هذه القصيدة للشاعر/ عايد بن شباط المشعبي السبيعي في جاره العقيد/ منيف بن زيد المسعودي النفيعي.

اليا نصيت أنصى بعيد الهقاوي=اللي قصيره رافعٍ هامته فوق
سلام يا أبو زيد راع النخاوي=سلامٍ أحلى من لبن شمخ النوق
حرن على الطالات والطيب قاوي=تنشر له البيضاء مع كل مخلوق
لك فزعةٍ من كل همٍ تداوي=اليا اصطفق من عج الأيام صافوق
فزعتك يالحر العديم النداوي=يومٍ غيرك فزعته مالها ذوق
يانادرٍ لا صاع عطب المهاوي=ترف له بيض النواميس والتوق
يجزع ويبتع وإن بتع مايراوي=رجله على مرقا العلا ساقها سوق
يرهي ولا يلحق عليه الرهاوي=حرن على الطالات ماهوب مسبوق
ويوم أمدحك قلبي لمدحك نحاوي=ومدايحن في غيركم مالها سوق
ومن عد فيك الطيب ماهوب غاوي=طيبٍ على الجدان ماهوب ملحوق
لك عزوةٍ فالحرب ماهيب تاوي=سلاتهم من أحمر الدم مسفوق
ألاد النفيعي طيبين العزاوي=تاريخهم في قمة المجد من فوق
أهل الكرم ويزبنون الجلاوي=ودخيلهم يامن من الغدر والبوق
يقولها اللي فالمعاني قصاوي=يختار طيبها على كل طاروق
وختامها عود أزرق وطيب جاوي=يغش الوجيه اللي لها يطرب الشوق
وصلاة ربي عد ماخط راوي=على النبي اللي من النار معتوق

المشاركة الأصلية كتبت بواسطة محلل أدبي (المشاركة 936492) ../~ الله الله .. صح لسان الششاعر .. وسبعة أنعام والله في أبو زيد ويسستاهل كل علم غانم .. .. أخوك..

المشاركة الأصلية كتبت بواسطة أخو جوزا (المشاركة 936500) يستاهل المدح

المشاركة الأصلية كتبت بواسطة بدر الكريزي (المشاركة 936530) صح لسان الشاعر عايد بن شباط و بيض الله وجهه و ما مدح الا من يستحق بكل تأكيد و مهما قيل في آلاد النفيعي لا تفيهم حقهم فيصل لا هنت يالغالي على ايرادها

المشاركة الأصلية كتبت بواسطة هايل العتيبـــي (المشاركة 936543) والله ونعم .. صح لسان الشاعر ويستاهل ابو فيصل كل علم غانم .. لاهنت يابو منيف . والله يعطيك العافيه .. ..

المشاركة الأصلية كتبت بواسطة فيصل المسعودي (المشاركة 936489) هذه القصيدة للشاعر/ عايد بن شباط المشعبي السبيعي في جاره العقيد/ منيف بن زيد المسعودي النفيعي. اليا نصيت أنصى بعيد الهقاوي=اللي قصيره رافعٍ هامته فوق سلام يا أبو زيد راع النخاوي=سلامٍ أحلى من لبن شمخ النوق حرن على الطالات والطيب قاوي=تنشر له البيضاء مع كل مخلوق لك فزعةٍ من كل همٍ تداوي=اليا اصطفق من عج الأيام صافوق فزعتك يالحر العديم النداوي=يومٍ غيرك فزعته مالها ذوق يانادرٍ لا صاع عطب المهاوي=ترف له بيض النواميس والتوق يجزع ويبتع وإن بتع مايراوي=رجله على مرقا العلا ساقها سوق يرهي ولا يلحق عليه الرهاوي=حرن على الطالات ماهوب مسبوق ويوم أمدحك قلبي لمدحك نحاوي=ومدايحن في غيركم مالها سوق ومن عد فيك الطيب ماهوب غاوي=طيبٍ على الجدان ماهوب ملحوق لك عزوةٍ فالحرب ماهيب تاوي=سلاتهم من أحمر الدم مسفوق ألاد النفيعي طيبين العزاوي=تاريخهم في قمة المجد من فوق أهل الكرم ويزبنون الجلاوي=ودخيلهم يامن من الغدر والبوق يقولها اللي فالمعاني قصاوي=يختار طيبها على كل طاروق وختامها عود أزرق وطيب جاوي=يغش الوجيه اللي لها يطرب الشوق وصلاة ربي عد ماخط راوي=على النبي اللي من النار معتوق