من كثر ما تجرحيني عـرق قلبـي نـزف=وانا تحمّل جروحـك لجـل مفقـد غـلاك
كذا تبيعـي غـرام اللـي لحبـك عـزف=احلا ترانيـم عمـره قالهـا فـي رضـاك
معاد فيني صبـر صـوت المفـارق رزف=صوني دموعك لغيـري دام ربـي عطـاك
لا..لا تقولي (أحبك) بان زيـف الخـزف=كنت احسبك قلب يسعى في رجاي او رجاك
واليوم جرحي شفا والقلب عنكـم عـزف=حبل المواصل قطعته لجـل تبعـد خطـاك
راع الهوى يا دوا المجروح يامـا جـزف=جـلْ امنياتـه عشـان الله بقلبـه حبـاك
وميض برقك تلاعج والرعـد مـا هـزف=متى تبلْ الحنايـا وارتـوي مـن سمـاك
دست المشاعر برجلي والضمايـر تـزف=لحظه وداعك عسى ربـي يسهـل عـلاك
ذوقي ما ذقته ما دام ان المـوادع ..أزف=باكر تعرفيـن قيمـة صاحبـك لا جفـاك

سلام ياللي داخل اضلوعي مساكنهـا لجـت=سـلام ياللـي وافيـه بوعودهـا وعهودهـا
وسلام ياللي باعت الدنيا على شانـي وجـت=مغرهـا فـي حبهـا واشـي ولا نمرودهـا
جتني مثل غيمه ولاحت فوق راسي ورهجت=اخيلها وستبشـر الخاطـر بزيـن ارعودهـا
تقول يانبع الوفـا مـا ضاقـت الا وفرجـت=اصبر وانا بصبر ولو طالت لنـا مردودهـا
اسمع خلاج بصدرها وضلوع صدري اخلجت=يوم الرجاء من بيننا حبلـه قصـر ممدودهـا
ضميتها ودموع عينه فـوق خديـه ادرجـت=ودّانهـا يسقـي ديـاراًٍ ممحـلات اعدودهـا
ياليت ما ضميتهـا ماكـان (.....)ازعجـت=غصبٍ عليّ ضميتها صبري تعدى احدودهـا
شفت الشقى في وجهها والظلم لكن مهرجـت=الا حياتي تمتمه والبيـض طاغـي سودهـا
سألتها عن حالهـا قالـت جريحـه مانجـت=الصدر صندوق الجريحه والضلوع اسدودهـا
لو كل شي ٍ قيل يالغالي ماشفت اللي بلجـت=لكن ميّز فـي خـدودي ذابـلات اورودهـا
قلت القدر دق الجرس وخيول فرقانا اسرجت=والصفر حانت ساعته لا شك حان اوعودهـا
اقفت ولدت بالنضر لوصالنـا يامـا رجـت=ياوجد حالـي كـل مالـدت وزاد اصدودهـا
فيها جمال اليوسفي معـه الرزانـه توجـت=كن البدر مع طلته يكشف شعـاع اخدودهـا
هذى نهاية حالتي وان طالت الدعوى اسمجت=كـلاً يـدور غايتـه والله يحـل اعقـودهـا

ياسابقي لـو ماكسبـت الرهانـي=مانـي بخيالـك ولانتـي بلـيـه
لقحتـك الفكـره وترجـم لسانـي=مابين صدر وعجز بصمت يديـه
ناقيك عن درب الردى والطمانـي=ماكنـك الا المـهـره اليعربـيـه
ماصاغهـا بكتابـه الاصفهـانـي=اللي قضى وجـروح قلبـه نديـه
حذي حوافيرك ترى الوقت حانـي=ثار العسـام وقدمـك الجرهديـه
خابرك فالميقاف بنـت الحصانـي=اللي ذكر فعله علـى كـل هيـه
وان عوّدت عشري بسبع وثمانـي=هلي دموعك مثـل وبـل ابرديـه
والله يلالا حشمت اللـي دعانـي=انـي لـردك بالضلـوع الحنيـه
مار البلا من واحدن جاك عانـي=مالـك عنـه معـذار يالعسلجيـه
شومي لمن هو فك عنك العنانـي=خـلاك سّباقـه بنجـد العـذيـه
خلا هزال القول لجـل السمانـي=ناقيـك والرجـال ينقـى خويـه
وان كان ما جبنا من اول وثانـي=((تحرم علينا شربـت الشاذليـه))
وشرف على المرقاب وندب زماني=وقـول هـوّن مالنـا مقـدريـه
ياقطعك يا دنيـن تعـز الهدانـي=والحر قفـى بيـن هـذى وذيـه
وش عاد لو انه زمانـي جفانـي=لابـد مايومـن يـعـوّد علـيـه
مادام شِد الكـور فـوق العمانـي=مالي لزومن فـي شـداد المطيـه
قال المثل فـي طيبـات المعانـي=الطيب يبقـا والخطيـه الخطيـه

كسر الخواطر كنها كسـر الاكـواب=ما تنجبر واليا جبـر بـان كسـره
هذا الصحيح ولا~على قولي احجاب=الخيـر راح وبيـن الشـر عسـره
ان كان ماحضك على راس مرقـاب=لا بد ما ياتـي مـع العسـر يسـره
ازريت لااعـدل معاويـج الارقـاب=لاشفتهـم يـزداد بالصـدر حسـره
وجهتهم لاكـن ضاعـن الاطبـاب=قامت تعاقـب بيـن يمنـه ويسـره
وقتٍ تغير ماحسبنـا لـه احسـاب=اللي غـدى مابيـن بومـه ونسـره
حلفت دونه لغلـق ابـواب وابـواب=وشوم عن دربه ولو طحـت بسـره
هذي ثـلاث اسنيـن للمـر شـراب=درب العنا ياصاح شيـدت جسـره
نعطي والا~نا في رجاء الخلق طلاب=نموت مخذنـا مـن النـاس كسـره
وان عودة مابين صدقـان واقـراب=اللي خسرنـا واجـب انّـا نخسـره

وتضيق بي كل الدورب=على أمل لحظة لقى
تعبت يالريم اللعوب=من هقوة اللي ما هقى
الحب بستان القلوب=مادام في وضحا النقي
شمسي توارت للغروب=مليت من درب الشقى
تاخذني الذكري جنوب=واصحى على دار امحقى
اذوب واحساسي يذوب=لمر طيفك واتقى
القلب عيّا لايتوب=والشوق منسوبه رقى
تعال يا الصدر الرحوب=العمر قفّا وش بقى

***

**

*

,,
,

يموت الصمت في صدر الفقير اللي قضا عمره =على فقره, وغربال الزمان, وطاوي البيني
ليا من مسّته حاجه تردّه داخله زمره=تردّه داخله زمره عن القاصي والادنيني
يسج الرجل في مركب هلاكه واختلف بأمره=يعالج لوعة الأيام وألا حضه الشيني؟
يضيق و يفهق الضيقه ليامن عانق القمره=مقادير الليالي ساقته كآس الامريني
بدا شيبه يجود.. و لآ .. بخَل في كِسْرة التمره =حبس دمع الغبينه واتضح في محجر العيني
نطح درب الحقيقه والحقيقه طبعها مره=سلوم الوقت علمته بنود العسر والليني
غَرَس بذرة وفا والمشكله عينه على الثمره=بعد زانت مكادينه غدت في كف الاقصيني
جلس في مهمهاً خالي كما القابض على الجمره =يجوب ويجتلد والنار في جوف المسيكيني
يعنّزها على حال الشقا والحال مندمره =عسى الله يلطف ابـ حاله ومابه لا يشقيني
عرفت ان الزمن ميّال كنه فيّة السمره=تزول و كل شيٍ زايل الا منهج الديني

هبّت نسانيس الصبا/ والهم في صدري.. قطن= والرِجل ترقب للفرج/ واستسلمت لأمر القضا
النفس شالت ..حملها والقلب ماعيَّن.. وطن!!=والصبر سلّم رايته!! من عقبها ضاق الفضا
وشلون ؟ مدري!! لكن الدعوى /لها ضهر.. وبطن=من لا يهوز الكايده / يصبر على جمر الغضا
ألدْ عيني للجدي وسهيل وماري.. قطن= واثر الجدي وسهيل دونه درهمت عوص النضا
وش حيلة اللي خانته دنياه وجروحه ..سطن=أبطى يداوي نزفها والمشكله صبره قضا
لا خال برّاق الحيا ؟فكره عن العالم.. شطن!= أشملّ بها /واجنبّ بها والا الرضا ما من رضا
أثر الليالي ؟لا وطن! يامسندي.. وطن.. وطن = ما يرحمنّ المودماني / لا وطى درب العضا
اضحك مع اللي قد ضحك/ ورطن مع الي قد رطن=والنار شبّت فالضلوع ..الحدْب وشتد اللضا
لا زيح طنٍ داخلي!! يجتاحني عشرين طن!!=واللي مضا ما هو براجع/ ليت يرجع ما مضا
هذي دواليب الدهر/ يالجاهل اللي مافطن؛=اما كسبت الطايله / والا بها غيرك حضا

يا سعد سلطان يازبن الدخيل=ياحلي الذيب لا منه عوى
مكسب الرجال في كسب الجميل=وانت ابن مدوح رفيع المستوى
ورّدوه العد وانشق الصميل=يوم انا منته على المارد سوى
دارت الدنيا وصار المستحيل= وانكشف خافيه والغايب ضوى
ما دريت ان الهوى باعه طويل=لين عرقه في معاليقي روى
قلبي اللي باعني بيع الذليل=لجل من هو عن بعاده ما قوى
هزه التحنان والقاني قتيل= من يرد القلب لامنه هوى
قلت له هوّن عن الطرف الكحيل=صد عني هب ماكنه نوى
ليتني ماشفت نقاض الجديل= الحق الكيه بكيه ونكوى
ما رشفنا من وصاله سلسبيل=يوم دونه حال ملعون الثوى
ياوجودي لانثنى الخصر النحيل= كنّها زهره يلاعبها الهوى
و وجودي من تشكوى للبخيل= راح عمره لجل يضفر بالدوى
ووجودي لا رضينا بالقليل= وجد من حظه على الدرب انطوى
خبر اللي داخل بقلبي دخيل =ياشهد الله ما عرضته باللوى
ما يشابها شبيه ولا مثيل=اشد ان اللي هواها ماغوى

سلام الله على الوافي ولد وافي عريب الساس= عريب الساس من عمه ومن جده ومن خاله
تعلى كنّه الهيلع ليا منه نوى المقباس= ليا منه نوى المقباس محد(ن) هاز فنجاله
صميدع فالمواقف وان بغيته للبحر غطاس = يشوش اليا احتمة مابين رجليه وخياله
حكيم او عارف الدعوه و وازنها على مقياس= تزيح الحيد مازحته كريم او تكرم اسباله
عزيز اليا بسط كفه يشادي حومه القرناس =ذكر بالخير ابو وافي على حله وترحاله
بعدها ياقلم لا تقصر الدعوه على القرطاس = يقولون الشعر في صدر شيخ القوم مدهاله
ترى ما صغت قافي كود اصفّي مشربٍ منحاس=بعد غثرب وصار العد لهل الطيب محباله
انا والله ورده بالقسم كثرت علي اوناس=دخيلك لا تخليها مابين الذيب وعياله
همومي كنها تصلى يابو وافي على محماس=اداريها كما دارى رحوم القلب لعواله
هجرت النوم والشاهد على قولي شديد الباس=ادوّر فالحلول اللي عضت ياوين مقياله
تكانفني هواجيسي ياكيف اداوي الهوجاس=اكابدها ثلاث اشهر واشوف ان حالتي حاله
غدينا بين نيبان الزمان او حدّة الاضراس=يالين الرجل مايعرف يمينه وين وشماله
بلينا بالرخوم اللي تشيل الناس فوق الناس=يالولا حكمة الوالي لكان ابهالزمن عاله
شعمها بيننا واحد يابو وافي عديم احساس= ورحنا بينهم مابين هراجه وطباله
يموت الداب وام اجنيب لامنّك قطعت الراس=تموت الفتنه العظمه وكلاً تضهر افعاله
بكور الوسم قرّب والقضيه جابها جساس=لاهي مني ولا هي منك والله حافط اعماله
مشاريهك عليه والبلا في غرست الغراس=بعد جفّت سوانيها وقصّر دونك احباله
ولا لي ناقةٍ فيها ليا وقّع عليها الفاس=ترى حجه على الرجال لامنه رمى اعقاله
سمعنا ما سمعنا يوم جانا بالخبر عساس=ياليته ما لفانا يوم حط السم بدلاله
تقهوينا سوى من عقبها تضرب علي اسداس=واتدري ويش غير منهج المكتوب لجياله
رفعت الصوت لاكن الدعاوي قصرها نوماس=سعيد الحظ من هاز الطويله من شرح باله
الايا باري العله و ألا ياطارد الهوجاس=بيدك الخير لامنك عطيته تنشي اخياله
وختم القول صلوا عد ماذعذع من النسناس=على محمد شفيع الخلق يوم(ن) تكثر اهواله

يا سعد جتك المعاني كنها حد السناني من جفيره مطلعينه وانتبه غدر الليالي لا تجنبك ابركتها=لن صفتلك يوم حذرا تنقلبلك وانت غافل في زمانك تحسبن الوقت وقتك والزمان اقشر سريع الانقلاب
كل ما تسجع حمامه قوف غصن الراك هاض الفكر يأهل العرف واللي شبها عيّا يطفّي يابن مدوح معركتها=مشكلتنا مشكله عضمى تبي منهو يحل الحبل وان عيّا يحله من يحله يا عسى ربي يحل الحبل ويفك النشاب
كان جاك العلم قلّي يأبن سلطان المسمى وان تجاهلتم تراني برفع الدعوه عليكم وان نويتم والله انك طايحاً وسط اشركتها=والله ان الشعر يلفيني وانا صايم والو اني تركته ما تركني كنه الهامٍ يجيني ويغشيني وان غشاني ما حسبتلك حساب
كل ما يطري عليه قصةٍ صارت علينا قلت يالله من ردات الحض يا حض الردي هوّن ترى الدمعه على وجه المها كيف اعركتها=جيت من دارك معنّا مار حول في وطنّا قدمك اللي يزبح الحايل ويلطم كل عايل مار حذرا لا تجي في درب قصاص الرقاب
ان عطيتك خيطها لا تتركه واليا تركته منت عارف كيف عارف كيف سكنات القصيده يا سعد ويّا احركتها=النبيه اللي يحل المبهمه قبل الدعاوي تكشف الخافي وتضهر كل عذرا من خبها عقبها زانت نقوش الكف من زين الخظاب
الشعر حكمه ونقمه من يصونه يرفعه واللي يهينه يسبعه ماهو بواجب نتبعه ما كنه الا سانيه يوم المعاويد اتركتها=احدٍ يضرب صخر مثل اللذي شعره جزل وان كان يقطف من زهر مثل اللذي شعره سَهل واليا غرفله من بحر ماهو بويا القاف شاب
يا سعد جاك السعد من يوم جتلك ياسعد فكره ودارت في مدار الراس واللي قد دفعها هاجسي واثر النوايا حركتها=البحر يمه ويمه وان بغيت السم سمه كان تبغاها تحدي شد حيلك لتحد والتحدي ما يجيله كود نطّاح الصعاب
لا تقول الشعر شعري منت قادر تنطح اللي وارثٍ شعره من امه وانهضه خاله وعمه والمغيضه ياسنافي جوف صدره اشركتها=انقض اللي ما نقض قبلي والو اني فتلته ما يجي من ينقضه يا كود منهو في زمانه جامعٍ ياصاحبي سبع العجاب
الحمول الكايده يأبن عويشز عندنا منهو لها وليا عضت غصب ٍتعود لين والقاسي على متني ركتها=ركّزت سمر العولي جوف صدري وركزتها حسبي الله حسبي الله ما نقول الا عليها حسبي الله حسبي الله يوم نحرها السراب
الكفوف اللي تمد الطيب يا كيف اقصرت من عقب ما كانت تمده من صناديق السعه صارت يديها من ردات الحظ عرقا واعركتها=لا لمحت البرق سنّا فاضت ادموعي على خدي وقول الله يصبرني على وقتٍ تغير صار رجّاله يهين الحر ويعز الغراب

على ذاك المكان/ اللي جمعنا قبل عيد الفطر= ذكرت أيامنا الحلوة/ وهل الدمع من عيني
لقيته خاليٍ(ن) موحش بقايا من حنين وعطر= بقايا من حنين وعطرك اللي يختلج فيني
صحيح أن التجافي غيمة (ن) سوداء بليا قطر= حجبها بارَق سنين العجاف/ وبارَق البيني
ولو أني على ذكراك/ أوايق للدروب الخطر= وجر الصوت في مبداي والعربان ممسيني
هويت ولا قويت إلا جروح وقلبي اللي فِطِر= سبايب حبك اللي ساري (ن) وسط ألشراييني
دخيل اللهِ/ يابنت الرجال أهل السيوف الشطر= تتمين المواصل دامها في يديك ويديني
ترى جاش المعنّا باح سده بين سطر وسطر= يترجم لوعت الملتاعِ/ فصدور المحبيني
نطرتك في زمان الضيق لكن وش يفيد النطر= ما دام إن الليالي فرقت ما بينك وبيني
دنت روحي من الضيقات/ والصدات جاها بطر= طوت درب الغرام وجنبت درب المقفيني
دقيقه قبل لختمها بقوله وفهمي هالشطر= ليا جفّت دموع العين/ طلبتك لا تناديني

يا هاجسي لو الشعر ماهو وسيله للبلاغ= ما كان نبنيها على لعلها يا ليتها
لكن على الله يستنير الفكر ويقرْ الدماغ= لاعسكرت سود الليالي و اختلف توقيتها
نبني من الضيقه فرج/ ويهدّها مليون طاغ =كثرت طواغيت العرب من يوم شعشع صيتها
ما كل من رام العلا يرقا على شمْ التلاغ= اللي قصر من دونها واللي جذب تنهيتها
لا شفت شمطان اللحا تسعى ورى جلب الدباغ= سلم على الدنيا وقول الله يرحم ميتها
هيهات لا دارت رحاة الضيم وزداد الفراغ=والله لتبطي نارها يا صاح ما طفيتها
نثبت نهار الكايده لا من ولد اللاش زاغ= الصامله لهل الفعل والتايهه من هيتها
الحمد لله ما تبعنا فــ الدعاوي كل لاغ=اشوم عن درب الردا وصد لا مريتها
لني موصى للعلا من قبل لبسي للشماغ =واليوم زانت غترتي/ تزها وانا زهيتها
امد حبلٍ من مسد واصوغ مالا يستصاغ=دام القصايد عزها يا صاحبي من بيتها
ياهاجسي يا هاجسي مال الرسول الا البلاغ=ياما وياما داخلي زفرت غصب كنيتها

المشاركة الأصلية كتبت بواسطة ضاامي وفااا (المشاركة 923490) http://www.samysoft.net/forumim/shokr/3/6557567.gif

بين سيفين العدالة, والرجا, والمقدريّـه=غنّت حروف القوافي/ للبـلاد الطاهـره
البلاد اللي ثراها ريح مسك , وجاونيّـه=جمّعت كل المعالم في حضـاره زاهـره
خصّها الرحمن بالمبعوث رحمه للبريّـه=وأصبحت دولة سلام ٍ للمعـادي قاهـره
مايضيع الحق فيها واسجعي يالراعبيّّـه=دام حاكمها بناها فـي سياسـه ماهـره
المليك الشهم عبد الله أبو كـف ٍ نديّـه=لحتما الميقاف سيفه فالـوازم شاهـره
وأنت ياسلطان سلطان المواقف والحميّه=السياسه نسج فكرك والدلايـل ضاهـره
سادت افضالك يابو خالد على كل الرعيّه=وبل جودك بالخفا عم الديـار الداهـره
الرجا في كم بشتك يا عسى أيامك مديّه=يوم نامت عين خلق الله عيونك ساهره
احَمد الله بالسلامه جيتك عيد الضحيّـة=قلتها وأقولها مـادام صوتـي جاهـره
لو يشال السقم شلته عنك يا زبن الونيّه=لجل قلب ٍ من غلاكم طول بعدك صاهره

يا هجوس الشعر جودي بالمعاني=هاتي المـازون بالـك والمقـرّد
المعانـي كنهـن الكهرمـانـي=لختلـط باللولـو والا بالزمـرّد
لا طلبت القاف ماهـو بعصانـي=وان عصانـي وقفلـه بالمجـرّد
ياوجودي كل مـا قفـى زمانـي=وجد شيخٍ عن بياض الوجه مرّد
سبت اللي بالهوى وده شعانـي=شعي ذود العود والراعي مشـرّد
الجسم كنـه عويـد الخيزرانـي=والنهود اصغـار والخديـن ورّد
لا نطحني شاقني صف الثمانـي=مثل عقد الماس عن غيره تفـرّد
قمت اجازب بالغنى منهو كواني=من ضلام الليل لين الطير غـرّد
قلت اذنه يبري الخفـاق دانـي=مار قلبي يا سعـد عنـي تمـرّد
نوج يوردني على عدّ الطمانـي=ونوج يوردني على قيعان جـرّد
ابتليتـه بالمحـبـه وبتـلانـي=ما يشاديها يكود اخشيف شـرّد
ليتني ما جيت يمّ الزين عانـي=احسبن الوضـع يأتينـي مبـرّد
حلها يا صاحبي دامك حصانـي=انتتنـا ياسعـد مطلوبـي الـرّد

يا نبض قلبي عداك اللوم لا غبْتي= ماهو بكيفك ضروف الوقت غلابه
ادري غيابك يزوّد داخلي كبْتي=وش حيلتي دام بعدك نوّخ اركابه
لا عسعس الليل طيفك زار مكتبْتي = اتوق له وتغنى وتلوابه
تنتابني قسوة ايامك لا غربْتي=كني غرير الولع جالس على اعصابه
ماتت صغار الاماني قبل موهبْتي =وستنزفت دم قلبي واكشفت مابه
امّا تعالي وذوقي مر تجربْتي =والا / سلامي على اللي دار دولابه
احساس مرهف وبأحساسي تلاعبْتي= ماكنت احسْبك كذا ياشوق لعابه
هذا جزايه ولآ ادري وين عاقبتي=خلاص ستر المحيا طاح جلبابه
ثنيت غصن الرجا واتعبت لك سِبْتي=من وين ماروح شوقي فاتح ٍ بابه
مادام عهد المحبه دين فــــ/رقبتي =انا على عهدنا لموت وحيابه