مرحبا ردية ٍ سلمها سلم الجدود = ياخذ الطرقي معاها كرامات وذرى
بعد ماخلّص سعود العصيمي ياحمود = ودي اخبّرك باللي على بالي طرى

لاترحب بالنيابه وحنا في الوجود = في محلي لاتحسب ان انا وانت خشرى
بعد ماخلصت قافٍ لعبته مع سعود = وش طرى في خاطرك من طواري ياتُرى ؟

لاتسوي بيننا يابيض الشارب حدود = لي ثلاث سنين بين الشفا وام القرى
عاضك الله وانتبه للطراقي والوفود = بعد هذي كل شاعر على بابك سرى

ياعقاب تمون لكن بجودي لا تجود = ما لحقني في المواجيب واللازم زرى
الله الرزاق والعود في عين الحسود = مار مدري صاحبي وش فهم من ما قرى

بعد عدّيت البهيته معا ذيك الحيود = لاتحسب ٍ البهيته كما طلعة كرى
والله ان ّ مانبيح السراير والسدود = مار اظن حمود عن ماحصلّه مادرى

ان مشيت امشي ملك وان رقيت ارقى سنود =خطوتي في الدرب قدام ماترجع ورى
انت هات الحجه اللي لها عندك شهود = لجل اقول عقاب له قلب وعيون ٍ ترى

الله اكبر بعد سادو على الارض الهنود = يمكن الناس الكريمه يعيشون افقرى
انت لو برّقت بين المخيله والرعود = كان شفت الفرق بين الثريا والثرى

ماعليك خلاف وانته على عد الورود = وان لحقك الضيم حنا نرد الك البرى
فيه فعل يجرح كبود ويدواي كبود = وانت كبدك جرحها يا ابن وايل مابرى

فالسلوم وبالعوايد تجاوزت البنود = كيف يالطيّب تشمت على ناس اومرا
مايسود الظلم لو سادو عيال الزيود = وابن وايل خابر ٍ في حياته وش جرى

والله اني ما اتلحق موفين العهود = مار اظن الليل بيني وبينك ما سرى
كان ودك تنصر الدين وتذل اليهود = رح وفجر لك عماره في وسط انجلترا