اقرب يامعجب لو ا ن الوضع فعلا عجيب= آيات تنسونها وآية تحفظونها
ان كان هرجك يطيب وهرجتي ماتطيب=تبغى تضيع الامانه وانت مأمونها

لاترفع الصوت انا حولك قريّب واجيب=واتابع الحق والآيات واصونها
انسان مخطي والاخر يارفيقي مصيب=والتايهه دوروا عنها وتلقونها

يامعجب الجرح جاك ولا لقى له طبيب=لي هقوة فيك لكن جيت من دونها
لو العريف اتساوى رتبته والنقيب= كان النجم كل خلق الله يحطونها

ماينتخي بالعتيبي مستجير ويخيب=نيتك ياصاحبي لايختلف لونها
الفرق بين الخلايق يختلف يالحبيب=تقوا عزيز الجلال اللي تعرفونها