الا ياهجوسي نادي لصاحبي فواز= هجوس ٍ شماليه تنادي على حجازي
ترى ربعك هذيل وربوعي بني عناز= مايرضون فسياستك ياهتلر النازي

هجوس الشماليه لها فالقصيد انجاز = خصوصا على الدحّه وتفجيرها الغازي !!
هذيل النشاما تفهم اللغز مايعتاز = لكن انت وش تعرف من ارموز الالغازي !!

الاولى لنا ياهذيل فيها فخر واعزار= والاخرى ترى تفداك وانته ماتعتازي
الا ياصقر ما كنت اظنك تعود باز= لكن انتظم بالصف واعطيك الايعازي

الا يابني وايل جلستو على المعناز = ثلاثة عشر خسرو .. وواحد نفر فازي !!
ترى ماسرقنا مجدكم ياهل التلفاز = لكن انت تسرق مذخر هذيل وتخازي !!

عسى ربنا المعبود يرحمك يابن باز= بوقتك شغل فواز بالصف نقازي
انا اقول خل النار لاتقترب للقاز= وروح انشد الدكتور عن حرب ( خزازي)

ترى الشيخ من ديره ومن ناس ما تنهاز = تفاخر به الدوله .. عزيز امن الاعزازي !!
لكن انت من لمّع قزازتك ياقزّاز = خلاياك بانزيم الفشل تفرز افرازي !!

ما ادام انت يا فواز تمشي على معكاز= توّجد على صيت ابن حيان والرازي
انا بيرقي من قبل فالضلع له مركاز= لكن انت في ضل الظلاعين ملتازي

اذا انّك تبا تدرس وتتخرّج (بممتاز) = فخلّك مطيع هذيل وتصير ممتازي !!
شيوخ القصيم امن النفيسه ليالعزاز = وانا مدري انته يانفيسه ياعزّازي !!