليـا حبيـت مانـي بمجـرم=في الناس غيري ما جرآلي جراله
تكفىياغـازي مـا يبيلـك معلّـم=انته حكيم ومـن رجـال الشكالـه
كل الكلام اللي على خاطري تـم=وأرسلت مرسولي بضرف الرساله
وإختامهـا اللهم أصلـي وأسلّـم=على رسـول الله وصحبـه وآلـه

عـداد همـالٍ رعـوده تــرازم=من رايـحٍ بـارق خيالـه سرالـه
تواشين في ضـرف ليـلٍ مسلهـم=على متـون الارض مـرخٍ شالـه
لامن برقـه فـي مزونـه تبسـم=على شيال الليـل يرخـى بوالـه
بالليل كـن الارض عـذراً ملثـم=وليا برق عن وجهها الستر شالـه
يفرحبه المسني مثـل فرحـة الام=ولابولالفـو عقـب غابـو عيالـه
مزنه كما وضـحٍ عجـالٍ تداحـم=ألطافـحـه قدامـهـا والهـلالـه
من الشرق ذعذاع الصبا له تنسـم=يلقـح الحايـل ويقهـر عجـالـه
يقولـه الله فـي الكتـاب المكـرّم=بين لنـا إن الريـح يلقـح حيالـه
لارسل عليه الريح بمـره تراكـم=وفـالودق عبره لن خرج من خلاله
يامرحباء باللي على الجمس ألادهم=اللي من الطايـف لفـا بالرسالـه
جاني معه برسالةٍ مـن ولـد عـم=سنّـد علـى القيـل ممـا جرالـه
اثـر العتيبـي بـا لمحبـه متيـم=بعـد كشفنـا مـا يـدور بخيالـه
لو عشقته جماً تقود أجمـل الجـم=دقاقة عـلاوي والبواقـي جلالـه
كن الزبيدي في حما صدرهـا زم=والوسط لاهـب النسيـم إ ستمالـه
دورتها لو هي ورى يـام وأدهـم=بطول البلاد من الجنـوب لشمالـه
وليا لقيت اللي بها الحسـن ملتـم=إن كانها جت بالرضـى والسهالـه
ولاغزيت الهـا بجيـشٍ عـرم رم=ومن حدنـا عنهـا نتفنـا سبالـه
مير ابن عايض عشقته ليلها اضلم=من عقب ابو زيد وعزيز ابن خاله
بعد الثنين وبعد ابن صيفـي اكثـم=جرى لعليـا مـن دهرهـا عبالـه
بعـد الثلاثـه مستواهـا تحـطـم=اللي ضعنهم شـد عنهـا رحالـه
وباقي ثلاثه كل منهـم مخضـرم=ودليهم تاخـذ مـن المـا زلالـه
في ما مضى تردعهم اسلوم وشيـم=واليـوم قامـو ياكلـون النخالـه
وعليا تنوح وتـذرف دموعهـا دم=من يوم جرد وجهها مـن جمالـه
ومدامها هالون عـن حبهـا شـم=وطو الرشاء عن عدهـا والمحالـه
وأدرس صحيحي البخاري ومسلـم=وخل الهوى المشبوه مالك ومالـه
من يوم قام النار ينفخهـا الاشـرم=والكيـف راح ولابقـى الادلالـه
منولٍ لياجا اللي على الكيف مضرم=يقـدم لـه الفنجـال قبـل البيالـه
وعليا حماها مثل دار ابن الارقـم=وعشاقها اهل العرف واهل الجزاله
واللي بهـا قلبـه مهايـم ومغـرم=يدفع لها المطلوب من حـر مالـه
واليـوم عاشقهـا هدفـه إيتغـنـم=جنب دروب الطيب لاطـاب فالـه
محبوبها لاغـاب ملـزوم يعـزم=ولايجـي لافـي كـود بالكنبيالـه
بـروس المجنـن للحلاقـه تعلـم=وقبل يحلق الراس يشـرط ريالـه
ومن ذاق در الديد لو كـان يفطـم=يرضع منه لو كان دونـه شمالـه
واللي يجي معجـم نـرده مترجـم=هذا جـواب اللـي لفانـا سوالـه
وسلم عـدد وبـلٍ مزونـه تهشـم=يا صاحب عندي سلوكـه جلالـه

ياطير باقي لـك ليال(ن)قلايـل=ويتم موسك ياابيض الريش كله
حتى النجير اللي له العام شايـل=يكسيك مثلـه صافيـه لمعتلـه
لايجزعك سجن(ن)به الظل مايل=راح الكثيربسجنك اللـي تملـه
غيرك سجين(ن)من ردي العمايل=ونته سجين(ن)سجنته حشمتلـه
مثلك قليـل ونادر(ن)فالفصايـل=وفالندر اخوانك من النوع قلـه
من ماكر السيبير عسرالمنايـل=ماكـل طاروح(ن)يجيـه ويدلـه
ياطيرلك وصف(ن)غريب وفعايل=تاخذ كمال الوصف دقـه وجلـه
بالمعلف الراهي وبالطول طايـل=طول(ن)على الشبر الطبيعي يزله
افهق مناكب مهدف(ن)قدم مايـل=صاحي جسد والعظم مافيه خلـه
اقحف وسيع الموق والبوز هايل=بوز العقاب وشدق مسموم صله
ست المواسي بارزات(ن)نحايـل=امن العـرا فالريـش ماخالطلـه
في مقدمك منشا صدوق المخايل=امزون صيف(ن)بالبرد مستهلـه
وبالفعل وافي ياوفـي الخصايـل=ياما بطشت كفك بروس الأهلـه
لانازل الحفـال وقـت النزايـل=اللي يبا النومـاس قـدام خلـه
اعذر بخله يوم شاف الصمايـل=اليـا حصلـه قدمهـا ماحصلـه
اصبر وتال الصبر دايم جمايـل=لابد لك من كـف راعيـك تلـه
هذاك ابو فيصل عريب السلايـل=موف(ن)حقوقك والوفا خصلتلـه
بينـك وبينـه للمـوده دلايـل=منها اهتمامه فيك سيـد الأدلـه

سر يا قلم وانقش حروفن بلا عـــــواجه=للمزنه اللي حواس الخمس تدمجهـــــــــــــــا
من بد حورن عليها الناس هـــــــــــراجه=لاغاب عنها القمر يكفي مسارجهــــــــــــا
اليا ذكرته يزود السادس الــــــــــواجه=في ليلة ما بعد ناموا حوايجهـــــــــــــــــــا
سلم عليا بصـــوته بحــة الـــــــــناجه=تفتح لمن سد في وجه وتفرجهــــــــــــــــــا
لو استغاث المطر ليجيك فجـــــــــاجه=يكف شمل الديار اللي تولجهــــــــــــــــــــا
في نون عينه تباشير المـــــــطر راجه=رجة بها القاع خير نتايجهــــــــــــــــــــــــا
للفم شف عليه الناس في حــــــــاجه=كن العسل ينظرونه من مخارجهـــــــــــــــــا
وارسلت مرســـول في حــــــبنا داجه=عود بخيبه على وجه تحججهـــــــــــــــــــا
قام يتولج قلــــــــبي على صـــــاجه=خطر وصوله سريع تخفجهـــــــــــــــــــــــا
من دون علـــــــمي بابن بمـــــــزلاجه=تسريبي اعوام قفل مزالجهــــــــــــــــــــا
ما يسرج الخيل يا كود ســــــــــراجه=له خبرتن بالخيول ومسارجهـــــــــــــــــــا
والحين شف لحدا القسمين مخــــراجه=اما تصون العهد والا تدرجهـــــــــــــــــــــا

أهـــلا وسهــلا ومرحبتين ياخــلي=ترحيب مــن قلب صافي والله أدرابـــه
ترحيب أحلا من ا لشاهي أليا حلي=لاصرت أنا اللــي أذوقه وأنت صبابــه
يـاللـي أليـا غبــت ألاك تـرسـلــي=وأنـا غيابك لــزوم أدري وش أسبابــه
مــادام كـل المعانـي فيك جازلـي=درب الهوى دون غيركم قـــافل بــابـه
ماينفتح غير ألك يصافي الدلـــي=ومن دون غيركم قافل هجسه وهندابه
هذاه مفتاحه وهذاه أنــا كـــــلي=بيديــك صكـــه وفتحـــه وأنـت بـوابـه

لا جا نهارا فيه صايح وفزاع=والخيل باطراف الجهامـه iiشواريـع
يوم مثل يوم الرحا عجه امزاع=يوم ان اخو نوضا يفـك المجاميـع
مخلي سروج الخيل من كل صعصاع=عقايره سرد الرمك والمداريع
يدلي بهندي للارقاب قضاع=في روس ضـده غـادي لـه لعاليـع
كم شيخ قوم دقبه روبة القاع=خلي عشـا لذيـاب نجـد iiالمجاويـع
بسيف شطير يامره قلب وذراع=ضربه يطوع مخطي الدرب iiتطويع
يوم على ضده مخاييله اتباع=نهار يفـرق شملهـم عقـب iiتجميـع
غيمه عجاج الخيل غاره ومرجاع=وشمسه بواريق السيوف iiاللواميع
يشيب به اللي على الديد رضاع=يوم العذارا مـن ذهلهـن مفاريـع

جاء اهل الصفر فاسفل نجد واهل الشمال=مـن شفـا نجـد صفـر صـارت الاولــه
بالوصـايـف مكملـهـا عـزيـز الـجـلال=نـاقـة شــداد منـهـا الـنـاس متـهـولـه
فالـمـزايـن لـيـاجـا للـتـحـدي مــجــال=تمـجـد الــي يــروم الـفـوز وتـخـولـه
كنهـا بنـت شيـخ مــع نسبـهـا جـمـال=وسـط شقـر البـنـي فالملـعـب محـولـه
وفالمبيـعـه تـكـون للفـتـى راس مــال=وتوفـي الديـن عــن راعـيـه وتمـولـه
والابل الهـا مقـام وقـدر عنـد الرجـال=ورغـبـت مــع خـلايـا الــدم متـجـولـه
ودونهـا ترخـص الارواح يـوم القتـال=لامـشـت عطـفـت للـحـرب ومـطـولـه
ودرهـا زاد اهلهـا يــوم غـبـر اللـيـال=وكــم هـجـا مــن فـداويـه ومتـسـولـه
والشـعـر فالمـواشـي غيـرهـا مايـقـال=وقـيـل فيـهـا جــدي الشـعـر ومقـولـه
ومن يساوي عطايا الله وبـاق الحـلال=مثـل مـن سـاووا القرنـاس والشـولـه
نطلـب الــي علـيـه الــرزق والاتـكـال=واحــــد لاطـلـبــه الـعــبــد مـافــولــه
جاعل الكـون يجـري فـي نظـام عـدال=كـونـه مــن عــدم وإذا يـشــا زولـــه
يرزق الابل واهلها من صدوق الخيال=بغيـث يعرضـه مــن غــرب ويطـولـه

واهنـي الحمـام اللـي علـى الـدوح ساجـع=يتهـادى الطـرب بالـه مــن الـهـم سـالـي
ما اشغلت بالـه احـداث الدهـر والفواجـع=ولا تـوقــع خـطــوب مغـيـبـات الـلـيـالـي
ولا سهـر طـرف عينـه والبرايـا هواجـع=ولا جرى له من الدنيا مثل مـا جـرى لـي
كل ما فات ثلث مـن الدجـى قمـت اراجـع=ذكريات ٍ مضن لي ما انمحـن مـن خيالـي
ثـم تجافـت جنوبـي عـن لذيـذ المضـاجـع=اتـخـيـل تعـاجـيـب الـسـنـيـن الـخـوالــي
والشقى اللي جرى لي والسهر والمواجع=مـن لقـاح الليـال الغـبـر عـقـب الحيـالـي
يمسي الليل بكـر وتصبـح الصبـح راجـع=المـقـاديـر تلـقـحـهـا وتـنـجــب عـيـالــي
والمقاديـر لا ومـرت مضـت مــا تـراجـع=فـي ثوانـي تـفـرق بـيـن غـالـي وغـالـي
كــم مـحـل ٍِ نشـوفـه مــن راعـيـه نـاجـع=كـــب داره وجـيـرانـه وشـــد الـرحـالــي
ارتـحـل رحـلـة ٍ مـاهـوب منـهـا بـراجــع=لـيـن يبـعـث مخاليـقـه عـزيـز الـجـلالـي

أنـا مـا لقيـت الـلـي يشاركـنـي الأحـسـاس=من الساحـل الشرقـي ليـا الساحـل الغربـي
و من حدها اللي من ورى قصر بن هباس=ليا أقصى الطوال اللي جنوب عـن الدربـي
ترفع مزاجـي عـن مزاجـات بعـض النـاس=ورفـض عقـب مسكـان الـرفـاع يتحـدربـي
عـن المنـزل اللـي فيـه للساقطيـن أونــاس=لــــدار الـمـعــزه والـعـزيـزيـن سـافـربــي
زراج قفـر مـا جـاه لهـل الــردى عـسـاس=و لا دوجــت بربـوعـة الـهـيـم والـجـربـي
مـزاجـي كـمـا طـيـر لـيـا هـبـلـه نـسـنـاس=عن أرض المذله فـي سمـا العـز يشهربـي
يـحـلـق بـجــو الـعــز تحلـيـقـة الـقـرنـاس=عـن الشـرك يـم ديـار الانـصـار هاجـربـي
طمحت لحديث بـن عمـر هـو وبـن عبـاس=وهجـرت الرياضيـات والجـمـع والضـربـي
ليـا وردو انــذال الـمـلا عقـلـت الانـجـاس=مـزاجـي مــع المظـمـاه عـنـهـا يـصـدربـي
لــو الـعـز بـحـر ٍلالتـطـم يـغـرق الغـطـاس=رسـابـي مـزاجـي فــي موانـيـه وابحـربـي
اجـنـب يمـيـن عــن المناقـيـد و الادنــاس=وخــلــي طــريــق ٍلـلــمــلام يـتـيـاسـربـي
انـا مـع طريـق اللـي لهـم فالدجـى نبـراس=هــذا دربـهـم وانــا عـلـى دربـهـم دربـــي
اقـــص الاثـــار المسـتـجـدات والــــدراس=تقفـيـت اثــر وافـيـن الاشـبــار والـثـربـي
و عن منهج ٍ سارو معه مارغب المنكـاس=تـسـهـل مـعــه مـمـشـاري ولا تـوعـربــي
وانـا حـالـفٍ بمـكـون الــروح و الانـفـاس=ومرسـل خيـار الخلـق مـن خيـرت العربـي
ما تصغ المسامع للمطامع ولا ارخ الـراس=ولـــو كـــان كـــل ٍينتـقـدنـي ويـسـخـربـي
اقـاس الظـروف وسمعتـي كنهـا القرطـاس=ولا اطلب جميل البوسنه لا ..ولا الصربـي
وقـل ٍتسـوده عـزت النفـس مـا بــه بــاس=ولا خضع يا كـود لكاشـف الضـر والكربـي
لو ارخي عزيز النفس لجل الذهب والماس=بقـت وصـمـةٍ لاحــل بــي ذكــر وتذكـربـي
هذا هو طريقـي والبشـر والعقـول أجنـاس=وكــل ٍ لــه أرا ولــه منـهـج ولـــه دربـــي

كل مادجت في مرتع الخلفـات=وشفت الاوطان من عقب اهاليها
ثـم تذكرتهـا فـا لثمانينـات=عقـب قفـت لحقنـا بواقيهـا
من خفاياي جريت لـي ونـات=وزرهفت عبرةٍ كنـت كاميهـا
وفاض من محجر العين شلالات=وبان خافـي مخفّـى خوافيهـا
وتعذر العين لو تنثر العبـرات=عقب ماجوبهـا وش تحريهـا
عقب صيدٍ بها جالهـم عبّـات=كن مامنهم اللـي مشـى فيهـا
سادةٍ فعلهـم يرفـع الهامـات=وخوفهم مرتع الشـول حاميهـا
ياكثر ما دهلها مـن السرفـات=والمهـار الاصايـل تباريهـا
ومن حرارٍ وهجـن ٍ عمانيـات=ومـن بيـوتٍ كبـارٍ مبانيهـا
والقطا الرقط والشرد الحـذرات=والمسايـل تـدارج حباريهـا
ولابقي من حياة اهل العـادات=غير طار النشامـى وطاريهـا
من خشوم الا ينوفي الى سفوات=جعل همال الامطـار يسقيهـا
دار الهـا محبـه وذكـريـات=نغلـي اللـي ربوهـا ونغليهـا
ذكرياتٍ مضت في زمانفات=لـو تناسيـت مانـي بناسيهـا
كل ماقلت ماتت مـع الامـوات=شوفت اقذال الاوطـان تحييهـا
اثر بقعاء ولـو جالهـا لـذات=تكدر خطوبها صفـو صافيهـا
فاتن ٍتاخـذ النـاس بالغـرات=ماافلح العاشق اللـي مهاويهـا
من سمع ذكر دنيـاه فالايـات=ويعتبر لاسمع ذكـر ماضيهـا
عقب ماشفت غاراتها العجـلات=ودي ابيعهـا ويـن شاريـهـا
مثل ماباعها الشيخ ابن صنهات=عافها عقـب ماشـاف تاليهـا
والتجا في حجا عالـم النيـات=باعت الناس من عقـب يفنيهـا
غازي بن دخيل الله الرويس --ابن عون--

الله يونس راعي الوضـح بالسيـل=على مرب الفاطـر اللـي تحبـه
من نو ٍ الله يامـره بأخـر الليـل=ينشي من المنشـا بتوجيـه ربـه
من ضوح براقه تفـور القناديـل=وفي صفا رعاده سبقنـا المشبـه
يقـول نـو ٍ لرعـد فيـه تهليـل=يصحـي النيـام مثـل المنـبـه
لا برق زرق الطها كنـه الريـل=والمـزن كنـه قبـة ٍ فـرع قبـه
والا وضح بوش ٍ اليا اقبل زعاجيل=اليا سمـع صـوت المـوده ينبـه
يدك في المنشا ويمشي وهو حيـل=ولا قرب لقحت كل مزنـه بغبـه
لا اقبل من الشهد المصفى محاميل=تهيض الشرقـي وذعـذع مهبـه
واليا توسط من ربـوع المداهيـل=فوق العبال دقـاق وبلـه يصبـه
دار الصناديد الزحـول الحلاحيـل=اللي خذوا في عصرهم فيـه غبـه
نطلبك ياللي بالعطا ما انت ببخيـل=جميع مسلـم ترزقـه فـي مربـه

تبت يدا من سـب خيـر البريـه=وتبت يدا ناس ٍ عنه مـا يـذودون
يـا امـة الاسـلام يـا محمديـه=يا اللي لعفو الله وعطفـه ترجّـون
ان كان ما قمتـوا بنصـرة نبيـه=مدري متى بالله عليكـم تقومـون
من يوم لحقـت بالرسـول الاذيـه=يا مّة محمد بعدهـا وش تحـرون
انخى هل التوحيد واهـل الحميـه=للي بشـرع الله ودينـه يدينـون
اهـل العقيـده والعـزوم القويـه=اللي بوقـت النـازلات يتحامـون
ما هيـب مـن حميـة الجاهليـه=ولا حميـة عنصريـه وقـانـون
حمـيـةٍ فالـديـن عقـايـديـه=بنيت على مبدا واساسات وركـون
مـا هيـب حزبيـه ولا مذهبيـه=وتعصب ٍ فالدين ما هوب مسنـون
وحميـة الاحـزاب والطايفـيـه=مآلها تصيـر مـن دون فـي دون
وحمية اصحـاب القلـوب التقيـه=سياج دون حدود الاسلام وحصون
اليا تحاموا ضـد راعـي خطيـه=النصر من رب الثقليـن مضمـون
اقفـوا بوجـه الهجمـه البربريـه=وذودوا عن الهادي بما تستطيعـون
كل ٍ يقف منكـم لهـم فـي نحيـه=لا ياصلون المطلب اللي يريـدون
اسقوا عدا الاسـلام كـاس المنيـه=وكيلو لهم ضعف الذي له يكيلـون
ياجب على جميع راعـي رعيـه=ياقف بوجه اللـي لدينـه يكيـدون
وعلاقتـه بالـدولـه الاجنبـيـه=اللي تسيء للي بهديه مـلا الكـون
يصدر على الـوزاره الخارجيـه=تجذها من جذرها جـذ عرجـون
ويصدر علـى الـوزاره الداخليـه=تعاقب اللي فـي سلعهـا يبيعـون
ووزارة اعلامـه تبنـا القضيـه=وتبث ضد الادعـا اللـي يبثـون
والصحـف والكتّـاب والاولويـه=للي ليـا قالـوا مقالـه يجيـدون
ويترجمـون السيـره الهاشمـيـه=لابن هشام وصاحبه ليـن يـدرون
باخلاق وافعال الرسـول الزكيـه=اللي عن الزلات والنقص مصيون
قبلـه نعيـش بليلـةٍ خرمسـيـه=ما ينسري فيها الدلايـل يتيهـون
وقفى الظلام وجا الفرج مع مجيـه=والتايهيـن بمشعـلـه يستـدلـون
بعثـه ربـه رحـمـة للبـريـه=ويشفع للامه يوم بالحشـر يقفـون
اكبـر شـرف للامـه اليعربيـه=انه بعث منهم مصـدق ومامـون
نفس ٍ تجنب عـن طريقـه شقيـه=ويا سعد ناس ٍ مع طريقه يسيرون
ومـا نشـر بالصحافـه العالميـه=اخر كوايا بين الاضلاع وطعـون
وغير الطعون اخر جروح ٍ خفيـه=وادما قلوب اللـي لحبـه يكنـون
ويضحك من الاخبار شـر البليـه=اوحيت وانتم عبر الاعلام توحـون
ما خلوا من القبـح والسـب شيـه=وبعد هذا كله للاصـلاح يدعـون
وزيرهـم يقـول نهـدي هـديـه=وحمام سلام ٍ مع اغصان زيتـون
حنا عـن المنهـج جنحنـا شويـه=من ما جعل حزب الصليب يتجرون
لو نرجـع لسيـرة سلفنـا النقيـه=عدواننـا منـا بغـل ٍ يمـوتـون
لـو نستعيـد امجادنـا الاولـيـه=دفع لنا هامـان جزيـه وفرعـون
وما مالت ازهـار الربيـع النديـه=صلوا على المبعوث يا اللي تصلون

راحـت ايـام السعـاده و الهنـا قفـا وقفـا حـلـه=ليت لو ساعه تعود من السعـاده و الزمـان الماضـي
ذكر الايـام الخوالـي و الاهـل و الربـع و الاخلـه=انجض صخاف الضماير و المعاليق الغضاض انجاضي
ذكرهـا محتلنـي مثـل احتـلال القبـلـه المحتـلـه=و قاطع علي صك ٍ مثل صك الحكـم عنـد القاضـي
وقتي اعطاني بتـال العمـر لغـز مـا قـدرت احلـه=صرت افكر فيه فالمصفـار و المربـاع و المقياضـي
واهني اللي يشوف ان الزمـان المنتكـس صـافٍ لـه=البليد اللـي جنوبـه و الفرايـد و الدفـوف عراضـي
مثل وصف الثور الانبط ما يلاحظ فـي زمـان خلـه=يعجبك جرمه و يـوم تجربـه تلقـاه جـرم فاضـي
و مرهف الاحساس ما يجري من احداث الدهر يفطن له=ولا تحصل في زمنا اليوم رجل عـن زمانـه راضـي
يا زمان ٍ باخـره صـاروا عزيزيـن النفـوس اذلـه=ومجدهم صارت صروحه من غرابيل الزمان انقاضـي
صار منهم راعـي الغـل القديـم اليـوم يشفـي غلـه=واقفٍ فالقيض قـدم القـوم بالمشعـاب دون الحاضـي
بعد ما جاد الصميل اشتـال محصولـه وزبـده كلـه=والتعب والسهـر و الغربـال للحـلاب و الخضاضـي
غازي بن دخيل الله الرويس -ابن عون-

واهنيك فـي حياتـك بلهنـا يالورقـا=واهنيك تلعبيـن السامـري مسـروره
واهنيك ماانكـوا قلبـك بنـار الفرقـا=ولا حنى الهجران حالك حنية الباكـوره
ولا غرق خدك وكمك من هميل الزرقا=ولا انتبهتي هو دليل من الكرى مذعوره
ولا سرابك هاجس الخلان غرب ٍ وشرقا=من هزيع الليل لين الصبح يبدي نـوره
مثل من دنيـاه بالحيلـه درقتـه درقـا=من كثر غاراتهـا ضـده تهشـم زوره
فالنحر فرسانهـا دايـم طعنهـم زرقـا=وصار جيشه منهزم وجيوشها منصوره
ما بلايه من هوى خطو العنود الطرقـا=لو تبيـن قدمـي المكيـاج و الحمـوره
حالي اللي ضرها واللي سرقهـا سرقـا=شوف دار كانـت بسكانهـا معمـوره
يوم ادوج في ربوع اوطان روق وبرقا=شوفها يوحش بعـد سكانهـا مهجـوره
منهم اللي هاجروا بديار حضر الورقـا=ومنهم اللي في ثراها اجسادهم مقبـوره
ما بقي في مرحهم غير الشنون الحرقـا=و الاثاثي والرحا والبرمـه المكسـوره
كل ما اشتاق لمباديهـا المنيفـه وارقـا=قام فلم الذاكره قدمـي يعيـد الصـوره
وانزل وجيبي وكمي من دموعي غرقـا=ولو تعل العين الارض بدمعها معـذوره
ليت ذكرا ًذكرها في وسط جوفي عرقـا=تنمحي مثل الطباشيـره مـن السبـوره
ليت جرحي بالعـلاج وبالقرايـه يرقـا=مير جرحي متعب ٍ يحتار بـه دكتـوره
غازي بن دخيل الله الرويس -ابن عون-

ياروح روحي مهجة الروح تفـداك=راحت على مركب غرامك وساقـه
واليوم لك غيبات ماعـاد شفنـاك=عقب التقارب صار شوفك شفاقـه
ويش اللذي دلهك عنـي ونسـاك=هاك السوالـف والعلـوم الدقاقـه
ماهوب حق تقطع عشرة من أغلاك=الحـق تجويـد الصداقـة صداقـة
هاجوس قلبي مايخلينـي انسـاك=اذكرك في نومي على كـل فاقـه

للحزن في صـوت المحبيـن نبـره=ونة خفـوق ٍ كنهـا صـرة البـاب
لو ينفع المحزون وجـده وصبـره=ماكان ساق الرجل مع ركب الاغراب
على الرجاء اللي مابقى فيه دبـره=ولاعاد تنفع بـه معاذيـر وعتـاب
قلبي يـرده عـن مشاهيـه كبـره=والناس واجد لكـن الولـف غـلاب
طاح الجمل من وجد قلبـه بكبـره=وحوّل كما دمع ٍ على الخد سكـاب
يحن واللـي قالـه القلـب عبـره=عبرة تحاسيف ٍ على غايبٍ غـاب
قلب ٍ ماباقي بـه ولا شكـة ابـره=تكسرت في داخله شلـف وحـراب
من لايعرفـه ماقـرا نـزف حبـره=لو كان نزفه مـن معاليقـه كتـاب
مالوم انـا اللـي جاهـلٍ مايخبـره=الوم من روحي تطاير لـه اسـراب
ياصاحبـي ياكسـر قلبـي وجبـره=من غيبتك ماعـاد للقلـب غيـاب
شفني حفرت لدامـي القلـب قبـره=واقفيت وألد النظر صـوب الاحبـاب
تعال .. شاب القلب من طول صبره=تشوف جرحك داخل القلب ماطـاب
وان كان ماسدك عن الحال عبـره=بالله لاقفّـيـت لاتقـفـل الـبـاب

ألا ياعيوني والسهر سنـة العشـاق=ينام الخلي بس السهر سنة الشاقـي
تنام العيون اللي عليها الفضا ما ضاق=ونا وش سواتي كان في الفضا ضاقي
أخيل السحاب اللي تخافق به البـراق=رجا قفر أمحل في رجا الماطر الساقي
أخيله ونا ما غير غصن وثرى ووراق=وخاف السنين المقبله تيبس أوراقـي
رجايه ولا يقطع رجاواحـد مشتـاق=ولو ينجرح قلبي ولو ينكسـر ساقـي
أحب الدروب اللي ثراها من الأعمـاق=دروب تجمع بين عاشـق وعشاقـي
عذابي وجرحي من فراق تلاه فـراق=جروح تجـدد داخلـي مالهـا راقـي
يداعب خيالي حلم أبيـض عليـه واق=سكن داخلي واليوم ما عاد له باقـي
تقافت به سنين الشقا وارهقته ارهاق=ونسيته لوانه ساكن في أعمق أعماقي
وتبين بعيني كـل شـي عليـه رواق=وعرفت المطر ماهوب راعد وبراقـي
سحاب تهادى ما التفت في نبات دقاق=وكان الرجا كل الرجا لحظـة عناقـي
دفنت أجمل أحلامي كما باقي العشاق=وعودت تنهيدت ألم تحـرق احراقـي
وضميت بهدابي على دمعـي الدفـاق=نهايـة طريـق الحـب آلام وفراقـي
ولا ياعيوني والسهر سنـة العشـاق=ينام الخلي بس السهر سنة الشاقـي

جهى المطر سافي الغرمول ما رشّـه=سحايبٍ .. والمطـر راعـد وبراقـي
وش عاد لو نبّه العصفور في عشّـه=من كثر ما عذب العصفور ما ضاقـي
تعلّق الدمـع فـي عينـه ولا مشّـه=عبايرٍ فـي عيونـه تحـرق حراقـي
لو دنّق الدمع حـول بالجمـل قشّـه=لكّن دمع الكرامه لو نـزل .. راقـي
ياصاحبي من كثر ما دمعـي اخشّـه=ماحدن درى عن جروحٍ تسكن اعماقي
ما نيب هاك الغريـق معلّـق بقشّـه=انـا ثلـوم الليالـي جبّـرت ساقـي
والله ما اجامل الغشاش فـي غشّـه=ورزقي على اللي معه مفتاح الارزاقي
ويا صاحبي للـوداع قلوبنـا هشّـه=ما عاد تقوى اللقا اللي عقبه فراقـي
الجرح يدمع ولا لي في الزمن هشّـه=وأردع همومٍ على الخفـاق تنساقـي
لوّي فقير العبـاد ومسكنـي عشّـه=ما غيّر الوقت لا طبعي .. ولا اخلاقي
لي حاجةٍ فـي تقـا الايـام منخشّـه=لا جابها لي زماني .. ياخـذ الباقـي

اكهف النجم الحمر و الليـل هـوّد=آه من قلب جروحـه مـا تهيـدي
آه من قلب علـى جرحـه تعـوّد=لين سميته من اللي جـاه عيـدي
ما لقاله طـب ليـن الجـرح دوّد=وخالط الدم الحمر نزف الصديـدي
وش يقول اللي من الشلفا مجـوّد=شكته من الوريـد اليـا الوريـدي
سبة اللي عندنـا ذكـره مشـوّد=كل يـوم بالغـلا قـدره يزيـدي
نضرم لشوفه وهـو عنـا منـوّد=مثل ما يضرم على أكل القات زيدي
ويا سعد يا ليت مـن قفـا يعـوّد=دام لي عمر على الدنيـا مديـدي
ليه يومنه علـى جرحـي يكـوّد=ليه قدام الشقـا مـا قـال ميـدي
يمكن اني في حبالـه مـا تجـوّد=واتركة مع صاحب الحظ السعيـدي
لا يقول انه علـى مثلـي مـزوّد=واعتزي واقول أنا ولـد الحميـدي
رافع راسي وراسـي مـا يقـوّد=ما تقـود كـود ثنيـان الهريـدي
سود الله وجه من وجهـه يسـوّد=ذا الكلام اللي عليـه الله شهيـدي
واكهف النجم الحمر والليـل هـوّد=بس لي قلب جروحه مـا تهيـدي

دمع من الحزن لادمع من الفرح = ذاك الذي خضب الخدين بالقرح
ذاك الذي طعم آمالي وذاكرتي = ولون حزني وشجو البلبل الصدح
تئن خلفي رياح الحزن باكية=أحلامي البيض دمعا غير منسفح
أُخذت منها وقلبي كله قرح="وأين كان غريب غير ذي قرح "
وقفت بالشارع الغافي أسائله="لعــــــل فيه نواسيا على قدح "
وقفت فيه ودمعي فيه منسكب=كم كان لي فيه من تين ومن بلح
كم كان لي فيه من وصل ومن قبل=في مبسم الصبح أو في مبسم الملح
كم كان لي فيه من حزن ومن فرح=واليوم قابيل حزني قاتل فرحي !
أنا الغريب الذي حنت رواحله=لكل وجه جميل ريق سمح
أنا الغريب الذي في سجن ذاكرتي=يقودني شبح الذكرى إلى شبح
تغتالني ذكرياتي حين تأخذني=لكل درب بلون الحزن متشح
إني وقفت بوجه الريح أجمعها=والدمع في قبضتي والريح في سرح

ماكنت أحسبني أبكي على أحد=حتي بكيت وما أبكي على أحد
أبكي على ذكرياتي حين تذكرني=وحين أنفى غريب الروح عن بلد
ياجنة كان كل الأنس يسكنها=واليوم مقبورة الأطلال في لحد
تسفو عليها السوافي والنوى قدر=وأين منا هروب من يد القدر !
تمحو السوافي خطى الذكرى وتلبسها=ثوب الحداد على روح بلا جسد
تخط أوجاع حزني وحي قافية=حزينة من تباريحي ومن سهد
حزينة ساعة اللقيــــــا تمزّقها=ثواني البعد لم تترك لها لغد

سلام يالشغـار شيـخ الدماسيـن=ياراعي الفزعـه قـوي العزومـي
جينا على الدعـوه لقـدرك ملبيـن=ناصين شخصك جعل عمرك يدومي
لو عندنا من شغـل بقعـا ملاييـن=عـن واجبـك ياجعلهـا ماتقومـي
ومن ربعنا الغياب يمـك موصيـن=عذرك لمنهو للظروف امحكومـي
ياشيخ يامطلق سـراح المساجيـن=ياعز من ينخاك وقـت اللزومـي
راع المواقف لاغدى العلم علميـن=لامنها ضاعـت كبـار العلومـي
وطالت دعاويها مع اهل القوانيـن=وكبرت على حب اللحا والخشومي
وعن حلها عجزو دهاة المحاميـن=اللي لهم حجـه بنقـض الختومـي
فزعتك يافيحـان مثـل الوداديـن=تشفي غليل اللي شوتـه السمومـي
حصنن منيع بحزة العسر والليـن=ملاذ مـن زادت عليـه الهمومـي
يالركن يالشامخ على العز والديـن=تفخر بك الهيـلا وكـل العمومـي
وترفع لك البيضاء بشتى المياديـن=ياشاهراً بالصيت فـوق النجومـي
ياذخر شيخن جاء لطيبه براهيـن=ناصر عشير الطيب سقم الخصومي
مشهور فعله عند الاقصى والادنين=بين الرجال اللي تعرف السلومـي
عساه فالجنه معـي قولـوا اميـن=شيخن رحل واخّر شيوخن قرومي