لابارك الله في صحبتك يابو لمار=صحيبك العود وش بك ياولد تحرجه
صحيح شايب لكن يجهل كثير الديار=ما غار فالسيل راسه مثل راس درجه

انته ياملقوف وش دخلك بين الكبار = خلك مع اللي سواتك منهجك منهجه
العود لو يلتفتلك خلى ليلك نهار = يضحك عليك العرب وتصير للتفرجه

لو كبّروكم بقرش اصفر تراكم صغار=وانا ومثلي رفعنا الله عنك درجه
ما يضحك الا الخبال ومنكم انا مجار=ولياستخف الخبل دمه ترى ندبجه

احرس حلالك ليا جاتك سباع الديار = لو كان ماعندك الا عنزة" وانعجه
الناس تبني فلل وانته تهدّ الجدار = ترى العلوم الطوال اتدحرجك دحرجه

ما عندي الا انت والشايب علاكم سوار=والسبع لا جاء نبا نزقط بفمه حدجه
نبني مع اللي لهم بالطيب قدر وقار=والا انت تمشي عليك السالفه مدمجه