|
ابن شايق و ملفي المورقي 2012 ؟؟ واسقاطات خطيرة !!
محاوره قويه جداً بين هرمين من اهرام شعر المحاوره
عبدالله بن شايق + ملفي المورقي هذه المحاوره قبل اسبوعين تقريباً في اليخت بتاريخ 28 / 4 / 1433 هـ عند قبيلة ال فهاد من يام بحضور فلاح القرقاح و سفر الدغيلبي وكانت المحاوره فيها اسقاطات خطيرة و نديه قويه : ابن شايق هلا يا مرحبا في حفل يام و كلبونا يام ** ويشرفني بعد لا قلت انا يامي و فهادي ترى يام محلف قحطان مثل مضيم ما تنضام ** ياملفي حلف يام المجد مع شالح و بن هادي ملفي المورقي يدوم الك البقا لو كان حصلنا القبول شمام ** لقينا قبلك اللي يكثر الترحيب و ينادي انا دارى انكم وجه محلف من ماضي الايام ** تراك مع الطريق الصح لا تايه ولا غادي ابن شايق انا اللي شق لك نور الطريق و زحزح الأظلام ** وصرت الرقم الأول منت لا عاشر ولا حادي وبمكانك تقول انك قديم محطم الأرقام ** فلا انته بالوحيد الا معك تسعين جحادي ملفي المورقي ترى هاذي سوات الناس احد يرجع واحد قدام ** لاكن الليله الميدان ميعادك و ميعادي لو انك قلت هاذي ياوسيع العرف ما تنلام ** تناظرني براس الضلع و انته فاسفل الوادي ابن شايق تحلم يا ولد مزيد ترى كل الحياه احلام ** تقول الناس صياد الفهود الصبح ينصادي ما دام ان الكلام ابلاش والدنيا رخاء و انعام ** لا تستغرب ليا شفت الرديف ايدور اشدادي ملفي المورقي انا اوحي لك يابن شايق سوالف من زمان العام ** ماغير اتبثها في شاشة التلفاز و الرادي تعرف الذيب يلقى فرصته يوم العباد انيام ** من اهل الغرب ولا من هل البصره و بغدادي ابن شايق ياكم فارس عنيد و رافعن خشمه و فيه عرام ** يطيح اعناد راسه فالثرى لا جرب اعنادي دريت ان اضعف الاكراد هو اللي شنق صدام ** ولولا الزود يا صدام ما صدوك الاكرادي ملفي المورقي مادام ان الجمل بعد الهدير اصبح عصب و عظام ** ترى ما عاد يحمل غير به خرجين و شدادي اله مده بحر جده مصاحب شاطي الدمام ** وبن شايق يسير بينهن سرداد مردادي ابن شايق انا يالمورقي مالي دخل بين اليمن و الشام ** حصاتي نجد و امشي في ديار الناس الاجوادي اذا كان القصايد فن و ابداع وذكئ والهام ** انا شاعر مميز وانت اضنك شاعرن عادي ملفي المورقي اقول اصبر على دارن حصاها يحفي الاقدام ** عتيبه واقفين بشلفهم في كل مرصادي انا اقول التميز راح وقته وانتهى ما دام ** لاكن ارتح حفظك الله على دله و برادي ابن شايق اقول و نعم يا عتيبه لاكن قحطان سبع انعام ** ترى حنا قطعنا روسكم و اجحد يا جحادي . . . من صدام المقصود فالمحاوره ؟ ومن الاكراد ؟ (( لا تستغرب ليا شفت الرديف ايدور اشدادي )) هل المقصود في هذا الشطر شاعر محاوره غير متواجد في الحفله نفسها ؟؟! وبحر جده و شاطي الدمام ؟؟ ياليت الكل يعطينا رايه و تفسيره ولي عوده بعد ما اسمع مشاركاتكم وهاذي المحاوره فديو http://www.youtube.com/watch?feature...&v=QtZXkcUq6Jk |
هلا يا مرحبا في حفل يام و كلبونا يام ** ويشرفني بعد لا قلت انا يامي و فهادي
ترى يام محلف قحطان مثل مضيم ما تنضام ** ياملفي حلف يام المجد مع شالح و بن هادي بدا ابن شايق بالترحيب في محل يام وذكر ان القحاطين محالفين يام من وقت شالح بن هدلان ومحمد بن هادي يدوم الك البقا لو كان حصلنا القبول شمام ** لقينا قبلك اللي يكثر الترحيب و ينادي انا دارى انكم وجه محلف من ماضي الايام ** تراك مع الطريق الصح لا تايه ولا غادي ملفي رد وقال انا لقينا الترحيب الطيب من قبلك من قبيلة يام واللي ذكرته عن حلف يام وقحطان صحيح انا اللي شق لك نور الطريق و زحزح الأظلام ** وصرت الرقم الأول منت لا عاشر ولا حادي وبمكانك تقول انك قديم محطم الأرقام ** فلا انته بالوحيد الا معك تسعين جحادي هنا يقوا ابن شايق انه هو اللي فتح الطريق لملفي المورقي حتي اصبح شاعر في المقدمه واذا كان جحد ملفي هذا الشي ماهو هو لحاله اللي جحد غيره كثير ترى هاذي سوات الناس احد يرجع واحد قدام ** لاكن الليله الميدان ميعادك و ميعادي لو انك قلت هاذي ياوسيع العرف ما تنلام ** تناظرني براس الضلع و انته فاسفل الوادي ملفي قال هذه سوات الشعار يحد ينجح ويستمر واحد يطيح مستواه لكن الليله ورني فعلك وانا مالومك لانك يابن شايق تشوفني في المقدم وانت بقيت على مستواك تحلم يا ولد مزيد ترى كل الحياه احلام ** تقول الناس صياد الفهود الصبح ينصادي ما دام ان الكلام ابلاش والدنيا رخاء و انعام ** لا تستغرب ليا شفت الرديف ايدور اشدادي هنا يقول ابن شايق انك تحلم انك تبقي في الصداره ولابد من يجي يغطي عليك في هذا العصر الذهبي والزخم الاعلامي انا اوحي لك يابن شايق سوالف من زمان العام ** ماغير اتبثها في شاشة التلفاز و الرادي تعرف الذيب يلقى فرصته يوم العباد انيام ** من اهل الغرب ولا من هل البصره و بغدادي ملفي يقول يابن شايق علومك تاصلني انك تقول انا اللي طلعت ملفي في بدايتها ولكن الذيب اذا لقي فرصه مايفوتها ياكم فارس عنيد و رافعن خشمه و فيه عرام ** يطيح اعناد راسه فالثرى لا جرب اعنادي دريت ان اضعف الاكراد هو اللي شنق صدام ** ولولا الزود يا صدام ما صدوك الاكرادي ابن شايق يقول انت ياملفي تعاند لكن انا اعند منك والكبر والغطرسه هي اللي طرحت صدام وانت متكبر ومتغطرس ورايح يرجع مستواك مادام ان الجمل بعد الهدير اصبح عصب و عظام ** ترى ما عاد يحمل غير به خرجين و شدادي اله مده بحر جده مصاحب شاطي الدمام ** وبن شايق يسير بينهن سرداد مردادي ملفي يقول انت يابن شايق طاح مستواك ولاعاد عندك ماتقدمه واصبح شغلت تمتر الخطوط بين جده والدمام انا يالمورقي مالي دخل بين اليمن و الشام ** حصاتي نجد و امشي في ديار الناس الاجوادي اذا كان القصايد فن و ابداع وذكئ والهام ** انا شاعر مميز وانت اضنك شاعرن عادي ابن شايق يقول انا من اهل نجد ولا اطلع من نجد دايم في دير الاجواد وان مازلت محافظ على مستواي ومازال عندي الكثير وانت ماعندك شي اقول اصبر على دارن حصاها يحفي الاقدام ** عتيبه واقفين بشلفهم في كل مرصادي انا اقول التميز راح وقته وانتهى ما دام ** لاكن ارتح حفظك الله على دله و برادي ملفي يقول خلك يابن شايق في الجنوب ونجد مانت قادر تطبها قدامك العتبان وانت يابن شايق انتها وقتك بس تريح في بيتك |
محاوره قويه جدا
واظن والله اعلم ان ابن شايق تطرق للقرقاح او للهاجري |
فهيد الايداء مانت بسيط هههههههه
كفيت وفيت ولاهان ناقلها وبالانتظار |
فهيد الايدا .. أبدعت
|
حنا ننتظر ابو فايح لنسمع وجهة نظره في المعني
|
فهيد الايداء جبتها صح المعنى هو لي تطرقت له بيض الله وجهك
|
مؤيد لفهيد المورقي
|
مجري الهياب مشكور على النقل
فهيد المورقي بن شايق هو الذي فتح الطريق لملفي المورقي هذا غير صحيح ملفي المورقي في بداياته شجعه مطلق الثبيتي رحمه الله وليس لأبن شايق على ملفي أي فضل وقد عرفه الجمهور قبل أن يشتهر بن شايق |
اللي اعرفه ان اخو دعجه وملفي وابن شايق مغضوب عليهم علي ايام العمالقه
حتي في بيت لملفي رد علي حبيب في مزاين الهيلا توصيني الليله وانا العام اوصيك = والحين ياحبيب مبالك وصيه |
[size=4]يعطيكم العافيه
ملفي يقول ماغير تبثها في شاشة التلفاز والرادي يقصد ابن شايق هاجم شعراء عبر قناة الساحه.. ملفي يقول في معنا بيته بحر جده مصاحب شاطي الدمام ... وابن شايق يمشي بينهم سرداد مردادي بحر جده الشيخي وشاطي الدمام الهاجري وابن شايق يمشي بينهم يقصد انها يهجيهم والدليل محاورة ابن شايق السابقه مع العضيله (( تقول أريام اقول الله يرحم مريم الغضبان )) اريام الشيخي والغضبان الهاجري حسب كلام ابن [/size]شايق.. |
اقتباس:
هلا و غلا يافهيد تشرفت بمشاركتك و بتحليلك مع اني غير متفق معك في معظم التحليل ;) والأختلاف فالراي لا يفسد للود قضيه في بداية المحاوره يرحب بن شايق و يتفاخر بقحطان و يام وردود ملفي عليه على نفس معنى بن شايق وكانت خطه ذكيه لا اشغال الجمهور عن المعنى الحقيقي و ملفي فاهم ابن شايق مضبوووط :) تحلم يا ولد مزيد ترى كل الحياه احلام ** تقول الناس صياد الفهود الصبح ينصادي اعتقد ان المعنى سياسي (( تقول الناس صياد الفهود الصبح ينصادي )) اعتقد يقصد فيه بشار !! ما دام ان الكلام ابلاش والدنيا رخاء و انعام ** لا تستغرب ليا شفت الرديف ايدور اشدادي اعتقد انه يقصد مادام ان حنا في رخاء و انعام في السعوديه لا تستغرب اذا احد طمع فينا ;) انا اوحي لك يابن شايق سوالف من زمان العام ** ماغير اتبثها في شاشة التلفاز و الرادي ملفي يقول حنا من سنه نشوف اللي يسوي بشار في الشام من العام !! تعرف الذيب يلقى فرصته يوم العباد انيام ** من اهل الغرب ولا من هل البصره و بغدادي ملفي هنا يرد على ابن شايق يوم يقول ان حنا في رخاء وانعام ويمكن يطمعون فينا اللي برى ويقول ملفي ان اذا لقوا علينا فرصه ما خلونا سواً من الغرب ولا من ايران و العراق وواصلوا على هذا المعنى وهذا حسب ما اتوقع انا و انتظر المزيد من مشاركتكم |
اقتباس:
ياهلا و غلا مشكور على مرورك و تشريفك و المعنى بعيد كل البعد عن القرقاح و الهاجري |
اقتباس:
ومن قال ما هان .. |
اقتباس:
هلا و غلا يا قاسي ويعطيك العافيه على مرورك العطر ومثل ما قلت ملفي طالع من دون ابن شايق بس هم صار بينهم ثنائيه قويه |
المحاورة ابعد مما تضنون تطرق الشعار لمذهب يام وولائهم للعراق وايران
وقال ابن شايق وافتخر بانه سني وان قحطان هم من ساهم بنشر الدين وقال ملفي برمزية بحر جدة وبحر الدمام (الى متى يايام وأنتم ولائكم لغير اهلكم وناسكم ) والى متى علاقاتكم وولائكم لايران والعراق ومراجع قم والنجف وسخر ابن شايق من قتل الشيعه لصدام بعد ماكبر وثوى واسقطها على الاكراد والمعروف ان من قتله الشيعه والمعنى واضح لا يحتاج توضيح |
مجري الهياب
لاهنت على النقل الرائع |
من وجهة نظري المحاوره بعيده عن السياسه وحول ما ذكر الاخ الأيداء وتتكلم عن شاعرية الأثنين وكذلك م يعتقد ابن شايق انه تعرض له من جحدان وحرب شعريه وفيها ابداع من الشاعرين وفي تركيب الأبيات أعجبني هذا البيت دريت ان اضعف الاكراد هو اللي شنق صدام ** ولولا الزود يا صدام ما صدوك الاكرادي بإعتقادي يقول من يحاربني ضعفاء ولولا كثرتهم لما ما قدروا علي |
محاورة رائعة
|
اقتباس:
لا أوافقك الراي أنت عسفت المعنا على ماتريد:) وجهة نظر والدعوى دمقراطية |
لاهنت على نقل هذه المحاوره الرائعه
وتحليل المورقي صحيح ميه فالميه الا اذا كان بحر جده والدمام لم تفسر بالشكل الصحيح تحياتي للجميع |
لاهنت على نقل المحاوره صار ابداع بينهم ابداع قوي
المعنى بعيد كل البعد عن ما تتوقعون رأيت المحاوره واجريت اتصال معا احد اقرباء ابن شايق وقلت ابيك تنشد ابن شايق عن المعنى وكلم ابن شايق عن وعيا مايبي يعلمه المعنى وقال له بوضح لك الرموز وانت اعرفها وكلمني وعلمني برموز المحاوره وحاولت وكلمت ناقد شعر قوي عنده اتساع خيال في الفتل والنقض وقوة اللفض ودفن المعنى وعلمني بالمعنى وكلمت الرجال وقال علمني ابن شايق بالمعنى قلت وش هو قال كذا كذا وطلع قريب من اللي حلله الناقد اللي قلت وعندي تحفظ على المعنى واللي يبيني اوضح له الرموز اللي وضحها ابن شايق يراسلني على الخاص |
ههههههههه
اجل خذ الي بالمنتدى واحد واحد وراسلهم ما استفدنا شي ماله داعي كلامك |
اقتباس:
مع احترامي لك تراك عطيت الموضوع فوق حجمه ياخي عمرنا ما عرفنا المعنى ,, بس ما اروح ادقدق على خلق الله على شان اعرف المعنى اذا عرفناه ولا بالطقاق ماهي قضيه |
المعنى في سلطان الهاجري
|
احس ان المعنى هذا بيحرر فلسطين
لان وراه اتصالات وماينقال الا برساله خاصه وفيه تكتم شديد عليه وابن شايق مايبي يقوله وعطاهم رموز المعنى ودقوا على خبير سياسي وعطوه الرموز وقعد يحللها ويربط بينها ورمع لهم رمعه ورجعوا لابن شايق وقالوا هذا المعنى وقال حوله بس موب هو ........ هههههههههههههههههههه العقل نعمه |
فهيد الايدا خطير في التحليل وبالشعر وهؤ بصرآحه مكسب لأي مؤقع ..
كلآمه ميه الميه وكنت بقؤل نفس كلآمه والدليل بيت ابن شايق هذا .. انا اللي شق لك نور الطريق و زحزح الأظلام ** وصرت الرقم الأول منت لا عاشر ولا حادي واللي بيقؤل غير كذآ يفسر لي هالبيت .. تحيآتي |
| الساعة الآن »12:09 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd