السير عكس إتجاه السير=مسموح لا شانت أخلاقي
ما همّني لوحة التحذير=لو دقّرت في عظم ساقي
أطوّل خطاي لين أطير=وأحوم وأومي بمسباقي !
مخلوق عادي وطبعي غير=لكنّ .. سبحان خلاّقي
مجنون من يوم كنت صغير=والعقل في عمري الباقي
حذفت فـالبير .. دلو البير=وأزريت لا أعدّل الساقي
من كثر ما أرمش بلا تفسير=طاحت عيوني من أحداقي !
والحبّ ماعاد له تبرير=كل المخاليق عشّاقي
ما غير أخمّ الغلا وأغير=وأوزّعه .. وأنثر أشواقي
وأولّع النور للنوّير=وأبلّ ريقي بترياقي
يا مدّور الشرّ عيّن خير=وأرتاح فـالمنزل الراقي
مداني .. الغش والتزوير=فـاوراق غيري وفـاوراقي
لاعاد ترقص على الجنزير=حديد .. وعظامك دقاقي
سلام يا المسلم الشرير=للباب طاقه .. وطقّاقي
مير أقبل الشكر والتقدير=والودّ من صادق أعماقي

صح لسان سداح على هذا الرائعه والشكر لك أبونواف

المشاركة الأصلية كتبت بواسطة عبدالله الجـــذع (المشاركة 893346) فلسفه في قمه الروعه للشاعر الجميل سداح مشكور يابو نواف على النقل المميز يامميز محبك .,

المشاركة الأصلية كتبت بواسطة عبدالرحمن الهيلوم (المشاركة 893367) صح السانه والسانك ياذيباااااان ابيض وجه

المشاركة الأصلية كتبت بواسطة محمد العتيبي (المشاركة 893411) عجييييييب :) صح لسااااااانه صح لسااااااااانه وصح لسااانك يابونواف على الانتقاء الفاخر .. تحيتي ..