الهيـــــــــــــلا *** منتدى قبيلة عتيبة - يادار ماجورة من الشر يادار

[poet font="Simplified Arabic,4,white,normal,normal" bkcolor="transparent" bkimage="" border="inset,4,gray" type=1 line=200% align=center use=ex length=0 char="" num="0,black" filter=""]
يادار ماجوره مـن الشـر يـادار=ماجـورت(ن) ياقبلـة المسلمينـا
ماجورت(ن) يادار من شر الاشرار=اللـي لنـا يـادارنـا حاقديـنـا
واحنا فـداك بماملكنـا والاعمـار=وعند الطلـب يادارنـا حاضرينـا
ويامدورين الصلح عميان الابصار=منتم بهل صلـح(ن) ولاصالحينـا
أنتم طواغيت(ن) مراسيـل كفـار=بفعالكـم ياهـل الخـزاء بينينـا
وحنا فهد ومع الفهد وين ماسـار=وحنا ولـي العهـد باللـي يبينـا
وسلطان يامر ونتقـدم للاخطـار=عند الطواري والطلـب جاهزينـا
ونايف يفي لاقال قولـه بالاخبـار=ولكم نهار(ن) شيـن يالخاينينـا
اقطع بهم يامير باالسيف مشـوار=أمقتليـن الابـريـاء الامنيـنـا
وليا ادبت عامر يعرف العلم عمـار=وتكسر اعيون اللي لنا حاسدينـا
والله يولـع بالطواغيـت بالنـار=ويجعل لهم في كل درب(ن) كمينا
واكشف خفاهم يالولي قدم الانظار=وبحماك جر مكـه وفـك المدينـا
يادار يادار أهل الطيـب الاخيـار=حكام نجـد اللـي بهـا حاكمينـا
أهل الكرم والجود وافين الاشبـار=ال السعود أهـل العلـوم الثمينـا
سترالظعيف وفزعت الشعب والجار=يشهد لهم تاريخهـم مـن سنينـا
وعسى شهيدك مع طوابير الابرار=وبالاخـره يحمـل كتابـه يمينـا
ياجمل بلد اقولهـا سـر وجهـار=يالؤلـؤه يـامـاس ياياسميـنـا
أنتي ذهب والا من البحـر محـار=غـلاك والله زاد فـي الحنيـنـا
أحلا بلد اشرف بلد وسط الاقطـار=مدري وش أصف فيك ماتوصفينـا
محتار مدري وين اوديـك محتـار=بالعين أحطـك أو أوديـك وينـا
ويالعاصمه جعلك بساتين وزهـار=ومن شر عدوان الوطن تسلمينـا
مانستريح ألا لاخذنـا لـك الثـار=واليا مسكنا عداك حنـا اهتنينـا
ماالله ياخلي كـل خايـن وغـدار=يمهل ولا يهمـل عـن الظالمينـا
[/poet]
الشاعر/ خليف الوهيداني الرشيدي

اخوكم
العبســـي