أذا جـادت لياليـك بمصيبـة=وقامت من بلاويهـا تجـودي
وضاقت بك مفاليها الرحيبـة=وصبرك قل وحمولك تـزودي
توكل وأحتزم وأزبـن عتيبـة=لهم في ساعة الشدة وجودي
لهم بالمرجلة راس الرقيبـة=ورأيتهم على راس العمـودي
يفكونك من أسبـاب الغليبـة=بحد السيـف والأ بالنقـودي
أخص اللي فزع لي وانتخيبه=ابوممـدوح فكـاك القيـودي
لقيته (فالح) الساس وعريبه=له البيرق على وقت الجدود
لقيته(عيد) للضيـف وحبيبـه=بشاشة وجه ومهيَل وعـودي
لقيته(راشد) العقـل ولبيبـه=فصيح لسان بالمجلس ركودي
(ثقيل) الاسم مع قدرٍ وهبيبـه=خفيف بفزعته سـدٍ سـدوي
(حبردي روقي) يفك الطليبـة=سديد الراي حـلال العقـودي
عسى ممدوح مثله ونحكي به=وأظن الشبل من دار الاسودي
وصلاة الله على اللي نقتدي به=عدد مالاح بـراق الرعـودي

صح لسان الشاعر إبراهيم فالح البلوي ..

المشاركة الأصلية كتبت بواسطة محمد العتيبي (المشاركة 886847) الله الله الله قصيده ولا أروع منها في قوتها وتركيبها .. صح لسااان الشاعر البلوي ونعم في المادح والممدوح .. ولاهنت يالغالي على النقل الرائع .. تحيتي ,,,

المشاركة الأصلية كتبت بواسطة أبونواف (المشاركة 887112) صح لسان الشاعر إبراهيم فالح البلوي ..

المشاركة الأصلية كتبت بواسطة الـوفـا طـبـعـي (المشاركة 887591) قصيده جزله ويستاهل ابن روق ووصح الله السان البلوي تحياتي لك يالعطاوي

المشاركة الأصلية كتبت بواسطة سيف عنزه (المشاركة 889007) صح لسااان الشاعر وبيض الله وجهك على النقل